 (ທ່ານລັດຖະມົນຕີກະຊວງການເງິນ ສະໂລວາກີ Ladislav Kamenicky ກ່າວຄຳເຫັນທີ່ພິທີ) |
ວັນທີ 06 ກັນຍາ, ຢູ່ນະຄອນຫຼວງ Bratislava, ສະຖານທູດ ຫວຽດນາມ ປະຈຳ ສະໂລວາກີ ໄດ້ຈັດພິທີສະເຫຼີມສະຫຼອງ 80 ປີແຫ່ງວັນຊາດ ຫວຽດນາມ (02 ກັນຍາ 1945 – 02 ກັນຍາ 2025) ແລະ 75 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ສະໂລວາກີ (1950 – 2025).
ເຫດການໂດຍມີການເຂົ້າຮ່ວມຂອງຜູ້ຕາງໜ້າອຳນາດການປົກຄອງ ສະໂລວາກີ, ບັນດາຄະນະທຸຕານຸທູດ, ເພື່ອນມິດສາກົນ, ພ້ອມກັບປະຊາຄົມຊາວ ຫວຽດນາມ ທີ່ພວມດຳລົງຊີວິດ, ຮ່ຳຮຽນ ແລະ ເຮັດວຽກຢູ່ ສະໂລວາກີ ເປັນຈຳນວນຫຼາຍ. ບັນດາຜູ້ແທນເຂົ້າຮ່ວມໄດ້ຫວນຄືນໄລຍະປະຫວັດສາດອັນສະຫງ່າອົງອາດຂອງຊາດ ຫວຽດນາມ, ຢືນຢັນຄວາມຕັດສິນໃຈປັບປຸງ ແລະ ເປີດກວ້າງການຮ່ວມມືຫຼາຍດ້ານລະຫວ່າງ ຫວຽດນາມ ແລະ ສະໂລວາກີ. ທ່ານລັດຖະມົນຕີກະຊວງການເງິນ ສະໂລວາກີ Ladislav Kamenicky, ໃຫ້ຮູ້ວ່າ:
“ກ່ຽວກັບການພົວພັນລະຫວ່າງ 2 ປະເທດ, ຂ້າພະເຈົ້າເຫັນວ່າ 2 ປະເທດມີຄວາມສາມາດບົ່ມຊ້ອນຫຼາຍຢ່າງໃນການຮ່ວມມື, ພິເສດແມ່ນການສຶກສາ. ມີນັກສຶກສາ ຫວຽດນາມ ຫຼາຍຄົນ ຈະມາຮ່ຳຮຽນ, ກໍຄືຜູ້ອອກແຮງງານ, ມາເຮັດວຽກຢູ່ ສະໂລວາກີ”.
