ເພື່ອເປັນການເປີດສາກລາຍການ “ໂອ້ລົມກັບເພື່ອນລາວ” ມື້ນີ້, ພວກເຮົາຂໍຄັດສະເໜີເນື້ອໃນຈົດໝາຍຂອງເພື່ອນ ຫາຍນາມ, ນັກສຶກສາພະແນກການເມືອງ, ມະຫາວິທະຍາໄລແຫ່ງຊາດ ລາວ. ໃນຈົດໝາຍເພື່ອນໄດ້ຂຽນວ່າ: “ຂ້າພະເຈົ້າຮູ້ຈັກເຖິງແວບໄຊ vovworld.vn ກ່ອນນີ້ໜຶ່ງປີແລ້ວ. ແມ່ນໂດຍແມ່ນນັກສຶກສາປີທີ 2 ຂອງພະແນກການເມືອງ, ມະຫາວິທະຍາໄລແຫ່ງຊາດລາວ ດັ່ງນັ້ນບັນດາຂ່າວຄາວໃນແວບໄຊດັ່ງກ່າວໄດ້ຊ່ວຍໃຫ້ຂ້າພະເຈົ້າໃນການຮ່ຳຮຽນຫຼາຍ. ເກືອບຄືວ່າມື້ໃດຂ້າພະເຈົ້າກໍເຂົ້າອ່ານຂ່າວໃນໜ້າແວບນີ້, ນອກຈາກນັ້ນແລ້ວ, ຂ້າພະເຈົ້າຍັງອ່ານຂ່າວໃນບັນດາໜ້າແວບຂອງ ລາວ ເພື່ອສາມາດປຽບທຽບດ້ານພາສາ ແລະ ເຫັນວ່າບໍ່ມີຄວາມແຕກຕ່າງກັນຫຼາຍ. ຜ່ານຂ່າວໃນແວບໄຊນີ້, ຂ້າພະເຈົ້າສາມາດກຳໄດ້ສະພາບເສດຖະກິດ, ການເມືອງ, ວັດທະນະທຳ… ຂອງ ຫວຽດນາມ. ໄດ້ອ່ານຂ່າວຂອງ ຫວຽດນາມ ດ້ວຍພາສາລາວ ຄືແນວນີ້ແມ່ນມີປະໂຫຍດທີ່ສຸດສຳລັບບັນດາຜູ້ຮຽນພາສາລາວຄືພວກຂ້າພະເຈົ້າ. ນອກນັ້ນ, ຂ້າພະເຈົ້າກໍມີຄວາມເອົາໃຈໃສ່ເປັນພິເສດເຖິງໃບຢັ້ງຢືນແມ່ນຜູ້ຟັງ, ຜູ້ອ່ານເປັນປະຈຳຂອງລາຍການ. ຂໍຖາມວ່າເຮັດແນວໃດເພື່ອໄດ້ຮັບໃບຢັ້ງຢືນດັ່ງກ່າວແດ່?”
ເພື່ອນຫາຍນາມ ທີ່ຮັກແພງ, ພວກຂ້າພະເຈົ້າມີຄວາມປິຕິຊົມຊື່ນທີ່ສຸດຍ້ອນເພື່ອນແມ່ນຜູ້ຟັງ, ຜູ້ອ່ານໜຸ່ມແຕ່ໄດ້ສົນໃຈເຖິງບັນດາບັນຫາການເມືອງທີ່ສຸດ ແລະ ເພື່ອໄດ້ຮັບຂອງຂວັນ ແລະ ໃບຢັ້ງຢືນແມ່ນຜູ້ຟັງ, ຜູ້ອ່ານເປັນປະຈຳຂອງລາຍການ, ພວກເພື່ອນມີແຕ່ຂຽນຈົດໝາຍ, ສົ່ງອີແມວ ຫຼື comment ໃສ່ບັນດາບົດຂຽນໃນແວບໄຊ vovworld.vn ຂອງພວກເຮົາ. ອີງໃສ່ຈົດໝາຍ, ອີແມວນັ້ນພວກເຮົາຈະມອບຂອງຂວັນໃຫ້ເພື່ອນ. ນອກຈາກນັ້ນແລ້ວ, ເມື່ອເພື່ອນແມ່ນຜູ້ຟັງ, ຜູ້ອ່ານເປັນປະຈຳແລ້ວຈະໄດ້ຮັບຂອງຂວັນ ແລະ ໃບຢັ້ງຢືນແມ່ນຜູ້ຟັງ, ຜູ້ອ່ານຂອງລາຍການເປັນເວລາ 3 ປີ, 5 ປີ… ເພື່ອນຢ່າລື່ມແນະນຳໃຫ້ເພື່ອນມິດຂອງຕົນກ່ຽວກັບແວບໄຊຂອງພວກເຮົາແດ່ເດີ.
