 ທ່ານປະທານສະພາແຫ່ງຊາດ ເຈິ່ນແທັງເໝິນ ແລະ ທ່ານປະທານາທິບໍດີ Prabowo Subianto (ພາບ: VOV)
|
ທີ່ການຕ້ອນຮັບ, ທ່ານປະທານສະພາແຫ່ງຊາດ ເຈິ່ນແທັງເໝິນ ແລະ ທ່ານປະທານາທິບໍດີ Prabowo Subianto ໄດ້ພ້ອມກັນຢັ້ງຢືນວ່າ ຍາມໃດກໍ່ຖືເປັນສຳຄັນ ແລະ ປາດຖະໜາຢາກເຮັດໃຫ້ການພົວພັນຄູ່ຮ່ວມມືຍຸດທະສາດ ຫວຽດນາມ - ອິນໂດເນເຊຍເລິກເຊິ່ງກ່ວາອີກ, ມຸ່ງໄປເຖິງການຍົກລະດັບການພົວພັນສອງປະເທດຂຶ້ນຄູ່ຮ່ວມມືກ່ຽວກັບການຮ່ວມມືສະພາແຫ່ງຊາດ/ລັດຖະສະພາສອງປະເທດໃນໄລຍະຈະມາເຖິງ, ການນຳສອງທ່ານຖືວ່າ ອົງການນິຕິບັນຍັດສອງປະເທດຄວນເພີ່ມທະວີການພົວພັນຮ່ວມມືຕາມທິດ: ເພີ່ມທະວີການແລກປ່ຽນຄະນະຜູ້ແທນຂັ້ນສູງສອງປະເທດ; ແບ່ງປັນບົດຮຽນປະສົບການລະຫວ່າງບັນດາກຳມາທິການວິຊາການຂອງສະພາແຫ່ງຊາດ, ບັນດາກຸ່ມສະມາຊິກລັດຖະສະພາ, ສະມາຊິກລັດຖະສະພາຍິງ ແລະ ສະມາຊິກລັດຖະສະພາໜຸ່ມ, ເປັນຕົ້ນແມ່ນໃນຂົງເຂດກໍ່ສ້າງກົດໝາຍ, ລະບອບລະບຽບການ, ສຳລັບບັນດາບັນຫາທີ່ມີລັກສະນະທົ່ວໂລກຄືການຫັນເປັນດີຈີຕອນ, ການເຕີບໂຕສີຂຽວ, ຫັນປ່ຽນພະລັງງານ, ຮັບມືກັບການປ່ຽນແປງຂອງດິນຟ້າອາກາດ…
ແລະກໍ່ໃນຕອນເຊົ້າວັນດຽວກັນ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຟ້າມມິງຈິງ ໄດ້ຕ້ອນຮັບພົບປະກັບທ່ານ Prabowo Subianto ປະທານາທິບໍດີ ອິນໂດເນເຊຍ ຄົນໃໝ່. ທີ່ການຕ້ອນຮັບ, ທ່ານຟ້າມມິງຈິງ ໄດ້ສະເໜີ ອິນໂດເນເຊຍ ເຊັນຂໍ້ຕົກລົງຮ່ວມມືທາງການຄ້າກ່ຽວກັບເຂົ້າສານໂດຍໄວ ເພື່ອສ້າງຄວາມສະດວກໃຫ້ແກ່ຜະລິດຕະພັນກະເສດ ແລະ ບັນດາຜະລິດຕະພັນ Halal ຂອງ ຫວຽດນາມ ເຂົ້າເຖິງຕະຫຼາດ ອິນໂດເນເຊຍ, ສະໜັບສະໜູນ ຫວຽດນາມ ໃນການແກ້ບັດເຫຼືອງ IUU (ການຂຸດຄົ້ນສິນທະເລແບບຜິດກົດໝາຍ, ບໍ່ລາຍງານ).
