ໃນຂອບເຂດການຢ້ຽມຢາມອີຕາລີຢ່າງເປັນທາງການ, ຕອນເຊົ້າວັນທີ 13 ເມສາ, ທ່ານປະທານສະພາແຫ່ງຊາດເຈິ່ນແທັງເໝິນ ໄດ້ເຂົ້າຮ່ວມການໂອ້ລົມສົນທະນານະໂຍບາຍຊຸກຍູ້ການຮ່ວມມື ຫວຽດນາມ - ອີຕາລີ.
ກ່າວຄຳເຫັນທີ່ການໂອ້ລົມສົນທະນາ, ທ່ານປະທານສະພາແຫ່ງຊາດ ເຈິ່ນແທັງເໝິນ ໃຫ້ຮູ້ວ່າ ອີຕາລີແມ່ນໜຶ່ງໃນບັນດາຄູ່ຮ່ວມມືສຳຄັນແຖວໜ້າຂອງ ຫວຽດນາມ ຢູ່ເອີລົບ. ກົງກັນຂ້າມ, ຫວຽດນາມ ແມ່ນໜຶ່ງໃນບັນດາພື້ນຖານເສດຖະກິດມີຄວາມຂະຫຍັນຂັນເຄື່ອນ, ພວມພັດທະນາໂດຍໄວຢູ່ພາກພື້ນ ອາຊີ - ປາຊີຟິກ, ດ້ວຍສະພາບແວດລ້ອມແຫ່ງການລົງທຶນທີ່ນັບມື້ນັບໄດ້ຮັບການປັບປຸງ, ກຳລັງແຮງງານໜຸ່ມ, ຕະຫຼາດກວ້າງໃຫຍ່ ແລະ ການເຊື່ອມໂຍງເຂົ້າກັບສາກົນຢ່າງເລິກເຊິ່ງກວ້າງຂວາງ. ນີ້ແມ່ນບັນດາເງື່ອນໄຂສະດວກເພື່ອໃຫ້ສອງຝ່າຍເພີ່ມທະວີການຮ່ວມມື, ໜູນຊ່ວຍເຊິ່ງກັນແລະກັນພ້ອມກັນພັດທະນາ.
ທີ່ການໂອ້ລົມສົນທະນາ, ຜູ້ຕາງໜ້າວິສາຫະກິດ ແລະ ບັນດາອົງການຈັດຕັ້ງ, ສະມາຄົມສອງປະເທດໄດ້ພ້ອມກັນແລກປ່ຽນ, ແບ່ງປັນວິໄສທັດ, ບົດຮຽນປະສົບການ ແລະ ສະເໜີບັນດາມາດຕະການແທ້ຈິງ ເພື່ອແນໃສ່ຊຸກຍູ້ການຮ່ວມມືສອງຝ່າຍໃນໄລຍະໃໝ່.
