 ໂຮງງານໄຟຟ້າແສງຕາເວັນ ຢູ່ Konya, ຕວັກກີ (ພາບປະກອບ: THX/TTXVN) |
ວັນທີ 07 ຕຸລາ, ອົງການພະລັງງານສາກົນ (IEA) ກ່າວເຕືອນລະດັບການພັດທະນາພະລັງງານທົດແທນທົ່ວໂລກພວມມີສັນຍານຊັກຊ້າລົງ, ເຮັດໃຫ້ໂລກຍາກທີ່ຈະບັນລຸໄດ້ເປົ້າໝາຍເພີ່ມປະລິມານໄຟຟ້າທົດແທນຂຶ້ນທົບ 3 ເທົ່າໃນປີ 2030, ເຊິ່ງເປັນເປົ້າໝາຍໜຶ່ງທີ່ສຳຄັນໃນຄວາມມານະພະຍາຍາມຈຳກັດການປ່ຽນແປງຂອງດິນຟ້າອາກາດ.
ຕາມບົດລາຍງານຫຼ້າສຸດ, IEA ຄາດຄະເນວ່າ ກຳລັງແຮງພະລັງງານທົດແທນທົ່ວໂລກພຽງແຕ່ເພີ່ມຂຶ້ນປະມານ 4.600 GW ເທົ່ານັ້ນ, ເທົ່າກັບ 2,6 ເທົ່າເມື່ອທຽບໃສ່ລະດັບຂອງປີ 2022, ຕ່ຳກວ່າຫຼາຍພໍສົມຄວນເມື່ອທຽບໃສ່ການຄາດຄະເນກ່ອນໜ້ານັ້ນແມ່ນ 5.500 GW. ເຫດຜົນຫຼັກໄດ້ຮັບຖືວ່າແມ່ນຍ້ອນບັນດາການປ່ຽນແປງກ່ຽວກັບນະໂຍບາຍ, ຂໍ້ກຳນົດ ແລະ ຕະຫຼາດ ນັບແຕ່ເດືອນຕຸລາ 2024.
IEA ເນັ້ນໜັກວ່າ ພະລັງງານທົດແທນໄດ້ຊ່ວຍໃຫ້ຫຼາຍປະເທດຫຼຸດຜ່ອນການເອືອຍອີງຕໍ່ການນຳເຂົ້າເຊື້ອເພີງ, ເພີ່ມທະວີຄວາມໝັ້ນຄົງດ້ານພະລັງງານ, ພ້ອມທັງຮຽກຮ້ອງໃຫ້ບັນດາປະເທດລົງທຶນຍົກລະດັບຕາໜ່າງໄຟຟ້າ.
