(vovworld)- ໃນລາຍການມື້ນີ້ ພວກເຮົາຂໍຕອບບາງຄຳຖາມຂອງທ່ານຜູ້ຟັງຜູ້ອ່ານຝາກມາລາຍການຂອງພວກເຮົາໃນອາທິດຜ່ານມາ.
ໃນອາທິດຜ່ານມາ, ລາຍການພາກພາສາລາວ ວິທະຍຸກະຈາຍສຽງຫວຽດນາມ ໄດ້ຮັບຈົດໝາຍ, ບັດອວຍພອນບັນດາໂຄສົກ, ບັນນາທິການຍິງຂອງລາຍການ ໃນໂອກາດວັນແມ່ຍິງສາກົນ (8/3) ຈາກເພື່ອນອຳມີນາ, ວັນນະສິນ ຢູ່ແຂວງບໍ່ແກ້ວ…ຂໍຂອບໃຈພວກເພື່ອນທີ່ໄດ້ຝາກຄຳພອນໃຊອັນປະເສີດທີ່ສຸດມາຍັງພວກເຮົາ, ນີ້ຈະແມ່ນແຫຼ່ງລະດົມກຳລັງໃຈພວກເຮົາ ເພື່ອໃຫ້ພວກເຮົາສືບຕໍ່ປະຕິບັດວຽກງານຂອງຕົນເປັນຢ່າງດີກ່ວາອີກ.
(ພາບປະກອບ)
ເພື່ອນຖາວອນ ຢູ່ແຂວງຈຳປາສັກ ໄດ້ໂທລະສັບມາລາຍການ ໂດຍແບ່ງປັນວ່າ: ເພື່ອນມັກລາຍການຊາຍຄາອາຊຽນທີ່ສຸດ, ຜ່ານລາຍການນີ້, ເພື່ອນສາມາດຊອກຮູ້ວັດທະນະທຳ, ເສດຖະກິດ, ການທ່ອງທ່ຽວ…ຂອງບັນດາປະເທດອາຊຽນ ໄດ້. ເພື່ອນມັກຟັງບົດ “ຜາດອນ ອິນສະແຫວງ ຜູ້ນຳເອົາຜະລິດຕະພັນເຄື່ອງເງິນເອ້ຢ້ອງຂອງລາວ, ໄທ ມາຮັບໃຊ້ແມ່ຍິງຮ່າໂນ້ຍ“ ຊື່ງອອກອາກາດໃນລາຍການຊາຍຄາອາຊຽນ ໃນອາທິດຜ່ານມາ.
ເພື່ອນຄຳຜອງ, ນັກສຶກສາມະຫາວິທະຍາໄລແຫ່ງຊາດລາວ ໄດ້ສົ່ງອີແມວມາລາຍການໂດຍຖາມວ່າ: ໄຊຊະນະດ້ຽນບຽນຝູຂອງຫວຽດນາມ ແມ່ນວັນເດືອນປີໃດ? ປີນີ້ຫວຽດນາມ ຈັດພິທີສະເຫຼີມສະຫຼອງຄົບຮອບຈັກປີ?
ເພື່ອນຄຳຜອງ ແລະ ທ່ານຜູ້ຟັງຜູ້ອ່ານທີ່ເຄົາລົບ! ໄຊຊະນະປະຫວັດສາດດ້ຽນບຽນຝູ ແມ່ນໃນວັນທີ 7/5/1954, ປີນີ້, ຫວຽດນາມ ຈະຈັດພິທີສະເຫຼີມສະຫຼອງໄຊຊະນະດ້ຽນບຽນຝູຄົບຮອບ 60 ປີເຕັມ. ໃນອາທິດຜ່ານມາ, ຢູ່ຫວຽດນາມ, ໄດ້ຈັດການເຄື່ອນໄຫວຕ່າງໆເປີດສາກໃຫ້ແກ່ບັນດາການເຄື່ອນໄຫວສະເຫຼີມສະຫຼອງຄື: ນັກສິລະປິນເດີນທາງໄປດ້ຽນບຽນຝູ, ງານມະໂຫລານໂຄສະນາເຄື່ອນທີ່ “ກັບຄືນສູ່ດ້ຽນບຽນ“… ໃນຊຸມວັນທີ່ຈະມາເຖິງ, ຢູ່ຫວຽດນາມ ຈະຈັດການເຄື່ອນໄຫວສະເຫຼີມສະຫຼອງຕ່າງໆ, ພວກເຮົາຈະໃຫ້ຂ່າວກ່ຽວກັບບັນດາການເຄື່ອນໄຫວນີ້ໃນຄື້ນຂອງວິທະຍຸກະຈາຍ ສຽງຫວຽດນາມ ພາກພາສາລາວ ແລະ ໃນເວັບໄຊ vovworld.vn ເຊີນທ່ານຮັບຟັງ ແລະ ອ່ານ.