ສ່ວນເພື່ອນ ຈັນສີດາ, ແຂວງ ຫຼວງພະບາງ ໄດ້ສະແດງຄວາມສົນໃຈພິເສດເຖິງບັນດາການເຄື່ອນໄຫວພົວພັນແລກປ່ຽນລະຫວ່າງ ຫວຽດນາມ ແລະ ລາວ ທີ່ດຳເນີນໃນອາທິດ. ເພື່ອນໃຫ້ຮູ້ວ່າ: “ເມື່ອຮັບຟັງຂ່າວຄາວຂ້າພະເຈົ້າມີຄວາມສົນໃຈເປັນພິເສດເຖິງການເຄື່ອນໄຫວພົບປະ, ແລກປ່ຽນຄະນະຜູ້ແທນ… ລະຫວ່າງ 2 ປະເທດ. ແຕ່ອາທິດຜ່ານມາ, ຍ້ອນຄ້າງຄາກັບວຽກງານດັ່ງນັ້ນຂ້າພະເຈົ້າບໍ່ໄດ້ຮັບຟັງຂ່າວທຸກມື້. ພວກເພື່ອນສາມາດແນະນຳໂດຍຫຍໍ້ກ່ຽວກັບການເຄື່ອນໄຫວຂອງ 2 ປະເທດດຳເນີນໄປໃນອາທິດໄດ້ບໍ່?”
ເພື່ອນຈັນສີດາ ທີ່ເຄົາລົບ, ໃນອາທິດຜ່ານມາມີການເຄື່ອນໄຫວພົວພັນ, ແລກປ່ຽນ, ຮ່ວມມືຫຼາຍຢ່າງລະຫວ່າງບັນດາຄະນະ, ຂະແໜງການຫວຽດນາມ - ລາວຈາກສູນກາງລົງຮອດທ້ອງຖິ່ນ. ພວກຂ້າພະເຈົ້າຂໍແນະນຳໂດຍຫຍໍ້ການເຄື່ອນໄຫວບາງຢ່າງທີ່ພົ້ນເດັ່ນດັ່ງຕໍ່ໄປນີ້:
- ແຕ່ວັນທີ 25 – 27/7, ຄະນະພົວພັນຕ່າງປະເທດສູນກາງພັກກອມມູນິດ ຫວຽດນາມ ແລະ ຄະນະພົວພັນຕ່າງປະເທດສູນກາງພັກປະຊາຊົນປະຕິວັດລາວ ໄດ້ສົມທົບກັບອົງຄະນະພັກ, ອຳນາດການປົກຄອງ ແລະ ປະຊາຊົນແຂວງ ຄຳມ່ວນ ຈັດຕັ້ງງານພົບປະແລກປ່ຽນມິດຕະພາບທີ່ເປັນມູນເຊື້ອຄັ້ງທີ 8 ດ້ວຍຫົວຂໍ້ວ່າ “ເຂັ້ມຂົ້ນໄປດ້ວຍຄວາມສາມັກຄີແບບພິເສດ ຫວຽດນາມ - ລາວ”. ນີ້ແມ່ນການເຄື່ອນໄຫວນອນໃນຂໍ້ຕົກລົງຮ່ວມມືລະຫວ່າງຄະນະພົວພັນຕ່າງປະເທດສູນກາງ 2 ພັກ, ສະເຫຼີມສະຫຼອງ 70 ປີແຫ່ງວັນປະຕິວັດເດືອນ 8 ແລະ 70 ປີແຫ່ງວັນຊາດ ຫວຽດນາມ, 40 ປີແຫ່ງວັນຊາດລາວ, ແລະມຸ່ງໄປເຖິງການຈັດຕັ້ງກອງປະຊຸມໃຫຍ່ທົ່ວປະເທດຂອງແຕ່ລະພັກ.
