 ທ່ານນາງ Sanae Takaichi, ນາຍົກລັດຖະມົນຕີຄົນໃໝ່ ຍີ່ປຸ່ນ(ພາບ: PHILIP FONG/via REUTERS)
|
ທ່ານນາງ Sanae Takaichi, ນາຍົກລັດຖະມົນຕີຄົນໃໝ່ ຍີ່ປຸ່ນ ຈະເດີນທາງໄປຢ້ຽມຢາມ ມາເລເຊຍ ແລະ ເຂົ້າຮ່ວມບັນດາກອງປະຊຸມທີ່ກ່ຽວຂ້ອງໃນຂອບເຂດກອງປະຊຸມສຸດຍອດ ອາຊຽນ ຄັ້ງທີ 47 ທີ່ຈະຈັດຂຶ້ນຢູ່ນະຄອນຫຼວງ ກົວລາລຳເປີ, ແຕ່ວັນທີ 26 – 28 ຕຸລາ. ທີ່ການປະຊຸມຖະແຫຼງຂ່າວຢູ່ນະຄອນຫຼວງ ໂຕກຽວ ໃນວັນທີ 24 ຕຸລາ, ທ່ານ Kihara Minoru, ຫົວໜ້າຫ້ອງວ່າການລັດຖະບານ ຍ່ີປຸ່ນ ໃຫ້ຮູ້ວ່າ ໃນຂອບເຂດເຫດການ, ທ່ານ ນາງ Sanae Takaichi ຈະມີການພົບປະກັບການນຳບັນດາປະເທດ ອາຊຽນ ແລະ ເຂົ້າຮ່ວມກອງປະຊຸມສຸດຍອດ ປະຊາຄົມ ອາຊີ ເພື່ອຫຼຸດການປ່ອຍອາຍພິດເປັນສູນ 0 (Asia Zero Emission Community – AZEC), ເພື່ອຊຸກຍູ້ການຮ່ວມມືພາກພື້ນກ່ຽວກັບການຫຼຸດຜ່ອນການປ່ອຍອາຍພິດ ແລະ ການຫັນເປັນພະລັງງານສະອາດ. ທ່ານ Kihara Minoru ຊີ້ແຈ້ງວ່າ, ທ່ານ ນາງ Sanae Takaichi ຈະໝູນໃຊ້ໂອກາດກອງປະຊຸມນີ້ເພື່ອເຮັດໃຫ້ການພົວພັນກັບ ອາຊຽນ ເຊິ່ງເປັນ “ຄູ່ຮ່ວມມືທີ່ມີຄວາມໄວ້ເນື້ອເຊື້ອໃຈ” ຂອງ ຍີ່ປຸ່ນ ໃຫ້ເລິກເຊິ່ງກວ່າອີກ.
