ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ, ກວ່າ 70 ປີຜ່ານມາ, ຄຳສັ່ງສອນຂອງເພີ່ນຍັງມີຄຸນຄ່າເໝືອນເດີມ, ແມ່ນພື້ນຖານແນວຄິດ, ເປັນເຂັມຊີ້ທິດໃຫ້ທຸກການເຄື່ອນໄຫວ, ວັດທະນະທຳການປະພຶດຂອງກຳລັງຕຳຫຼວດປະຊາຊົນ. ພ້ອມກັນນັ້ນ, ທ່ານນາຍົກລັດຖະມົນຕີ ຫງວຽນຊວນຟຸກ ກໍ່ໄດ້ສະເໜີໃຫ້ກະຊວງຕຳຫຼວດຮີບເຮັ່ງຍື່ນສະເໜີສະພາແຫ່ງຊາດຮັບຮອງເອົາກົດໝາຍວ່າດ້ວຍຕຳຫຼວດປະຊາຊົນ (ສະບັບປັບປຸງ) ແລະ ບັນດາເອກະສານນິຕິກຳກ່ຽວຂ້ອງ, ເປັນພື້ນຖານ ເພື່ອບູລະນະໂຄງຮ່າງການຈັດຕັ້ງຕຳຫຼວດປະຊາຊົນຈາກສູນກາງລົງຮອດຂັ້ນແຂວງ, ເມືອງ, ຕາແສງ.

      “ປັບປຸງລະບຽບວິໄລ, ສ້າງກຳລັງໃຫ້ປອດໄສ, ໝັ້ນຄົງເຂັ້ມແຂງ. ຮັກສາບົດບາດແມ່ນກຳລັງຫຼັກແຫຼ່ງໃນວຽກງານປ້ອງກັນ, ຕ້ານອາດຊະຍາກຳ; ພ້ອມທັງເປັນເຈົ້າການຕ້ານໄພຫຍໍ້ທໍ້, ການສໍ້ລາດບັງຫຼວງ ໃນກະຊວງ, ຂະແໜງຂອງຕົນ. ພະນັກງານ, ນັກຮົບແຕ່ລະຄົນ ຕ້ອງຝືກຝົນຫຼໍ່ຫຼອມຕົນເອງ, ຮັກສາຈັນຍາບັນຂອງຕຳຫຼວດປະຊາຊົນ”.