 ທ່ານນາງຮອງປະທານປະເທດ ຫວຽດນາມ ຫວໍທິແອັງຊວນ ໄດ້ມີການພົບປະສົນທະນາກັບທ່ານປະທານສະພາຕ່ຳ ອີຕາລີ Lorenzo Fontana. (ພາບ:Dương Hoa/TTXVN) |
ວັນທີ 30 ມິຖຸນາ, ໃນຂອບເຂດການຢ້ຽມຢາມ ແລະ ເຮັດວຽກຢູ່ ອີຕາລີ ແຕ່ວັນທີ 29 ມິຖຸນາ ຮອດວັນທີ 1 ກໍລະກົດ, ຢູ່ ສຳນັກງານສະພາຕ່ຳ ອີຕາລີ, ນະຄອນ ໂຣມ, ທ່ານນາງຮອງປະທານປະເທດ ຫວຽດນາມ ຫວໍທິແອັງຊວນ ໄດ້ມີການພົບປະສົນທະນາກັບທ່ານປະທານສະພາຕ່ຳ ອີຕາລີ Lorenzo Fontana. ນະທີ່ນີ້ ສອງຝ່າຍ ເຫັນດີນຳກັນ ວ່າ ຈະຕັ້ງຫນ້າຜັນຂະຫຍາຍບັນດາຄຳໝັ້ນສັນຍາ, ຂໍ້ຕົກລົງ, ກົນໄກຮ່ວມມືທີ່ມີຢູ່ແລ້ວ; ສືບຕໍ່ຜັນຂະຫຍາຍສັນຍາການຄ້າເສລີ ສະຫະພາບເອີລົບ - ຫວຽດນາມ (EVFTA) ຢ່າງມີປະສິດທິຜົນ; ເພີ່ມທະວີການສົ່ງເສີມດ້ານການຄ້າ, ການລົງທຶນ; ເພີ່ມທະວີການຮ່ວມມືກ່ຽວກັບການຮັກສາສັນຕິພາບ, ແກ້ໄຂຜົນຮ້າຍຢ້ອນຫລັງຈາກສົງຄາມ, ຄວາມປອດໄພທາງເຄືອຂ່າຍອິນເຕີແນັດ, ການປ້ອງກັນຕ້ານອາດຊະນາກຳຂ້າມຊາດ. ອີຕາລີ ຫນູນຊ່ວຍ ຫວຽດນາມ ຮັບມືກັບການປ່ຽນແປງຂອງດິນຟ້າອາກາດ ແລະ ຫັນປ່ຽນພະລັງງານສະອາດ, ສືບຕໍ່ສົມທົບກັນຈັດຕັ້ງເຫດການພົວພັນແລກປ່ຽນວັດທະນະທຳ, ສິລະປະ ແລະ ສົ່ງເສີມການທ່ອງທ່ຽວ, ສະຫນັບສະຫນູນການຊຸກຍູ້ການພົວພັນ ຫວຽດນາມ - ອີຢູ.
ກ່ຽວກັບການຮ່ວມມືລັດຖະສະພາ, ສອງຝ່າຍເຫັນດີເພີ່ມທະວີການແລກປ່ຽນ, ແບ່ງປັນບົດຮຽນປະສົບການກ່ຽວກັບການສ້າງກົດໝາຍ, ຕິດຕາມກວດກາ ແລະ ປ່ຽນແປງໃຫມ່ການເຄື່ອນໄຫວລັດຖະສະພາ ພ້ອມທັງສົມທົບກັນຢ່າງແຫນ້ນແຟ້ນຢູ່ບັນດາເວທີປາໄສລັດຖະສະພາສາກົນ.
ທ່ານປະທານສະພາຕ່ຳ ອີຕາລີ Lorenzo Fontana ຢືນຢັນ ຈະຂົນຂວາຍສະພາແຫ່ງຊາດບັນດາປະເທດສະມາຊິກ ອີຢູ ທີ່ຍັງເຫລືອ ໃຫ້ສັດຕະຍາບັນສັນຍາອາລັກຂາການລົງທຶນ (EVIPA) ໂດຍໄວ, ຊຸກຍູ້ ຄະນະກຳມະການເອີລົບ ຍົກເລີກ “ບັດເຫລືອງ” IUU ສຳລັບສິນໃນນ້ຳສົ່ງອອກ ຂອງຫວຽດນາມ.
