 (ພາບ: ເຈິ່ນຕວັນ) |
ວັນທີ 15 ກັນຍາ, ຢູ່ນະຄອນຫຼວງ ວຽງຈັນ, ທ່ານ ຫງວຽນຈູງກຽນ, ປະທານຄະນະກຳມະການແຫ່ງລັດ ກ່ຽວກັບຊາວ ຫວຽດນາມ ອາໄສຢູ່ຕ່າງປະເທດ ໄດ້ເຮັດວຽກກັບສະຖານທູດ, ຜູ້ຕາງໜ້າປະຊາຄົມຊາວ ຫວຽດນາມ ແລະ ວິສາຫະກິດ ຫວຽດນາມ ທີ່ພວມເຄື່ອນໄຫວຢູ່ ລາວ. ທີ່ບັນດາການພົບປະ, ທ່ານ ຫງວຽນຈູງກຽນ ສະເໜີວ່າ ໃນໄລຍະຈະມາເຖິງ, ບັນດາສະມາຄົມ, ຄະນະ ສືບຕໍ່ເສີມຂະຫຍາຍບົດບາດແກ່ນສານ, ຍູ້ແຮງວຽກງານປະຊາຄົມໃນທຸກຂົງເຂດ; ປັບປຸງກຸ່ມກ້ອນມະຫາສາມັກຄີ, ຮັກສາ ແລະ ເສີມຂະຫຍາຍສີສັນວັດທະນະທຳຂອງຊາດ, ພັດທະນາພາສາຫວຽດ ໃຫ້ແກ່ລຸ້ນໜຸ່ມ, ເພີ່ມທະວີການເຊື່ອມຕໍ່ກັບບັນດານັກຊ່ຽວຊານ, ປັນຍາຊົນ ແລະ ນັກທຸລະກິດເຊິ່ງແມ່ນຊາວ ຫວຽດນາມ ອາໄສຢູ່ຕ່າງປະເທດ.
ທ່ານ ຫງວຽນຈູງກຽນ ປາດຖະໜາວ່າ ປະຊາຄົມຊາວ ຫວຽດນາມ ອາໄສຢູ່ ລາວ ຈະຍູ້ແຮງວຽກງານໂຄສະນາ, ແບ່ງປັນຂໍ້ມູນຂ່າວຢ່າງທັນການ, ຕ້ອງເອົາໃຈໃສ່ເປັນພິເສດໃນວຽກງານສຶກສາລຸ້ນໜຸ່ມ ແລະ ຍົກສູງຄວາມຮັບຮູ້ຂອງປະຊາຄົມກ່ຽວກັບບົດບາດ, ຄວາມຮັບຜິດຊອບຕໍ່ບ້ານເກີດເມືອງນອນ-ປະເທດຊາດ.