- ວັນທີ 28/7, ຄະນະປະຕິບັດງານຂອງຄະນະພົວພັນຕ່າງປະເທດສູນກາງພັກກອມມູນິດ ຫວຽດນາມ ແລະ ຄະນະພົວພັນຕ່າງປະເທດສູນກາງພັກປະຊາຊົນປະຕິວັດລາວ ໂດຍທ່ານ ຮ່ວາງບີ່ງກວນ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງ ແລະ ທ່ານ ທອງລຸນ ສີສຸລິດ, ກຳມະການກົມການເມືອງ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ສປປ ລາວ ເປັນຫົວໜ້າຄະນະໄດ້ໄປຖະຫວາຍທູບທຽນ, ຖະຫວາຍດອກໄມ້ຢູ່ເຂດປູຊະນີຍະສະຖານ ກິມລຽນ, ເມືອງນາມດານ, ແຂວງ ເງະອານ.
- ວັນທີ 29/7, ທ່ານບົວເງິນ ຊາພູວົງ, ລັດຖະມົນຕີຊ່ວຍວ່າການກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາວ ໄດ້ໃຫ້ການຕ້ອນຮັບຄະນະຜູ້ແທນກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ໂດຍ ທ່ານຮ່ວາງດຶກເຮົ້າ, ຮອງຫົວໜ້າກົມວັດທະນະທຳຊົນເຜົ່ານຳໜ້າ, ເນື່ອງໃນໂອກາດຄະນະໄປຢ້ຽມຢາມ ແລະ ເຮັດວຽກຢູ່ລາວແຕ່ວັນທີ 22 – 29/7.
- ວັນທີ 29/7, ຢູ່ເມືອງວຽງພູຄາ, ແຂວງ ຫຼວງນ້ຳທາ ໄດ້ດຳເນີນພິທີເປີດສະຫຼອງໂຮງຮຽນມັດທະຍົມຕອນປາຍ ວຽງພູຄາ. ນີ້ແມ່ນໂຮງຮຽນແຫ່ງທີ່ 2 ໄດ້ຮັບການກໍ່ສ້າງດ້ວຍແຫຼ່ງເງິນຊ່ວຍເຫຼືອລ້າຈາກລັດຖະບານ ຫວຽດນາມ ທີ່ສະຫງວນໃຫ້ລັດຖະບານລາວ ຢູ່ແຂວງ ຫຼວງນ້ຳທາ, ດ້ວຍມູນຄ່າເກືອບ 75 ຕື້ດົ່ງ.
ດັ່ງທີ່ກ່າວມາຂ້າງເທິງແມ່ນເນື້ອໃນຄຳເຫັນ ແລະ ຄຳຖາມຂອງຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ. ຖ້າຫາກ ຜູ້ຟັງ, ຜູ້ອ່ານທ່ານໃດມີຄວາມສົນໃຈຕໍ່ບັນຫາໃດໜຶ່ງ, ກໍ່ສາມາດຝາກຈົດໝາຍມາຍັງລາຍການພວກເຮົາໄດ້ເລີຍໂດຍຈ່າໜ້າຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບໂດຍກົງກໍ່ໄດ້ຕາມເບີໂທ 0084.43.8256631 ຫຼື ອີແມວ laovov@yahoo.com, laovov5@gmail.com.