 (ທ່ານ ເລືອງເກື່ອງ ປະທານປະເທດ ຫວຽດນາມ ຕ້ອນຮັບທ່ານ Denny Heck, ຮອງຜູ້ວ່າການລັດ ວໍຊິງຕັນ) |
ຫວຽດນາມ ຖື ອາເມລິກາ ແມ່ນໜຶ່ງໃນບັນດາຄູ່ຮ່ວມມືສຳຄັນ. ນີ້ແມ່ນຄຳຢືນຢັນຂອງທ່ານ ເລືອງເກື່ອງ ປະທານປະເທດ ຫວຽດນາມ ທີ່ການຕ້ອນຮັບທ່ານ Denny Heck, ຮອງຜູ້ວ່າການລັດ ວໍຊິງຕັນ ໃນຕອນເຊົ້າວັນທີ 21 ກັນຍາ, ຢູ່ Seattle ເນື່ອງໃນໂອກາດເຂົ້າຮ່ວມວາລະປຶກສາຫາລືລວມຂັ້ນສຸດຍອດສະມັດຊາໃຫຍ່ສະຫະປະຊາຊາດຊຸດທີ 80.
ທ່ານປະທານປະເທດຢືນຢັນວ່າ ຫວຽດນາມ ຖື ອາເມລິກາ ແມ່ນໜຶ່ງໃນບັນດາຄູ່ຮ່ວມມືສຳຄັນແຖວໜ້າ ແລະ ຖືລັດ ວໍຊິງຕັນ ແມ່ນຄູ່ຄ້າຈຸດສຸມຂັ້ນທ້ອງຖິ່ນ. ທ່ານປະທານປະເທດເນັ້ນໜັກວ່າ, ປະຈຸບັນ ຫວຽດນາມ ແມ່ນຕະຫຼາດສົ່ງອອກໃຫຍ່ອັນດັບທີ 5 ຂອງລັດ ວໍຊິງຕັນ, ທ່ານສະເໜີໃຫ້ 2 ຝ່າຍຕ້ອງຮັກສາທ່າຮ່ວມມືໂດຍຜ່ານການແລກປ່ຽນຄະນະຜູ້ແທນ, ການພົບປະທຸກຂັ້ນ; ສ້າງສະພາບແວດລ້ອມທີ່ສະດວກໃຫ້ແກ່ການຄ້າ, ການລົງທຶນ; ຊຸກຍູ້ການຮ່ວມມືດ້ານວິທະຍາສາດ - ເຕັກໂນໂລຊີ, ທ່າກຳປັ່ນນ້ຳເລິກ, ຊຸກຍູ້ການຮ່ວມມືລະຫວ່າງລັດກັບນະຄອນ ໂຮ່ຈີມິນ…
ສ່ວນທ່ານຮອງຜູ້ວ່າການລັດ Denny Heck ຢືນຢັນພ້ອມແລ້ວທີ່ຈະພ້ອມກັບບັນດາຄູ່ຮ່ວມມື ຫວຽດນາມ ເພີ່ມທະວີການເຊື່ອມຕໍ່ອຳນາດການປົກຄອງ - ວິສາຫະກິດ; ຊຸກຍູ້ດ້ານການຄ້າ - ການລົງທຶນ 2 ສົ້ນ. ທ່ານກໍ່ໃຫ້ຄຳໝັ້ນສັນຍາຈະສ້າງສະພາບແວດລ້ອມການດຳລົງຊີວິດ, ຮ່ຳຮຽນ ແລະ ດຳເນີນທຸລະກິດທີ່ສະດວກ, ສົ່ງເສີມການເຄື່ອນໄຫວພົບປະແລກປ່ຽນວັດທະນະທຳ - ການສຶກສາ, startup ແລະ ເຊື່ອມຕໍ່ລະຫວ່າງລັດ ວໍຊິງຕັນ ແລະ ຫວຽດນາມ.
