 ກຳລັງດັບເພິງ ພວມປະຕິບັດການກູ້ຊ່ວຍຢູ່ບ່ອນເກີດການປະທະກັນດ້ວຍລູກສອນໄຟຈາກອີຣານ ໃສ່ ອິດສະຣາແອນ ໃນວັນທີ 15/6/2025. (ພາບ:REUTERS/Rami Shlush) |
ນີ້ແມ່ນບັ້ນບຸກໂຈມຕີທີ 9 ຂອງອີຣານ ເລັ່ງໃສ່ ອິດສະຣາແອນ ນັບແຕ່ເມື່ອການປະທະກັນເກີດຂຶ້ນໃນວັນທີ 13 ມິຖຸນາ. ເປົ້າໝາຍແມ່ນເລ່ັງໃສ່ບັນດາຖານທີ່ໝັ້ນການທະຫານຂອງອິດສະຣາແອນ ຢູ່ Tel Aviv ແລະ Haifa.
ສ່ວນຝ່າຍອິດສະຣາແອນ, ກຳລັງປ້ອງກັນຕົວອິດສະຣາແອນ (IDF) ປະກາດວ່າ ໄດ້ເປີດການບຸກໂຈມຕີຫລາຍຄັ້ງເຂົ້າເລິກໃນເຂດດິນແດນ ອີຣານ, ທຳລາຍຫລາຍລະບົບຖານຍິງລູກສອນໄຟ, ເຮືອບິນສູ້ຮົບ F-14 Tomcat 2 ລຳ ແລະ ລົດຂົນສົ່ງລູກສອນໄຟຫນ້າດິນຕ້ານຫນ້າດິນ. ກອງທັບ ອິດສະຣາແອນ ກໍ່ຢັ້ງຢືນວ່າ ໄດ້ທຳການບຸກໂຈມຕີໃສ່ສຳນັກງານ ກະຈາຍສຽງ - ໂທລະພາບ ອີຣານ ຢູ່ ນະຄອນຫລວງ ເຕເຮຣານ.
ໃນວັນດຽວກັນ, ກະຊວງການຕ່າງປະເທດ ອີຣານ ໃຫ້ຮູ້ວ່າ: ບັນດານັກສ້າງກົດໝາຍຂອງປະເທດນີ້ ພວມກະກຽມຮ່າງກົດໝາຍສະບັບຫນຶ່ງ ອາດຈະຊຸກຍູ້ເລື່ອງຖອນຕົວອອກຈາກສົນທິສັນຍາບໍ່ແຜ່ຂະຫຍາຍອາວຸດນິວເຄຼຍ (NPT).
ແລະ ໃນວັນທີ 16 ມິຖຸນາ, 21 ປະເທດ ອິດສະລາມ ໄດ້ອອກຖະແຫລງການຮ່ວມ ໂດຍຄັດຄ້ານ ອິດສະຣາແອນ, ກ່າວຫາອິດສະຣາແອນ ລະເມີດກົດໝາຍສາກົນ ແລະ ນາບຂູ່ຄວາມໝັ້ນຄົງຕໍ່ພາກພື້ນ ເມື່ອບຸກໂຈມຕີ ໃສ່ ອີຣານ, ຮຽກຮ້ອງສອງຝ່າຍຈົ່ງຢຸດຍິງຢ່າງທັນທີ ແລະ ຟື້ນຟູສັນຕິພາບ.
ນັກຂ່າວ VOV ປະຈຳ ອີຢີບ
