(vovworld) - ເວທີປາໄສຈະດຳເນີນໃນວັນທີ 20 – 30/03 ຈະມາເຖິງ, ໂດຍຄະນະຊີ້ນຳຈັດຕັ້ງກອງປະຊຸມສຳມະນາສາກົນແຂວງກວາງນິງ, ປະເທດ ຫວຽດນາມ ແລະ ສູນຄົ້ນຄວ້າເຂດເສດຖະກິດພິເສດຈີນ, ມະຫາວິທະຍາໄລ ເຊິນເຈິນ, ແຂວງກວາງຕຸງ, ປະເທດຈີນສົມທົບກັນຈັດຕັ້ງຂຶ້ນ.
ເວທີປາໄສແມ່ນໂອກາດເພື່ອໃຫ້ບັນດາອົງການສຳນັກງານຂັ້ນສູນກາງຂອງຫວຽດນາມ, ແຂວງກວາງນິງ, ບັນດາທ້ອງຖິ່ນ, ອົງການຈັດຕັ້ງ, ວິສາຫະກິດ, ນັກວິທະຍາສາດສາກົນ ແລກປ່ຽນບັນດາຂໍ້ມູນຂ່າວສານທີ່ກ່ຽວບຂ້ອງເຖິງວິວັດການສ້າງຕັ້ງ, ພັດທະນາຮູບແບບປະສົມ, ເຂດເສດຖະກິດພິເສດ..... ໃນທົ່ວໂລກໃນຕະຫຼອດ 30 ປີຜ່ານມາ, ໃນນັ້ນໄດ້ມີບົດຮຽນ ແລະ ກາລະໂອກາດພັດທະນາເຂດເສດຖະກິດພິເສດຂອງຫວຽດນາມ. ບັນດາຜູ້ແທນກໍ່ສຸມໃສ່ແລກປ່ຽນ ແລະ ປຶກສາຫາລືກ່ຽວກັບບົດຮຽນຂອງສາກົນທີ່ມີຕໍ່ການພັດທະນາບັນດາເຂດເສດຖະກິດພິເສດ, ເຂດເສດຖະກິດເສລີ... ທ່ານ ວູຫງອກຢາວ, ຫົວໜ້າຄະນະໂຄສະນາສຶກສາແຂວງກວາງນິງ ໃຫ້ຮູ້ວ່າ.
“ແຂວງກວາງນິງ ປາດຖະໜາຢາກມີບົດຮຽນຈາກໂລກໃນການສ້າງເຂດເສດຖະກິດພິເສດ ເຊິ່ງໂລກໄດ້ປະຕິບັດໃນ 30 ປີຜ່ານມາ. ປະຈຸບັນ, ແຂວງ ກວາງນິງ ຫາກໍ່ກ້າວເດີນບາດກ້າວທຳອິດສະນັ້ນຕ້ອງເຮັດແນວໃດເພື່ອໃຫ້ບັນດານັກຮຽນຮູ້ຊ່ວຍເກັບກຳບົດຮຽນໃນບັນຫາສ້າງເຂດເສດຖະກິດພິເສດ. ທັງລະບົບການເມືອງຂອງແຂວງກວາງນິງ ຕັດສິນໃຈກໍ່ສ້າງເຂດເສດຖະກິດພິເສດ ແລະ ຖືນີ້ແມ່ນກາລະໂອກາດເພື່ອໃຫ້ແຂວງກວາງນິງພັດທະນາຢ່າງກ້າວກະໂດດຂັ້ນ”.
ຄາດວ່າ, ກອງປະຊຸມຈະມີການເຂົ້າຮ່ວມຂອງຜູ້ແທນ 350 ຄົນເຊິ່ງແມ່ນຜູ້ຕາງໜ້າບັນດາອົງການສູນກາງຂອງຫວຽດນາມ, ນັກວິທະຍາສາດ, ຜູ້ຊ່ຽວຊານ... ທີ່ມີຊື່ສຽງອັນດັບໜຶ່ງໃນໂລກກ່ຽວກັບເຂດເສດຖະກິດພິເສດ.