ອະດີດນາຍົກລັດຖະມົນຕີໄທໄດ້ຮັບການແຕ່ງຕັ້ງເປັນຜູ້ຮັກສາການປະທານສະພາກົດລັບ
![ອະດີດນາຍົກລັດຖະມົນຕີໄທໄດ້ຮັບການແຕ່ງຕັ້ງເປັນຜູ້ຮັກສາການປະທານສະພາກົດລັບ - ảnh 1](https://photo-cms-vovworld.zadn.vn/w730/uploaded/vovworld/tpuokbj/2016_10_20/cuu thu tuong thai lan duoc chi dinh lam chu tich hoi dong co mat.jpg)
ທ່ານ ທະນິນ ກໄຣວິຈຽນ, ອະດີດນາຍົກລັດຖະມົນຕີໄທ,
(ພາບ: channelnewsasia)
|
(vovworld) – ທ່ານຮອງນາຍົກລັດຖະມົນຕີໄທ ວິດຊະນູ ເຄື່ອງງາມ ໃນວັນທີ 19/10 ໃຫ້ຮູ້ວ່າ: ອະດີດນາຍົກລັດຖະມົນຕີຂອງປະເທດນີ້, ທ່ານ ທະນິນ ກໄຣວິຈຽນ ໄດ້ຮັບການແຕ່ງຕັ້ງເປັນຜູ້ຮັກສາການປະທານສະພາກົດລັບ. ທ່ານ ທະນິນ ກໄຣວິຈຽນ, ແມ່ນໜຶ່ງໃນຈຳນວນກຳມະການ 18 ທ່ານຂອງສະພາກົດລັບ, ໄດ້ຮັບການແຕ່ງຕັ້ງເປັນຜູ້ນຳອົງການນີ້ຍ້ອນທ່ານ ປແຣມ ຕິນສຸນານົນ, ເຊິ່ງແມ່ນປະທານໃນປະຈຸບັນຈະຂຶ້ນຄອງລາດໃນໄລຍະລໍຖ້າ ອົງມົງກຸດ ໂອຣະຊາດທິດຣາດ ຂຶ້ນຄອງລາຊະສົມບັດພາຍຫຼັງພະບາດສົມເດັດພະເຈົ້າມະຫາຊີວິດໄທ ພູມີພົນ ອະດູນຢາເດດ ໄດ້ສະຫວັນນະຄົດໃນວັນທີ 13/10 ຜ່ານມາ. ຕາມລັດຖະທຳມະນູນໄທແລ້ວ, ເມື່ອ ພະບາດສົມເດັດພະເຈົ້າມະຫາຊີວິດສະຫວັນນະຄົດ ແລະ ບໍ່ທັນມີ ພະບາດສົມເດັດພະເຈົ້າມະຫາຊີວິດຄົນໃໝ່, ບົດບາດຂຶ້ນຄອງລາດຈະໂດຍປະທານສະພາກົດລັບຮັບຜິດຊອບ.