ກ່າວຄຳເຫັນທີ່ການຖະແຫຼງຂ່າວພາຍຫຼັງກອງປະຊຸມ, ໂຄສົກຂອງພັກ CPP ທ່ານ Chhim Phalvorun ແລະ ທ່ານ Susa Yara ໃຫ້ຮູ້ວ່າ, ກອງປະຊຸມໄດ້ເລືອກຕັ້ງຄະນະຊີ້ນຳເພີ່ມເຕີມ ແລະ ໄດ້ປຶກສາຫາລື, ຮັບຮອງເອົາບັນດາລັດຖະນະໂຍບາຍໃຫຍ່ຂອງພັກ, ກໍ່ຄືຂອງລັດຖະບານອາຍຸການທີ 6 ໂດຍພັກ CPP ນຳພາ. ກອງປະຊຸມກໍ່ວາງອອກບັນດາເປົ້າໝາຍ ແລະ ມາດຕະການແກ້ໄຂເພື່ອໃຫ້ພັກ CPP ສືບຕໍ່ຍາດໄດ້ໄຊຊະນະໃນການເລືອກຕັ້ງສະພານະຄອນຫຼວງ/ແຂວງ, ນະຄອນ/ເມືອງ ໃນເດືອນ ພຶດສະພາ 2019 ຈະມາເຖິງ.

        ກອງປະຊຸມໄດ້ຮຽກຮ້ອງໃຫ້ປະຊາຊົນທຸກຊັ້ນຄົນ, ບັນດາພັກຝ່າຍການເມືອງ, ບັນດາອົງການຈັດຕັ້ງສັງຄົມ ຈົ່ງພ້ອມກັບຮ່ວມແຮງຮ່ວມໃຈປະຕິບັດຕາມລັດຖະທຳມະນູນ ແລະ ພະບາດສົມເດັດ, ເພື່ອສືບຕໍ່ສ້າງສາ ແລະ ປົກປັກຮັກສາປະເທດຊາດໃຫ້ພັດທະນາຍືນຍົງຄົງຕົວ, ມີເອກະລາດ, ເປັນເຈົ້າຕົນເອງ, ມີສັນຕິພາບ, ເສລີພາບ ແລະ ປະຊາທິປະໄຕ, ສັງຄົມພັດທະນາ.