ປະທານປະເທດ ເຈືອງເຕີນຊາງ ຊີ້ແຈ້ງວ່າ ຕ້ອງກໍ່ສ້າງພື້ນຖານປ້ອງກັນຊາຍແດນທົ່ວປວງຊົນໃຫ້ໝັ້ນຄົງເຂັ້ມແຂງ
ທ່ານປະທານປະເທດຫວຽດນາມ ເຈືອງເຕີນຊາງ
ອວຍພອນປີໃໝ່ພະນັກງານ, ນັກຮົບກອງບັນຊາການທະຫານປ້ອງກັນຊາຍແດນ
(ພາບ: bienphong.com.vn)
(vovworld) - ຕອນເຊົ້າວັນທີ 20/01, ທ່ານປະທານປະເທດຫວຽດນາມ ເຈືອງເຕີນຊາງ ໄດ້ລົງຢ້ຽມຢາມ ແລະ ອວຍພອນປີໃໝ່ພະນັກງານ, ນັກຮົບກອງບັນຊາການທະຫານປ້ອງກັນຊາຍແດນ. ເມື່ອຮັບຟັງຄວາມໃນໃຈຂອງພະນັກງານ, ນັກຮົບຢູ່ບັນດາປ້ອມປ້ອງກັນຊາຍແດນໃນທົ່ວປະເທດ, ທ່ານປະທານປະເທດ ໄດ້ຍ້ອງຍໍຊົມເຊີຍບັນດາຜົນງານເຊິ່ງກຳລັງປ້ອງກັນຊາຍແດນບັນລຸໄດ້ໃນໄລຍະຜ່ານມາ. ທ່ານປະທານປະເທດ ເຈືອງເຕີນຊາງ ສະເໜີກຳລັງປ້ອງກັນຊາຍແດນ ຈົ່ງສືບຕໍ່ເສີມຂະຫຍາຍມູນເຊື້ອວິລະຊົນ, ສາມັກຄີ, ສູ້ຊົນສ້າງການຫັນປ່ຽນໃນການກໍ່ສ້າງພື້ນຖານປ້ອງກັນຊາຍແດນທົ່ວປວງຊົນໃຫ້ໝັ້ນຄົງເຂັ້ມແຂງດ້ານການເມືອງ, ແນວຄິດ ແລະ ການຈັດຕັ້ງ ເພື່ອຕອບສະໜອງໄດ້ໜ້າທີ່ປົກປັກຮັກສາອະທິປະໄຕ, ຄວາມສະຫງົບຊາຍແດນແຫ່ງຊາດ, ປະກອບສ່ວນມ້າງເພທຳລາຍກົນອຸບາຍຂອງບັນດາກຳລັງທີ່ເປັນປໍລະປັກ. ທ່ານປະທານປະເທດ ເຈືອງເຕີນຊາງ ກໍ່ຮຽກຮ້ອງໃຫ້ກຳລັງປ້ອງກັນຊາຍແດນ ຕ້ອງສ້າງຄຸນສົມບັດດ້ານການເມືອງໃຫ້ແກ່ພະນັກງານ, ນັກຮົບ, ມີຄວາມສະມັກຄີ, ເປັນຈິດໜຶ່ງໃຈດຽວ, ຍົກສູງຄວາມສາມາດກ່ຽມພ້ອມສູ້ຮົບ, ສຳເລັດໜ້າທີ່ເປັນຢ່າງດີທີ່ສຸດ, ພ້ອມທັງສ້າງເສັ້ນຊາຍແດນແຫ່ງສັນຕິພາບ, ສະຖຽນລະພາບກັບບັນດາປະເທດບ້ານໃກ້ເຮືອນຄຽງ, ຮັບໃຊ້ແນວທາງການຕ່າງປະເທດຂອງພັກກອມມູນິດຫວຽດນາມ ເປັນຢ່າງດີ.
ກ່ອນໜ້ານັ້ນ, ໃນຕອນເຊົ້າຂອງວັນດຽວ, ທ່ານປະທານປະເທດ ເຈືອງເຕີນຊາງ ໄດ້ເຂົ້າຮ່ວມ ແລະ ກ່າວຄຳເຫັນຊີ້ນຳກອງປະຊຸມສະຫລຸບວຽກງານຂອງຫ້ອງວ່າການສຳນັກງານປະທານປະເທດ ຫວຽດນາມ.