 (ທີ່ການເຈລະຈາ) |
ໂດຍສືບຕໍ່ການຢ້ຽມຢາມ ແອັດໂຕເນຍ ຢ່າງເປັນທາງການ, ຕອນເຊົ້າວັນທີ 06 ມິຖຸນາ, ຢູ່ນະຄອນຫຼວງ Tallinn, ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ໄດ້ດຳເນີນການເຈລະຈາກັບທ່ານນາຍົກລັດຖະມົນຕີ ແອັດໂຕເນຍ Kristen Michal.
ທີ່ການເຈລະຈາ, ນາຍົກລັດຖະມົນຕີ 2 ທ່ານຢືນຢັນວ່າ, 2 ຝ່າຍເປີດກວ້າງການຮ່ວມມືໃນຫຼາຍຂົງເຂດ; ສ້າງເງື່ອນໄຂສະດວກໃຫ້ແກ່ວິສາຫະກິດ 2 ປະເທດລົງທຶນ, ດຳເນີນທຸລະກິດຢູ່ 2 ປະເທດ. ຫວຽດນາມ ປາດຖະໜາວ່າ, ແອັດໂຕເນຍ ສວມບົດບາດເປັນຂົວເຊື່ອມຕໍ່ຢ່າງມີປະສິດທິເພື່ອຜົນຊ່ວຍໃຫ້ບັນດາສິນຄ້າສົ່ງອອກຂອງ ຫວຽດນາມ ສຳພັດກັບຕະຫຼາດ ເອລົບເໜືອ ແລະ ສະຫະພາບ ເອີລົບ ຢ່າງເລິກເຊິ່ງ, ກວ້າງຂວາງກວ່າ. 2 ຝ່າຍໄດ້ເຫັນດີເພີ່ມທະວີການພົບປະແລກປ່ຽນປະຊາຊົນ, ໃຫ້ຄຳປຶກສາ ແລະ ສະໜັບສະໜູນເຊິ່ງກັນແລະກັບໃນບັນດາບັນຫາສາກົນ ແລະ ພາກພື້ນ. ກ່ຽວກັບບັນດາບັນຫາທະເລ ແລະ ມະຫາສະໝຸດ, ໃນນັ້ນມີທະເລຕາເວັນອອກ, 2 ຝ່າຍໄດ້ສະໜັບສະໜູນຄວາມເສລີໃນການເດີນເຮືອ, ການບິນຢູ່ທະເລຕາເວັນອອກ, ບົນພື້ນຖານເຄົາລົບຜົນປະໂຫຍດຂອງບັນດາປະເທດເຂດແຄມທະເລໃຫ້ສອດຄ່ອງກັບກົດໝາຍສາກົນ, ໂດຍສະເພາະແມ່ນສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS 1982), ແກ້ໄຂບັນດາການຂັດແຍ້ງກັນໂດຍສັນຕິວິທີ ບົນພື້ນຖານກົດໝາຍສາກົນ, ບໍ່ນຳໃຊ້ ຫຼື ນາບຂູ່ນຳໃຊ້ອາວຸດ.
ສິ້ນສຸດການເຈລະຈາ, ນາຍົກລັດຖະມົນຕີ 2 ທ່ານໄດ້ເປັນສັກຂີພິຍານພິທີລົງນາມ ແລະ ແລກປ່ຽນບົດບັນທຶກຊ່ວຍຈຳການຮ່ວມມືລະຫວ່າງກະຊວງການຕ່າງປະເທດ ຫວຽດນາມ ແລະ ກະຊວງການຕ່າງປະເທດ ແອັດໂຕເນຍ ແລະ ບົດບັນທຶກຊ່ວຍຈຳການຮ່ວມມືຫັນເປັນດີຈີຕອນ ແລະ ເສດຖະກິດດີຈີຕອນລະຫວ່າງກະຊວງວິທະຍາສາດ ແລະ ເຕັກໂນລຊີ ຫວຽດນາມ ກັບກະຊວງຍຸຕິທຳ ແລະ ຫັນເປັນດີຕອນ ແອັດໂຕເນຍ.
