|
ຕອນບ່າຍວັນທີ 16 ກັນຍາ, ຊາວ ອິດສະຣາແອັນ ນັບພັນຄົນໄດ້ເຕົ້າໂຮມກັນແຫ່ຂະບວນປະທ້ວງຢູ່ນນອກທຳນຽບຂອງທ່ານ Benjamin Netanyahu ນາຍົກລັດຖະມົນຕີ ອິດສະຣາແອັນ ຢູ່ Jerusalem, ເພື່ອຄັດຄ້ານເລື່ອງກອງທັບປະເທດນີ້ເປີດບັ້ນບຸກໂຈມຕີດ້ວຍທະຫານບົກທີ່ມີຂອບຂະໜາດໃຫຍ່ ຕີຢຶດຄອງນະຄອນ ກາຊາ. ຜູ້ແຫ່ຂະບວນປະທ້ວງໄດ້ກະຕຸກຊຸກຍູ້ລັດຖະບານ ອິດສະຣາແອັນ ມຸ່ງໄປເຖິງການບັນລຸໄດ້ຂໍ້ຕົກລົງຢຸດຍິງ ແລະ ແລກປ່ຽນຕົວປະກັນກັບກຳລັງ ຮາມາດສ.
ກໍໃນວັນດຽວກັນ, ກຸ່ມບັນດາອົງການສິດທິມະນຸດປະຈຳ ອິດສະຣາແອັນ ໄດ້ກ່າວຫາວ່າ ເລື່ອງກອງທັບປະກາດໃຊ້ຄຳກ່າວເຕືອນທີ່ຮຽກຮ້ອງໃຫ້ປະຊາຊົນ ປາແລັດສະຕິນ ຕ້ອງອົບພະຍົບອອກຈາກນະຄອນ ກາຊາ ນັ້ນ ແມ່ນການກະທຳລະເມີດກົດໝາຍ ແລະ ອາດຈະມອບເປັນໂທດກຳສົງຄາມ.
ໃນແງ່ມູມສາກົນ, ກະຊວງການຕ່າງປະເທດ ອີຢິບ ກ່າວເຕືອນທົ່ວພາກພື້ນ ຕາເວັນອອກກາງ ພວມຢືນຢູ່ຕໍ່ໜ້າໄພອັນຕະລາຍກ້າວເຂົ້າສູ່ໄລຍະວຸ້ນວາຍໃໝ່ດ້ວຍການກະທຳຂອງ ອິດສະຣາແອັນ. ກະຊວງການຕ່າງປະເທດ ອີຢິບ ກໍສະແດງຄວາມຜິດຫວັງຢ່າງເລິກເຊິ່ງຕໍ່ເລື່ອງ ປະຊາຄົມສາກົນບໍ່ສະກັດກັ້ນບັນດາໂທດກຳດັບສູນເຊື້ອຊາດທີ່ພວມດຳເນີນຢູ່ເຂດ ກາຊາ.
ຈາກ ເອີຣົບ, ທ່ານນາງ Kaja Kallas ຜູ້ຊີ້ນຳນະໂຍບາຍການພົວພັນຕ່າງປະເທດ ຂອງ ສະຫະພາບເອີຣົບ ແຈ້ງໃຫ້ຊາບວ່າ ວັນທີ 17 ກັນຍາ ຄະນະກາມະການເອີຣົບ (EC) ຈະປະກາດບັນດາມາດຕະການເພື່ອກໍ່ກຳລັງກົດດັນ, ບັງຄັບໃຫ້ລັດຖະບານ ອິດສະຣາແອັນ ຕ້ອງປ່ຽນແປງການກະທຳດ້ານການຮົບຢູ່ເຂດ ກາຊາ.
ນັກຂ່າວ VOV ປະຈຳ ອີຢິບ
