 ທ່ານນາງຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທັງເຊີນ ຕ້ອນຮັບທ່ານນາງເອກອັກຄະລັດຖະທູດ ອົດສະຕາລີ Gillian Bird (ພາບ: VGP) |
ຕອນບ່າຍວັນທີ 16 ມິຖຸນາ, ຢູ່ສຳນັກງານລັດຖະບານ, ຮ່າໂນ້ຍ, ເມື່ອກ່າວຄຳເຫັນໃນການຕ້ອນຮັບທ່ານນາງເອກອັກຄະລັດຖະທູດ ອົດສະຕາລີ Gillian Bird, ເນື່ອງໃນໂອກາດທ່ານເອກອັກຄະລັດຖະທູດເລີ່ມຕົ້ນອາຍຸການຢູ່ ຫວຽດນາມ, ທ່ານນາງຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທັງເຊີນ ສະເໜີໃຫ້ທ່ານເອກອັກຄະລັດຖະທູດ Gillian Bird, ໃນໄລຍະຈະມາເຖິງ ໃຫ້ການສົມທົບຢ່າງຕັ້ງໜ້າ, ຮັກສາທ່າພັດທະນາຂອງການພົວພັນສອງຝ່າຍ; ດຳເນີນການສຳຫຼວດກວດກາຄວາມຄືບໜ້າຂອງການຜັນຂະຫຍາຍບັນດາຄຳໝັ້ນສັນຍາ, ຂໍ້ຕົກລົງຂັ້ນສູງເປັນປະຈຳໄລຍະ; ສະເໜີໃຫ້ສອງຝ່າຍເພີ່ມທະວີການຮ່ວມມືກ່ຽວກັບການປ້ອງກັນຕ້ານອາດຊະຍາກຳຂ້າມຊາດ ແລະ ການສ້າງຖານຂໍ້ມູນຄຸ້ມຄອງພົນລະເມືອງໃຫ້ຫຼາຍກວ່າອີກ.
ທ່ານຮອງນາຍົກລັດຖະມົນຕີ, ລັດຖະມົນຕີ ບຸ່ຍແທັງເຊີນ ກໍສະເໜີໃຫ້ສອງຝ່າຍເພີ່ມທະວີການເປີດປະຕູຕະຫຼາດ, ເສີມຂະຫຍາຍປະສິດທິຜົນຂອງສັນຍາການຄ້າເສລີສະບັບຕ່າງໆເຊິ່ງສອງປະເທດລ້ວນແຕ່ເປັນສະມາຊິກນັ້ນ ເພື່ອແນໃສ່ຍົກວົງເງິນການຄ້າສອງສົ້ນໃຫ້ບັນລຸເປົ້າໝາຍ 20 ຕື້ USD ໂດຍໄວ.
ສ່ວນທ່ານນາງເອກອັກຄະລັດຖະທູດ Gillian Bird ຢັ້ງຢືນວ່າ ອົດສະຕາລີ ພ້ອມແລ້ວທີ່ຈະສະໜັບສະໜູນ ແລະ ຮ່ວມມືກັບ ຫວຽດນາມ; ທ່ານເນັ້ນໜັກວ່າ ອົດສະຕາລີ ຖືບົດບາດຂອງ ຫວຽດນາມ ໃນພາກພື້ນເປັນສຳຄັນ ແລະ ມີຄວາມປາດຖະໜາຢາກປັບປຸງ, ສ້າງສາຍພົວພັນຄູ່ຮ່ວມມືກັບ ຫວຽດນາມ ຢ່າງແຮງກວ່າອີກ.