ໃນອາທິດທີ່ຜ່ານມາ, ພວກເຮົາໄດ້ຮັບຈົດໝາຍຈາກເພື່ອນບົວລີ, ພູຄຳ, ຄຳກິ່ງ, ຢູ່ແຂວງຊຽງຂວາງ ໂດຍຖາມກ່ຽວກັບບັນດາການເຄື່ອນໄຫວຂອງຊາວໜຸ່ມຫວຽດນາມ ໃນເດືອນຊາວໜຸ່ມປີ 2014. ຕໍ່ໄປພວກເຮົາຂໍທົບທວນຄືນບັນດາການເຄື່ອນໄຫວຂອງຊາວໜຸ່ມທົ່ວປະເທດ.
(ພາບ: http://thanhnien.com.vn)
ໃນຊຸມວັນຕົ້ນເດືອນ 3/2014, ຄະນະຊາວໜຸ່ມນະຄອນຮ່າໂນ້ຍ ສົມທົບກັບບໍລິສັດສິ່ງແວດລ້ອມຕົວເມືອງຈຳກັດຜູ້ດຽວຮ່າໂນ້ຍ ເລີ່ມຈັດ“ເດືອນຊາວໜຸ່ມ 2014“ ດ້ວຍບັນດາການເຄື່ອນໄຫວແທດຈິງ, ມີຄວາມໝາຍ, ອັນໄດ້ດຶງດູດການເຂົ້າຮ່ວມຂອງຊາວໜຸ່ມ, ສະມາຊິກຊາວໜຸ່ມນະຄອນຫຼວງເກືອບ 1000 ຄົນ. ບັນດາຊາວໜຸ່ມ, ສະມາຊິກຊາວໜຸ່ມນະຄອນຫຼວງໄດ້ເຮັດອະນາໄມທຳຄວາມສະອາດຢູ່ຕາມເສັ້ນທາງຫຼາຍສາຍ, ຮັບປະກັນຄວາມເປັນລະບຽບຮຽບຮ້ອຍ, ຄວາມປອດໄພທາງຄົມມະນາຄົມຢູ່ບາງສະຖານທີ່ຈຸດສຸມໃນບໍລິເວນນະຄອນ. ຄະນະຊາວໜຸ່ມນະຄອນຮ່າໂນ້ຍ ຍັງຈັດການສະແດງລະຄອນໂຄສະນາກ່ຽວກັບວັດທະນະທຳໃນການຈໍລະຈອນໃຫ້ແກ່ນັກຮຽນບັນດາໂຮງຮຽນມັດທະຍົມຕອນປາຍ, ໃຫ້ຄຳປຶກສາ, ແນະນຳວຽກເຮັດງານທຳໃຫ້ແກ່ນັກຮຽນ, ນັກສຶກສາບັນດາ ໂຮງຮຽນມັດທະຍົມຕອນປາຍ, ວິທະຍາໄລ, ມະຫາວິທະຍາໄລກ່ວາ 1500 ຄົນ….
