ທີ່ການຕ້ອນຮັບ (ພາບ: TTXVN)

ກະຊວງຕຳຫລວດ ຫວຽດນາມ ຈະມານະພະຍາຍາມຜັນຂະຫຍາຍ “ບົດບັນທຶກຊ່ວຍຈຳລະຫວ່າງລັດຖະບານແຫ່ງ ສສ. ຫວຽດນາມ ແລະ ລັດຖະບານລາຊະອານາຈັກ ອັງກິດ ແລະ ອຽກລັງເໜືອ ກ່ຽວກັບການປ້ອງກັນຕ້ານການຄ້າມະນຸດ” ຢ່າງມີປະສິດທິຜົນ, ເຊິ່ງໄດ້ຮັບການລົງນາມໃນເດືອນ ພຶດສະພາ 2018. ພ້ອມກັນນັ້ນ, ທ່ານລັດຖະມົນຕີ ໂຕເລິມ ກໍ່ສະເໜີກະຊວງການຕ່າງປະເທດ ອັງກິດ ສ້າງເງື່ອນໄຂສະດວກ ເພື່ອໃຫ້ບັນດາອົງການປະຕິບັດກົດໝາຍຂອງ ອັງກິດ ຮ່ວມມືກັບກະຊວງຕຳຫລວດ ແລະ ກະຊວງການຕ່າງປະເທດ ຫວຽດນາມ ປະຕິບັດບັນດາເນື້ອໃນເຊິ່ງ 2 ຝ່າຍໄດ້ເຫັນດີເປັນເອກະພາບຢ່າງມີປະສິດທິຜົນ; ລັດຖະບານ ອັງກິດ ສືບຕໍ່ໜູນຊ່ວຍ ຫວຽດນາມ ໃນການເພີ່ມທະວີກຳລັງຄວາມສາມາດ, ແລກປ່ຽນຂໍ້ມູນຂ່າວສານ ແລະ ພາຫະນະເຕັກນິກໃຫ້ແກ່ວຽກງານປ້ອງກັນ, ຕ້ານອາດຊະຍາກຳກ່ວາອີກ, ສ້າງເງື່ອນໄຂສະດວກໃຫ້ແກ່ພົນລະເມືອງ ຫວຽດນາມ ໄດ້ຮັບວິຊາ, ເຂົ້າເມືອງ, ອາໄສ, ອອກແຮງງານຖືກຕາມກົດໝາຍຢູ່ລາຊະອານາຈັກ ອັງກິດ ເພື່ອສະກັດກັ້ນການອົບພະຍົບຜິດກົດໝາຍ….

        ສ່ວນທ່ານລັດຖະມົນຕີຮັບຜິດຊອບກະຊວງການຕ່າງປະເທດ ລາຊະອານາຈັກ ອັງກິດ ແລະ ອຽກລັງເໜືອ Mark Field ປາດຖະໜາວ່າ ການພົວພັນຮ່ວມມືລະຫວ່າງກະຊວງຕຳຫລວດ ຫວຽດນາມ ແລະ ບັນດາອົງການປະຕິບັດກົດໝາຍຂອງລາຊະອານາຈັກ ອັງກິດ ຈະນັບມື້ນັບພັດທະນາ, ເຂົ້າສູ່ລວງເລິກ, ບັນລຸໄດ້ໝາກຜົນແທດຈິງຫລາຍຢ່າງໃນບັນດາຂົງເຂດຮ່ວມມື, ປະກອບສ່ວນຮັກສາຄວາມໝັ້ນຄົງຂອງປະເທດຊາດ, ຄວາມເປັນລະບຽບຮຽບຮ້ອຍ, ຄວາມປອດໄພທາງສັງຄົມລະຫວ່າງ 2 ປະເທດ.