 Smoke rises during an Israeli military operation in Gaza City, as seen from the central Gaza Strip September 27, 2025. Photo: REUTERS/Mahmoud Issa |
ວັນທີ 27 ກັນຍາ, ບັນດາປະເທດໃນພາກພື້ນ ແລະ ໂລກ ສືບຕໍ່ກ່າວປະນາມ ແລະ ຄັດຄ້ານບັ້ນການທະຫານທີ່ ອິດສະຣາແອັນ ພວມດຳເນີນໄປຢູ່ເຂດ ກາຊາ, ຊຸກຍູ້ປະຊາຄົມໂລກ ຕ້ອງມີການກະທຳອັນຂ້ຽວຂາດເພື່ອຢຸດຕິການປະທະກັນ.
ໃນການແບກປ່ຽນທາງໂທລະສັບກັບທ່ານ Pedro Sanchez, ນາຍົກລັດຖະມົນຕີ ແອັດສະປາຍ, ທ່ານ Recep Tayyip Erdogan, ນາຍົກລັດຖະມົນຕີ ຕວກກີ ຖືວ່າ ລັດຖະບານ ອິດສະຣາແອັນ ບໍ່ມີເຈດຕະນາເດີນຕາມສັນຕິພາບ ແລະ ສ່ວນທ່ານ Benjamin Netanyahu, ນາຍົກລັດຖະມົນຕີ ອິດສະຣາແອັນ ຍາມໃດກໍ່ຊອກຫາວິທີທຳລາຍບັນດາຄວາມມານະພະຍາຍາມສ້າງສັນຕິພາບ. ໃນຂະນະນັ້ນ, ກ່າວຄຳເຫັນທີ່ກອງປະຊຸມສະມັດຊາໃຫ່ຍ ສປຊ ຢູ່ ນິວຢອກ, ປະເທດ ອາເມລິກາ, ທ່ານ Sergei Lavrov ລັດຖະມົນຕີການຕ່າງປະເທດ ລັດເຊຍ ໄດ້ກ່າວຫາ ອິດສະຣາແອັນ ພວມຊອກຫາວິທີທຳລາຍທົ່ວເຂດຕາເວັນອອກກາງ.
ກ່ຽວກັບສະພາບການຢູ່ເຂດ ກາຊາ, ວັນທີ 27 ກັນຍາ, ກຳລັງປ້ອງກັນ ອິດສະຣາແອັນ (IDF) ປະກາດວ່າ ທະຫານປະເທດນີ້ ໄດ້ຄວບຄຸມເນື້ອທີ່ນະຄອນ ກາຊາ ກ່ວາເຄິ່ງໜຶ່ງ ພາຍຫຼັງທີ່ພົນລະເມືອງກ່ວາ 800.000 ຄົນ ໃນຈຳນວນ 1 ລ້ານຄົນຢູ່ທີ່ນີ້ ໄດ້ອົບພະຍົມຈາກພາກພື້ນນີ້.
