ຕາມໜັງສືພິມ Geopolitical Monitor (ການາດາ) ແລະ Channelnewsasia (ສິງກະໂປ) ແລ້ວ, ເລື່ອງສະຫະປະຊາຊາດເລືອກ ຮ່າໂນ້ຍ ເປັນສະຖານທີ່ຈັດຕັ້ງພິທີລົງນາມສົນທິສັນຍາ ປສຊ ກ່ຽວກັບການຕ້ານອາດຊະຍາກຳທາງໄຊເບີ (ສົນທິສັນຍາ ຮ່າໂນ້ຍ) ແມ່ນບາດກ້າວສຳຄັນກ່ຽວກັບການຕ່າງປະເທດ ເມື່ອ ຫວຽດນາມ ເປັນເຈົ້າພາບຈັດເຫດການນີ້ ໄດ້ພິສູດໃຫ້ເຫັນຢ່າງຈະແຈ້ງວ່າ ຖານະບົດບາດຂອງ ຫວຽດນາມ ນັບມື້ນັບເພີ່ມຂຶ້ນໃນເວທີສາກົນ. ນອກຈາກນັ້ນ, ເຫດການດັ່ງກ່າວ ກໍສະແດງໃຫ້ເຫັນຄວາມຕັດສິນໃຈຂອງ ຫວຽດນາມ ໃນການເຂົ້າຮ່ວມສ້າງບັນດາຫຼັກເກນບໍລິຫານດີຈີຕອນທົ່ວໂລກ. ເລື່ອງເພີ່ມທະວີການຮ່ວມມືສາກົນຜ່ານສົນທິສັນຍາ ຮ່າໂນ້ຍ ຈະປະກອບສ່ວນຊ່ວຍໃຫ້ ຫວຽດນາມ ປົກປ້ອງ ແລະ ປັບປຸງພື້ນຖານເສດຖະກິດດີຈີຕອນທີ່ພວມພັດທະນາຢ່າງແຮງ.
ຕາມວິທະຍຸ Sputnik (ລັດເຊຍ), ສົນທິສັນຍາ ສປຊ ກ່ຽວກັບການຕ້ານອາດຊະຍາກຳທາງໄຊເບີ ແມ່ນເອກະສານທຳອິດຂອງປະເພດນີ້ທີ່ໄດ້ຕັ້ງຊື່ນະຄອນຫຼວງ ຮ່າໂນ້ຍ ຂອງ ຫວຽດນາມ. ສິ່ງດັ່ງກ່າວໄດ້ສ່ອງແສງໃຫ້ເຫັນການຕີລາຄາສູງຂອງປະຊາຄົມສາກົນຕໍ່ການປະກອບສ່ວນຂອງ ຫວຽດນາມ ໃນການສ້າງເອກະສານ, ພ້ອມທັງແມ່ນການຮັບຮູ້ຢ່າງຈະແຈ້ງກ່ຽວກັບບົດບາດ ແລະ ການປະກອບສ່ວນຂອງ ຫວຽດນາມ ໃນບັນຫາສາກົນໃຫຍ່. ໄປຄຽງຄູ່ກັນນັ້ນ, ບັນດານັກຊ່ຽວຊານຕ່າງປະເທດກໍຕີລາຄາຢ່າງຕັ້ງໜ້າຕໍ່ບັນດາຄວາມມານະພະຍາຍາມຂອງ ຫວຽດນາມ ໃນວຽກງານຮັບປະກັນຄວາມໝັ້ນຄົງທາງໄຊເບີຢູ່ພາຍໃນປະເທດ.
