(ທ່ານພົນຈັດຕະວາ ຟ້າມແມ້ງທັງ, ຫົວໜ້າກົມຮັກສາສັນຕິພາບ ຫວຽດນາມ ແລະ ທ່ານພົນຈັດຕະວາ Carol Potvin, ຮອງຫົວໜ້າກົມນະໂຍບາຍປ້ອງກັນຊາດໄຫຼ່ທະວີບ)

        ໃນຂອບເຂດການຢ້ຽມຢາມ, ເຮັດວຽກຢູ່ ການາດາ, ວັນທີ 25 ມີນາ, ທ່ານພົນຈັດຕະວາ ຟ້າມແມ້ງທັງ, ຫົວໜ້າກົມຮັກສາສັນຕິພາບ ຫວຽດນາມ, (ກະຊວງປ້ອງກັນປະເທດ ຫວຽດນາມ) ແລະ ທ່ານພົນຈັດຕະວາ Carol Potvin, ຮອງຫົວໜ້າກົມນະໂຍບາຍປ້ອງກັນຊາດໄຫຼ່ທະວີບ (ກະຊວງປ້ອງກັນປະເທດ ກາດານາ), ໄດ້ລົງນາມເນື້ອໃນການຮ່ວມມືໄລຍະ 2025 – 2026 ໃນຂົງເຂດຮັກສາສັນຕິພາບສະຫະປະຊາຊາດ. ເລື່ອງເຊັນເອກະສານຮ່ວມມືປະຈຳປີແມ່ນເພື່ອແນໃສ່ຫັນບົດບັນທຶກຊ່ວຍຈຳກ່ຽວກັບການຮ່ວມມືຮັກສາສັນຕິພາບສະຫະປະຊາຊາດ ທີ່ 2 ຝ່າຍໄດ້ລົງນາມໃນປີ 2023 ໃຫ້ປະກົດຜົນເປັນຈິງ, ພ້ອມກັນນັ້ນ ກໍ່ສະແດງໃຫ້ເຫັນຄວາມຕັດສິນໃຈຊຸກຍູ້ການພົວພັນການຕ່າງປະເທດດ້ານປ້ອງກັນຊາດ ຫວຽດນາມ - ການາດາ ທີ່ໄດ້ເປັນເອກະພາບທີ່ການສົນທະນານະໂຍບາຍປ້ອງກັນຊາດ ຫວຽດນາມ - ການາດາ ທີ່ຈັດຂຶ້ນຢູ່ ຫວຽດນາມ ໃນເດືອນ ກຸມພາ ຜ່ານມາ. ທີ່ພິທີລົງນາມ, ທ່ານພົນຈັດຕະວາ Carol Potvin, ຢືນຢັນວ່າ:

        “ພວກຂ້າພະເຈົ້າຮູ້ວ່າ ສັນຕິພາບແມ່ນໜຶ່ງໃນບັນດາການເຄື່ອນໄຫວບຸລິມະສິດຂອງ ຫວຽດນາມ ແລະ ພວກຂ້າພະເຈົ້າຢາກສືບຕໍ່ໜູນຊ່ວຍ, ຮ່ວມມືກັບ ຫວຽດນາມ ໃນຂົງເຂດນີ້. ຂ້າພະເຈົ້າມີຄວາມປະທັບໃຈຕໍ່ການເຂົ້າຮ່ວມຂອງ ຫວຽດນາມ ສຳລັບບັນດາການເຄື່ອນໄຫວຮັກສາສັນຕິພາບສະຫະປະຊາຊາດ. ນັບແຕ່ປີ 2014, ຫວຽດນາມ ໄດ້ຜັນຂະຫຍາຍທະຫານກວ່າ 1.000 ເທື່ອຄົນຢູ່ໃນຫຼາຍໜ້າທີ່ແຕກຕ່າງກັນ, ໃນນັ້ນ ອັດຕາແມ່ຍິງກວມເອົາ 20%”.

        ເນື້ອໃນການຮ່ວມມື 2025 – 2026 ສຸມໃສ່ 3 ເນື້ອໃນ, ລວມມີ: ການແລກປ່ຽນຄະນະຜູ້ແທນທຸກຂັ້ນ; ການຮ່ວມມືດ້ານຝຶກອົບຮົມ, ບຳລຸງສ້າງ; ອຸປະຖຳເຄື່ອງອຸປະກອນຂອງ ການາດາ ແນໃສ່ຊ່ວຍຍົກສູງກຳລັງວຽກງານຝຶກອົບຮົມຂອງ ຫວຽດນາມ, ກໍຄືຄວາມສາມາດດ້ານວິຊາສະເພາະຂອງກອງທັບປະຊາຊົນ ຫວຽດນາມ ໃນຂົງເຂດຮັກສາສັນຕິພາບສະຫະປະຊາຊາດ.