(ພາບ: THX/TTXVN) |
ວັນທີ 15 ພະຈິກ, ຕາມເວລາທ້ອງຖິ່ນ, ທ່ານ Nabih Berri, ປະທານສະພາແຫ່ງຊາດ ລີບັງ ຮັບຮູ້ວ່າ ທ່ານໄດ້ຮັບຂໍ້ສະເໜີຢຸດຍິງຢູ່ ລີບັງ ຂອງ ອາເມລິກາ ແລະ ຖະແຫຼງວ່າ “ບັນຍາກາດພວມມີຄວາມຕັ້ງໜ້າ ແລະ ພວກຂ້າພະເຈົ້າຕ້ອງຕິດຕາມໝາກຜົນ”.
ທ່ານ Berri ປະຕິເສດວ່າ ຂໍ້ສະເໜີນີ້ລວມທັງການມອບສິດໃຫ້ແກ່ກອງທັບ ອິດສະຣາແອັນ ມີສິດເສລີໃນການໄປມາຢູ່ ລີບັງ. ທ່ານປະທານສະພາແຫ່ງຊາດ ລີບັງ ຢືນຢັນຂໍ້ສະເໜີຮຽກຮ້ອງການສ້າງຕັ້ງຄະນະກຳມະການ ລວມມີບັນດາປະເທດຝ່າຍຕາເວັນຕົກ ເພື່ອຕິດຕາມກວດກາການປະຕິບັດມະຕິ 1701 ຂອງສະພາຄວາມໝັ້ນຄົງ ສປຊ. ມະຕິ 1701 ໄດ້ຊ່ວຍຢຸດຕິການປະທະກັນຄັ້ງຫຼ້າສຸດ ລະຫວ່າງກຳລັງ ເຮັກໂບລາ ແລະ ອິດສະຣາແອັນ ໃນປີ 2006, ພ້ອມທັງກຳນົດວ່າ ພາກໃຕ້ ລີບັງ ຕ້ອງບົດອາວຸດ ແລະ ບໍ່ຂຶ້ນກັບລັດ ລີບັງ.
