ບັນດາພະນັກງານລຸ້ນຕ່າງໆຂອງ VOV

ນີ້ແມ່ນໂອກາດເພື່ອທົບທວນຄືນໄລຍະເວລາທີ່ສະຫງ່າອົງອາດ, ສະແດງຄວາມຮູ້ບຸນຄຸນຕໍ່ການປະກອບສ່ວນຂອງພະນັກງານນັກຂ່າວ ວິທະຍຸກະຈາຍສຽງ ຫວຽດນາມ ລຸ້ນຕ່າງໆ, ຢັ້ງຢືນຄວາມຕັດສິນໃຈໝັ້ນແກ່ນກ້າວເດີນບົນເສັ້ນທາງພັດທະນາຂອງສື່ມວນຊົນ ຫວຽດນາມ ພາຍໃຕ້ການນຳພາຂອງພັກ.

ເມື່ອກ່າວຄຳເຫັນໃນງານພົບປະ, ທ່ານ ໂດະຕຽນສີ, ກຳມະການສູນກາງພັກ, ຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ ໄດ້ຢັ້ງຢືນວ່າ: ວິທະຍຸກະຈາຍສຽງ ຫວຽດນາມ ໄດ້ສູ້ຊົນຢ່າງບໍ່ຢຸດຢັ້ງເພື່ອສົມກັບເປັນນັກຮົບຕະລຸມບອນໃນທຸກແນວຮົມແນວຄິດວັດທະນະທຳ, ຍາມໃດກໍມີການປະກອບສ່ວນຢ່າງໃຫຍ່ຫຼວງເຂົ້າໃນພາລະກິດສ້າງສາ ແລະ ປົກປັກຮັກສາປະເທດຊາດ; ຢັ້ງຢືນທີ່ຕັ້ງບົດບາດເປັນໜຶ່ງໃນບັນດາອົງການກະບອກສຽງແຖວໜ້າຂອງພັກ ແລະ ລັດ. ທ່ານເນັ້ນໜັກວ່າ:

“ເມື່ອກ້າວເຂົ້າສູ່ສັງກາດບຸກບືນຂອງຊາດ, ວິທະຍຸກະຈາຍສຽງ ຫວຽດນາມ ພວມມີການຫັນປ່ຽນຢ່າງແຮງເພື່ອຍົກສູງກຳລັງຄວາມສາມາດສື່ສານດ້ວຍຫຼາຍຮູບຫຼາຍແບບ, ຫຼາຍພາຫະນະ; ໃນນັ້ນ, ການຫັນເປັນດີຈີຕອນແມ່ນຄວາມຮຽກຮ້ອງແກ່ນສານ. ວິທະຍຸກະຈາຍສຽງ ຫວຽດນາມ ຢັ້ງຢືນບັນດາກຳນົດທິດຍຸດທະສາດແມ່ນ ຕ້ອງພັດທະນາເນື້ອໃນທີ່ມີຄຸນນະພາບສູງ, ລົງເລິກ ແລະ ວັດທະນະທຳມະນຸດ; ເພີ່ມທະວີການຫັນເປັນດີຈີຕອນ.”