ກະສັດ ກາຕາ Tamim bin Hamad al-Thani (ພາບ: AFP)

ໃນບົດກ່າວປາໄສທາງໂທລະພາບຄັ້ງທຳອິດ ນັບແຕ່ເມື່ອເກີດວິກິດການທາງການທູດ, ກະສັດ al-Thani ຢືນຢັນວ່າ ຝ່າຍ ໂດຮາ ພ້ອມແລ້ວທີ່ຈະເຈລະຈາ, ເຖິງຢ່າງໃດກໍ່ຕາມ ທຸກມາດຕະການຕ້ອງເຄົາລົບອະທິປະໄຕຂອງ ກາຕາ. ພ້ອມກັນນັ້ນ, ກະສັດ al-Thani ກໍ່ສະແດງຄວາມນັບຖືສຳລັບບັນດາຄວາມມານະພະຍາຍາມຈາກຝ່າຍ ຄູເວດ, ຕວກກີ ແລະ ອາເມລິກາ ໃນການແກ້ໄຂວິກິດການລະຫວ່າງ ໂດຮາ ແລະ ບັນດາປະເທດບ້ານໃກ້ເຮືອນຄຽງ ອາຣັບ. ທ່ານຖືວ່າ ກາຕາ ມານະພະຍາຍາມຕ້ານການກໍ່ການຮ້າຍ ເພາະມີຄວາມເຊື່ອໝັ້ນຕໍ່ການສູ້ຮົບນີ້ ຫາກບໍ່ແມ່ນ ຢາກເຮັດໃຫ້ບັນດາປະເທດອື່ນໆມີຄວາມເພິ່ງພໍໃຈ.