 ທ່ານນາງ ປານີ ຢາທໍ່ຕູ້ ເຮັດວຽກກັບການນຳແຂວງເຊີນລາ |
ກ່າວຄຳເຫັນທີ່ການຕ້ອນຮັບທ່ານນາງ ປານີ ຢາທໍ່ຕູ້, ທ່ານ ຮວ່າງວັນເຈີດ, ເລຂາຄະນະພັກແຂວງ ເຊີນລາ ໄດ້ລາຍງານຕໍ່ທ່ານາງ ປານີ ຢາທໍ່ຕູ້ ປະທານສະພາແຫ່ງຊາດ ລາວ ກ່ຽວກັບໝາກຜົນການຮ່ວມມື ລະຫວ່າງ ແຂວງ ເຊີນລາ ແລະ ບັນດາແຂວງ ພາກເຫນືອຂອງລາວ. ທ່ານ ຮ່ວາງວັນເຈີດ ສະເຫນີທ່ານນາງປະທານສະພາແຫ່ງຊາດລາວ ເອົາໃຈໃສ່ຫນູນຊ່ວຍບັນດາແຂວງ ພາກເຫນືອຂອງລາວ ລົງທຶນກໍ່ສ້າງພື້ນຖານໂຄງລ່າງດ້ານການຄ້າ ຢູ່ ບັນດາດ່ານຊາຍແດນ, ເປີດກວ້າງການພັດທະນາບັນດາເຂດເສດຖະກິດດ່ານຊາຍແດນຂອງແຂວງ ເຊີນລາ ກັບບັນດາແຂວງຂອງລາວ, ສ້າງປະຖົມປັດໄຈພັດທະນາດ້ານການຄ້າເຂດຊາຍແດນ, ປະກອບສ່ວນປັບປຸງຊີວິດການເປັນຢູ່ຂອງປະຊາຊົນ ສອງປະເທດ. ທ່ານນາງ ປານີ ຢາທໍ່ຕູ້ ເນັ້ນຫນັກວ່າ “ປີສາມັກຄີມິດຕະພາບ ຫວຽດນາມ - ລາວ 2017” ແມ່ນມີຄວາມໝາຍເລິກເຊິ່ງໃນການປັບປຸງ ແລະ ຊຸກຍູ້ການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ. ສອງພັກ, ສອງລັດ ແລະ ປະຊາຊົນ ສອງປະເທດຫວຽດນາມ ແລະ ລາວ ຕັດສິນໃຈພ້ອມກັນເພີ່ມພູນຄູນສ້າງ, ຮັກສາສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ, ການຮ່ວມມືຮອບດ້ານ ຫວຽດນາມ ແລະລາວ ຈະໝັ້ນຄົງຂະຫນົງແກ່ນ ແລະ ພັດທະນາ.
