 ສຳນັກງານຄະນະກຳມະການເອີລົບ ຢູ່ ແບນຊິກ (ພາບ: THX/TTXVN) |
ທ່ານລັດຖະມົນຕີການເງິນຝລັ່ງ Eric Lombard ໄດ້ຮຽກຮ້ອງຕໍ່ກຳນົດເວລາເຈລະຈາທາງການຄ້າລະຫວ່າງສະຫະພາບ ເອີລົບ (EU) ແລະ ອາເມລິກາ ພາຍຫຼັງເວລາທີ່ຈະໝົດກຳນົດໃນວັນທີ 9 ກໍລະກົດ, ເພື່ອຊອກຫາຂໍ້ຕົກລົງໃໝ່ທີ່ດີກ່ວາ.
ໃນການຕອບສຳພາດຂອງໜັງສືພິມ La Tribune Dimanche, ທີ່ໄດ້ປະກາດ ໃນວັນທີ 29 ມິຖຸນາ, ທ່ານລັດຖະມົນຕີ Lombard ເຊື່ອໝັ້ນວ່າ EU ຈະບັນລຸໄດ້ຂໍ້ຕົກລົງກັບ ອາເມລິກາ. ເມື່ອເຕື້ອງເຖິງຈຸດເວລາໝົດກຳນົດ, ທ່ານລັດຖະມົນຕີກະຊວງການເງິນ ຝລັ່ງ ຫວັງວ່າການເຈລະຈາທາງການຄ້າລະຫວ່າງ EU ກັບອາເມລິກາ ຈະແກ່ຍາວເວລາກຳນົດໄປຕື່ມອີກຄັ້ງໜຶ່ງເພື່ອສາມາດບັນລຸໄດ້ຂໍ້ຕົກລົງທີ່ດີກ່ວາ ຂໍ້ຕົກລົງໃນວັນທີ 9 ກໍລະກົດ.
ທ່ານປະທານາທິບໍດີ ອາເມລິກາ ໄດ້ກຳນົດວັນທີ 9 ກໍລະກົດແມ່ນຈຸດເວລາສຸດທ້າຍໃຫ້ແກ່ບັນດາການເຈລະຈາທາງການຄ້າລະຫວ່າງ ປະເທດນີ້ກັບ EU, ພ້ອມທັງກ່າວເຕືອນວ່າ ເລື່ອງບໍ່ບັນລຸໄດ້ຂໍ້ຕົກລົງອາດຈະພາໄປເຖິງການກະທຳຂອງ ວໍຊິງຕັນໃນການຈັດວາງອັດຕາພາສີສູງກ່ວາທີ່ຕໍ່ສິນຄ້າຊະນິດຕ່າງໆນັບແຕ່ ລົດໂອໂຕຕະຫຼອດຮອດຜະລິດຕະພັນການຢາ.
