 ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ເດີນທາງໄປຮອດສະໜາມບິນສາກົນ ຊີນຫາຍ (ພາບ: VOV) |
ໃນລະຫວ່າງວັນທີ 24 – 27 ມິຖູນາ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ຈະເຂົ້າຮ່ວມກອງປະຊຸມປະຈຳປີບັນດາຜູ້ນຳໜ້າຄັ້ງທີ 16 ຂອງເວທີປາໄສເສດຖະກິດໂລກ (ກອງປະຊຸມ WEF ທຽນຊີນ 2025) ແລະ ເຮັດວຽກກັບ ຈີນ ຕາມຄຳເຊີນຂອງທ່ານປະທານທັງເປັນຜູ້ອຳນວຍການໃຫຍ່ຝ່າຍບໍລິຫານຂອງເວທີປາໄສເສດຖະກິດໂລກ Borge Brende ແລະ ທ່ານນາຍົກລັດຖະມົນຕີ ສປ. ຈີນ ຫຼີສຽງ.
ຕາມແຜນການແລ້ວ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ຈະເຂົ້າຮ່ວມພິທີໄຂກອງປະຊຸມ WEF ທຽນຊີນ 2025 ; ວາລະສົນທະນານະໂຍບາຍກັບທ່ານປະທານຝ່າຍບໍລິຫານເວທີປາໄສເສດຖະກິດໂລກ; ວາລະປຶກສາຫາລື ດ້ວຍຫົວຂໍ້ “ສະຕະວັດຂອງ ອາຊີ ພວມປະສົບກັບສິ່ງທ້າທາຍ?”. ໃນຊຸມວັນເຄື່ອນໄຫວຢູ່ ຈີນ, ທ່ານນາຍົກລັດຖະມົນຕີ ຟ້າມມິງຈິງ ກໍຈະມີການໂອ້ລົມສົນທະນາ, ການພົບປະກັບການນຳຂັ້ນສູງ ຈີນ ແລະ ບັນດາປະເທດ, ເຂົ້າຮ່ວມເວທີປາໄສວິສາຫະກິດ ຫວຽດນາມ - ຈີນ, ຕ້ອນຮັບການນຳບັນດາກຸ່ມບໍລິສັດ ຈີນ, ພົບປະກັບປະຊາຄົມຊາວ ຫວຽດນາມ ແລະ ນັກສຶກສາ ຫວຽດນາມ ຮ່ຳຮຽນ, ອາໄສຢູ່ ຈີນ.
ລ້າຍຮວາ
