 ການຍິງລູກສອນໄຟຂອງ ສປປ.ເກົາຫຼີ (ພາບເອກະສານ: KCNA/TTXVN) |
ຕອນເຊົ້າວັນທີ 29 ຕຸລາ, ສຳນັກຂ່າວສານສູນກາງ ສປປ.ເກົາຫຼີ (KCNA) ໄດ້ໃຫ້ຂ່າວວ່າ, ວັນທີ 28 ຕຸລາ, ກົມໃຫຍ່ລູກສອນໄຟ ສປປ. ເກົາຫຼີ ໄດ້ດຳເນີນເຫດຍິງທົດລອງລູກສອນໄຟນຳວິຖີຍຸດທະສາດຈາກທະເລເຂົ້າເຂດດິນຕໍ່ແຜ່ນໃນເຂດທະເລ ເຫຼືອງ.
ບັນດາລູກສອນໄຟນຳວິຖີ, ໄດ້ຮັບການປົວແປງເພື່ອຍິງຈາກກ່ຳປັ່ນສູ້ຮົບ, ເຊິ່ງຍິງຕາມທິດລວງຕັ້ງ ແລະ ສູງກວ່າ 7.800 ວິນາທີລຽບຕາມໂຄຈອນທີ່ໄດ້ກຳນົດໄວ້ຢູ່ທະເລເຫຼືອງ, ຍິງຖືກເປົ້າໝາຍ.
ທ່ານ Pak Jong Chon ຮອງປະທານຄະນະກຳມະການກອງທັບສູນກາງ ແລະ ເລຂາຄະນະບໍລິຫານງານສູນກາງພັກແຮງງານ ສປປ.ເກົາຫຼີ, ເນັ້ນໜັກວ່າ ບັນດາຜົນງານນີ້ຊີ້ໃຫ້ເຫັນຄວາມຄືບໜ້າສຳຄັນໃນການຫັນກຳລັງນິວເຄຼຍປະກົດຜົນເປັນຈິງຕາມແຜນການຍຸດທະສາດຂອງຄະນະບໍລິຫານງານສູນກາງພັກ ແນໃສ່ເປີດກວ້າງຂອບຂະໜາດການໝູນໃຊ້ກຳລັງຄວາມສາມາດນາບຂູ່ສົງຄາມ.
