ພັກ, ລັດ ຈີນ ໄດ້ຈັດພິທີຕ້ອນຮັບຢ່າງສົມກຽດທີ່ສຸດໃຫ້ແກ່ທ່ານເລຂາທິການໃຫຍ່, ປະທານປະເທດ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ຫວຽດນາມ, 21 ຄັ້ງຍິງລູກປືນໃຫຍ່ ຕ້ອນຮັບທ່ານເລຂາທິການໃຫຍ່, ປະທານປະເທດ ໂຕເລິມ.
ໂດຍຂ່ຳນັບຮັບຕ້ອນທ່ານເລຂາທິການໃຫຍ່, ປະທານປະເທດ ໂຕເລິມ ມາຢ້ຽມຢາມທາງລັດຖະກິດ ຢູ່ຈີນ; ທ່ານ ເລຂາທິການໃຫຍ່, ປະທານປະເທດ ຈີນ ສີຈີ້ນຜິງ ໄດ້ເຊີນທ່ານເລຂາທິການໃຫຍ່, ປະທານປະເທດ ໂຕເລິມ ກ້າວຂຶ້ນແທ່ນກຽດຕິມະສັກ. ດຸລີຍາງເພງຊາດ ຫວຽດນາມ ແລະ ຈີນ.
ຫຼັງຈາກນັ້ນ, ທ່ານເລຂາທິການໃຫຍ່, ປະທານປະເທດ ຈີນ ສີຈີ້ນຜິງ ແລະ ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລິມ ໄດ້ຍ່າງກວດແຖວກຽດຕິຍົດທະຫານປົດປ່ອຍປະຊາຊົນ ຈີນ. ບັນດາຫຼານນ້ອຍເຍົາວະຊົນຂອງ ຈີນ ຢືນເປັນໂບກທຸງ, ດອກໄມ້ເພື່ອຕ້ອນຮັບທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ຫວຽດນາມ.
ພາຍຫຼັງພິທີຕ້ອນຮັບຢ່າງເປັນທາງການ, ທ່ານເລຂາທິການໃຫຍ່, ປະທານປະເທດ ຈີນ ສີຈີ້ນຜິງ ພ້ອມດ້ວຍຄະນະຜູ້ແທນຂັ້ນສູງ ຈີນ ແລະ ທ່ານເລຂາທິການໃຫຍ່, ປະທານປະເທດ ໂຕເລິມ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ດຳເນີນການພົບປະຂັ້ນສູງສອງຝ່າຍ ເພື່ອແນໃສ່ເຮັດໃຫ້ສາຍພົວພັນສອງຝ່າຍໃຫ້ເລິກເຊິ່ງກວ່າໃນໄລຍະຈະມາເຖິງ.
