ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອ ແລະ ຄູ່ຮ່ວມມືຍຸດທະສາດຮອບດ້ານ ຫວຽດນາມ - ສະຫະພັນ ລັດເຊຍ

(VOVWORLD) - ຫວຽດນາມ ຖື ລັດເຊຍ ເປັນຄູ່ຮ່ວມມືຍຸດທະສາດສຳຄັນຢ່າງສະເໜີຕົ້ນສະເໝີປາຍ, ພ້ອມທັງປາດຖະໜາຈະພ້ອມກັບ ລັດເຊຍ ເປີດກວ້າງການຮ່ວມມືໃນບັນດາຂົງເຂດເສົາຄ້ຳເຊັ່ນ ການເມືອງ, ການປ້ອງກັນຊາດ - ປ້ອງກັນຄວາມສະຫງົບ, ພະລັງງານ - ນ້ຳມັນອາຍແກັດ, ວິທະຍາສາດ - ເຕັກໂນໂລຢີ, ການສຶກສາ - ບຳລຸງສ້າງ, ວັດທະນະທຳ - ວັດທະນະທຳມະນຸດ.

ທ່ານເລຂາທິການໃຫຍ່ ໂຕເລິມ ແລະ ທ່ານ Dmitry Medvedev ປະທານພັກປະເທດ ລັດເຊຍ ເອກະພາບ, ຮອງປະທານສະພາຄວາມໝັ້ນຄົງ ສະຫະພັນ ລັດເຊຍ (ພາບ: TTXVN)

ໃນຂອບເຂດການຢ້ຽມຢາມທາງລັດຖະກິດຢູ ສປປ.ເກົາຫຼີ ຂອງທ່ານ ໂຕເລິມ ເລຂາທິການໃຫຍ່ ຄະນະບໍລິຫານງານສູນກາງພັກຄອມມູນິດ ຫວຽດນາມ ພ້ອມດ້ວຍ ຄະນະຜູ້ແທນຂັ້ນສູງ ຫວຽດນາມ ແລະ ເຂົ້າຮ່ວມພິທີສະເຫຼີມສະຫຼອງວັນສ້າງຕັ້ງພັກແຮງງານ ສປປ.ເກົາຫຼີ ຄົບຮອບ 80 ປີ (10/10/1945 - 10/10/2025), ວັນທີ 10 ຕຸລາ, ຢູ່ນະຄອນຫຼວງ ພຽງຢາງ, ທ່ານເລຂາທິການໃຫຍ່ ໂຕເລິມ ໄດ້ພົບປະກັບທ່ານ Dmitry Medvedev ປະທານພັກປະເທດ ລັດເຊຍ ເອກະພາບ, ຮອງປະທານສະພາຄວາມໝັ້ນຄົງ ສະຫະພັນ ລັດເຊຍ.

ນະທີ່ນີ້, ທ່ານເລຂາທິການໃຫຍ່ ໂຕເລິມ ເນັ້ນໜັກວ່າ ຫວຽດນາມ ຖື ລັດເຊຍ ເປັນຄູ່ຮ່ວມມືຍຸດທະສາດສຳຄັນຢ່າງສະເໜີຕົ້ນສະເໝີປາຍ, ພ້ອມທັງປາດຖະໜາຢາກຈະພ້ອມກັບ ລັດເຊຍ ເປີດກວ້າງການຮ່ວມມືໃນບັນດາຂົງເຂດເສົາຄ້ຳເຊັ່ນ ການເມືອງ, ການປ້ອງກັນຊາດ - ປ້ອງກັນຄວາມສະຫງົບ, ພະລັງງານ - ນ້ຳມັນອາຍແກັດ, ວິທະຍາສາດ - ເຕັກໂນໂລຢີ, ການສຶກສາ - ບຳລຸງສ້າງ, ວັດທະນະທຳ - ວັດທະນະທຳມະນຸດ. ສອງຝ່າຍເຫັນດີສືບຕໍ່ເສີມຂະຫຍາຍຊ່ອງທາງຮ່ວມມືລະຫວ່າງພັກຄອມມູນິດ ຫວຽດນາມ ແລະ ພັກປະເທດລັດເຊຍ ເອກະພາບ. ສອງຝ່າຍກໍແລກປ່ຽນກ່ຽວກັບບາງບັນຫາພາກພື້ນ ແລະ ສາກົນ ທີ່ຕ່າງຝ່າຍຕ່າງມີຄວາມສົນໃຈ, ຍົກສູງບົດບາດຂອງ ສປຊ, ເວທີປາໄສຮ່ວມມືເສດຖະກິດ ອາຊີ - ປາຊີຟິກ (APEC) ແລະ ອາຊຽນ.