 (ພາບປະກອບ: REUTERS/Yuri Gripas) |
ວັນທີ 26 ພະຈິກ, ກອງທຶນເງິນຕາສາກົນ (IMF) ໄດ້ແຈ້ງວ່າສາມາດບັນລຸໄດ້ຂໍ້ຕົກລົງຂັ້ນພະນັກງານກັບ ຢູແກຼນ ກ່ຽວກັບໂຄງການໜູນຊ່ວຍໃໝ່ ມີມູນຄ່າ 8,2 ຕື້ USD ທີ່ແກ່ຍາວເປັນເວລາ 4 ປີ, ໃນສະພາບການ ຢູແກຼນ ປະເຊີນໜ້າກັບຄວາມກົດດັນປີການເງິນທີ່ນັບມື້ນັບໜັກຂຶ້ນ ຍ້ອນການປະທະກັນ. ຂໍ້ຕົກລົງສະບັບໃໝ່ຈະແທນທີ່ບ້ວງໜູນຊ່ວຍເປີດກວ້າງ (EFF) ທີ່ມີມູນຄ່າ 15,6 ຕື້ USD, ໂດຍໄດ້ຮັບການຮັບຮອງເອົາໃນປີ 2023, ເຊິ່ງໄດ້ອີງຕາມສົມມຸດຖານການປະທະກັນຈະສິ້ນສຸດໃນທ້າຍປີ 2025 - ສິ່ງທີ່ປັດຈຸບັນແມ່ນບໍ່ເໝາະສົມອີກ. ທ່ານ Gavin Gray ຫົວໜ້າຄະນະປະຕິບັດງານຂອງ IMF ປະຈຳ ຢູແກຼນ ໃຫ້ຮູ້ວ່າ ໂຄງການໃໝ່ນີ້ເພື່ອແນໃສ່ຊ່ວຍ ກີແອັບ ຮັກສາເສດຖະກິດມະຫາພາກເປັນປົກກະຕິ, ປັບປຸງການເງິນພາກລັດ. ໂຄງການຈະຍື່ນສະເໜີຕໍ່ສະພາບໍລິຫານ IMF, ພາຍຫຼັງ ກີແອັບ ປະຕິບັດສຳເລັດບັນດາຄວາມຮຽກຮ້ອງຕ້ອງການເຊິ່ງ IMF ໄດ້ຍົກອອກມາ ແລະ ເມື່ອມີຄຳໝັ້ນສັນຍາອຸປະຖຳຢ່າງຄົບຖ້ວນ ຈາກບັນດາຄູ່ຮວມມືສາກົນ.
