ການເຄື່ອນໄຫວໂດຍລາຍການພັດທະນາ ສປຊ (UNDP) ປະຈຳ ຫວຽດນາມ, ກົມໃຫຍ່ປ້ອງກັນຕ້ານໄພທຳມະຊາດ (ກະຊວງກະສິກຳ ແລະ ພັດທະນາຊົນນະບົດ) ໄດ້ສົມທົບກັນຈັດຂຶ້ນ. ພິທີໄດ້ດຶງດູດ ການເຂົ້າຮ່ວມຂອງບັນດາສ່ວນບຸກຄົນ, ບໍລິສັດໃຫ້ຄຳປຶກສາການອອກແບບ ແລະ ນັກສຶກສາ ເກືອບ 600 ຄົນທີ່ມາຈາກ 14 ມະຫາວິທະຍາໄລແຫ່ງຊາດໃນທົ່ວປະເທດ. ມີຫຼາຍແນວຄວາມຄິດການອອກແບບເຮືອນຢູ່ທີ່ພົ້ນເດັ່ນ, ມາດຕະການແກ້ໄຂອັນແທດຈິງ ແລະ ມີແນວຄິດປະດິດສ້າງໄດ້ຮັບການແນະນຳໃນການສອບເສັງ. ຄະນະຈັດຕັ້ງໄດ້ມອບລາງວັນທີ 1 ຈຳນວນ 2 ລາງວັນ, ລາງວັນທີ 2 ຈຳນວນ 2 ລາງວັນ ແລະ ລາງວັນທີ 3 ຈຳນວນ 2 ລາງວັນໃຫ້ແກ່ບັນດາແນວຄວາມຄິດການອອກແບບທີ່ດີເດັ່ນ.

ກ່າວຄຳເຫັນທີ່ພິທີມອບລາງວັນ, ທ່ານນາງ Caitlin Wiesen, ຜູ້ຕາງໜ້າ UNDP ປະຈຳ ຫວຽດນາມ ເຊື່ອໝັ້ນວ່າ ບັນດາການອອກແບບທີ່ໄດ້ຄັດເລືອກອາດຈະນຳມາເຊິ່ງປະສິດທິຜົນອັນຍາວນານໃນການຊ່ວຍໃຫ້ບັນດາຄອບຄົວຫຼຸດພົ້ນອອກຈາກຄວາມທຸກຍາກ ແລະ ຮັບປະກັບຄວາມປອດໄພດ້ານຊັບສິນ ແລະ ຊີວິດອິນຊີ ເມື່ອໄພທຳມະຊາດເກີດຂຶ້ນ.