ຢູ່ແຂວງດົ່ງນາຍ, ຄະນະຊາວໜຸ່ມແຂວງໄດ້ປຸກລະດົມເດືອນຊາວໜຸ່ມ 2014 ດ້ວຍຫົວເລື່ອງ “ຊາວໜຸ່ມດົ່ງນາຍ ຕັ້ງໜ້າສ້າງຊີວິດວັດທະນະທຳໃໝ່“. ຊາວໜຸ່ມ, ສະມາຊິກຊາວໜຸ່ມແຂວງເປັນເຈົ້າການສົມທົບກັບອຳນາດການປົກຄອງ ແລະ ອົງຄະນະພັກທຸກຂັ້ນຢູ່ທ້ອງຖິ່ນຕ່າງໆໃນແຂວງ ຜັນຂະຫຍາຍ ແລະ ຍົກສູງປະສິດທິຜົນສອງຂະບວນການ “4 ປະຈັນບານພັດທະນາເສດຖະກິດ-ສັງຄົມ ແລະ ປົກປັກຮັກສາປະເທດຊາດ“, “4 ຮ່ວມເດີນທາງພ້ອມກັບຊາວໜຸ່ມໃນການກໍ່ຮ່າງສ້າງຕົວ“. ພ້ອມກັນນັ້ນກໍ່ໄດ້ຍູ້ແຮງການປະຕິບັດບັນດາຂະບວນການ “ຊາວໜຸ່ມດົ່ງນາຍຮ່ວມແຮງຮ່ວມໃຈກໍ່ສ້າງຊົນນະບົດໃໝ່“ “ໄວໜຸ່ມເຂົ້າຮ່ວມການສ້າງຕົວເມືອງສີວິໄລ“, “ໄວໜຸ່ມມີຫົວຄິດປະດິດສ້າງ“, “ການປະຕິຮູບດ້ານບໍລິຫານ“…
ປີ 2014, ໂດຍປະຕິບັດ “ປີຊາວໜຸ່ມອາສາສະໝັກ“, ຄະນະຊາວໜຸ່ມແຂວງກາເມົາ ທຸກຂັ້ນ ສືບຕໍ່ຜັນຂະຫຍາຍບັນດາໂຄງການດຳເນີນງານ ປະຕິບັດມະຕິຂອງຄະນະບໍລິຫານງານສູນກາງຊາວໜຸ່ມ ກ່ຽວກັບການຍົກສູງປະສິດທິຜົນບັນດາການເຄື່ອນໄຫວອາສາສະໝັກໄລຍະ 2013-2017; ເພີ່ມທພະວີການສຶກສາອົບຮົມຄຸນສົມບັດ, ແບບແຜນດຳລົງຊີວິດ, ບຳລຸງສ້າງອຸດົມຄະຕິການປະຕິວັດໃຫ້ແກ່ຊາວໜຸ່ມ-ເຍົາວະຊົນໄລຍະ 2013-2017… ຄຽງຄູ່ກັນນັ້ນ, ຄະນະຊາວໜຸ່ມແຂວງກາເມົາ ທຸກຂັ້ນ ຍັງສືບຕໍ່ຍູ້ແຮງວຽກງານໂຄສະນາຜ່ານບັນດາວັນບຸນ, ພິທີສະເຫຼີມສະຫຼອງໃຫ່ຍໃນປີ, ຕາມຫົວເລື່ອງສະເພາະຕິດພັນກັບການປະຕິບັດບັ້ນຂົນຂວາຍ “ສ້າງຮູບແບບຊາວໜຸ່ມຫວຽດນາມ ໃນໄລຍະໃໝ່“.
ທ່ານຜູ້ຟັງຜູ້ອ່ານທີ່ເຄົາລົບ! ທີ່ກ່າວມາຂ້າງເທິງແມ່ນການຕອບບາງຄຳຖາມຂອງພວກເຮົາ ກ່ຽວກັບບາງບັນຫາທີ່ທ່ານສົນໃຈ. ຖ້າທ່ານຜູ້ໃດມີຄຳຖາມ ກະລູນາຝາກມາຍັງລາຍການຂອງພວກເຮົາຕາມທີ່ຢູ່: ວິທະຍຸກະຈາຍສຽງຫວຽດນາມ ພາກພາສາລາວ, ເຮືອນເລກທີ 45 ຖະໜົນບ່າຈ້ຽວຮ່າໂນ້ຍ- ເບີໂທ: 00844.38256631-ອີແມວ:Laovov@.yahoo.com. ຂໍຂອບໃຈ ທ່ານທີ່ໄດ້ຮັບຟັງ ແລະ ຊົມລາຍການຂອງພວກເຮົາ, ສະບາຍດີ!