 ທ່ານ ເລືອງເກື່ອງ ປະທານປະເທດ ຫວຽດນາມ ບົດກ່າວປາໄສສຳຄັນໃນວາລະປຶກສາຫາລືຂັ້ນສູງ ກອງປະຊຸມສະມັດຊາໃຫຍ່ ສປຊ ຊຸດທີ 80 |
ໃນບົດກ່າວຄຳເຫັນ, ທ່ານ ເລືອງເກື່ອງ ປະທານປະເທດ ຫວຽດນາມ ໄດ້ຢັ້ງຢືນວ່າ ສັນຕິພາບທັງແມ່ນເປົ້າໝາຍ, ທັງແມ່ນເງື່ອນໄຂຕັດສິນຊີ້ຂາດໃນການສ້າງອະນາຄົດຢ່າງມີສະຖຽນລະພາບ, ຍຸຕິທຳ, ປະຊາທິປະໄຕ ແລະ ພັດທະນາແບບຍືນຍົງ. ທ່ານປະທານປະເທດ ຫວຽດນາມ ຮຽກຮ້ອງໃຫ້ຢຸດຍິງ, ຢຸດຕິການໃຊ້ຄວາມຮຸນແຮງ, ປົກປ້ອງສາມັນຊົນ, ສ້າງເງື່ອນໄຂເຂົ້າເຖິງການຊ່ວຍເຫຼືອມະນຸດສະທຳຢູ່ບັນດາເຂດການປະທະກັນ, ຕີລາຄາສູງເລື່ອງຫຼາຍປະເທດຮັບຮອງລັດ ປາແລັດສະຕິນ, ພ້ອມທັງຮຽກຮ້ອງການໜູນຊ່ວຍມະນຸດສະທຳໂດຍດ່ວນໃຫ້ແກ່ປະຊາຊົນ ປາແລັດສະຕິນ, ສະເໜີ ອາເມລິກາ ຍົກເລີກບັນດາມາດຕະການຂວ້ຳບາດສຳລັບ ກູບາ ແລະ ລົບ ກູບາ ອອກຈາກບັນຊີລາຍຊື່ປະເທດອຸປະຖຳການກໍ່ການຮ້າຍ.
ທ່ານປະທານປະເທດ ເນັ້ນໜັກວ່າ ບັນດາປະເທດຕ້ອງສ້າງຍຸດທະສາດສັງລວມ, ລົງທຶນຢ່າງແຮງເຂົ້າໃນການຄົ້ນຄວ້າພັດທະນາ, ບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງ, ພັດທະນາພື້ນຖານໂຄງລ່າງເຕັກໂນໂລຢີສີຂຽວ, ພິເສດ ຕ້ອງເພີ່ມທະວີການຮ່ວມມືສາກົນໃນການຖ່າຍທອດເຕັກໂນໂລຢີ ແລະ ລະດົມການເງິນສີຂຽວ, ບັນດາປະເທດພັດທະນາຕ້ອງແບ່ງປັນ, ຖ່າຍທອດເຕັກໂນໂລຢີໃຫ້ບັນດາປະເທດທີ່ພວມ ແລະ ດ້ອຍພັດທະນາ, ພ້ອມທັງຕ້ອງຮັບປະກັນວິວັດທະນາການຫັນປ່ຽນສັງຄົມ ຕ້ອງຖືມະນຸດເປັນໃຈກາງ.
