ອ້າຍຫງວຽນວັນຕວຽນ, ເປັນຊາວຫວຽດນາມ ອາໄສຢູ່ລາວ ໄດ້ຝາກອີແນວໃຫ້ລາຍການໂດຍໃຫ້ຮູ້ວ່າ: ວັນທີ 19 ກັນຍາ (ກົງກັບວັນທີ 15 ເດືອນ 8 ຕາມຈັນທະປະຕິທິນຫວຽດນາມ) ຈະມາເຖິງນີ້ ແມ່ນບຸນໄຫວ້ພະຈັນວັນເພງເດືອນ 8 ຂອງເດັກຫວຽດນາມ. ຄາດວ່າ, ຂ້າພະເຈົ້າຈະພາລູກ 2 ຄົນຂອງຕົນກັບເມືອຫວຽດນາມ ເພື່ອເຂົ້າຮ່ວມວັນບຸນນີ້, ແຕ່ບໍ່ຮູ້ວ່າສະຖານທີ່ໃດຢູ່ຮ່າໂນ້ຍ ໄດ້ຈັດວັນບຸນນີ້ໃຫ້ເດັກນ້ອຍ? ແລະ ຈະດຳເນີນໄປໃນວັນທີໃດ?
ອ້າຍຫງວຽນວັນຕວຽນ ທີ່ຮັກແພງ, ມີພຽງ 2 ອາມິດເທົ່ານັ້ນແມ່ນຮອດບຸນໄຫວ້ພະຈັນຂອງເດັກ. ພວກເຮົາຈະແນະນຳໃຫ້ອ້າຍບາງສະຖານທີ່ ທີ່ຈັດງານບຸນໃຫ້ເດັກນ້ອຍຢູ່ຮ່າໂນ້ຍ, ແນໃສ່ຊ່ວຍເດັກມີໂອກາດລະຫຼີ້ນ ພ້ອມທັງເຂົ້າໃຈຕື່ມກ່ຽວກັບວັນບຸນທີ່ເປັນປະເພນີນີ້.
ສະຖານທີ່ທຳອິດນັ້ນແມ່ນງານບຸນ “ໄຫວ້ພະຈັນ ພ້ອມກັນຄົ້ນຫາອາຊີຕາເວັນອອກສ່ຽງໃຕ້” ເຊິ່ງໄດ້ຈັດຂຶ້ນຢູ່ຫໍພິພິດຕະພັນຊົນເຜົ່າ, ຢູ່ຖະໜົນ ຫງວຽນວັນຮວຽນ, ເກົ່າເຍີຍ, ຮ່າໂນ້ຍ, ເຊິ່ງຈະຈັດຂຶ້ນແຕ່ເວລາ: 8 ໂມງ - 12 ໂມງ ແລະ ແຕ່ 14 ໂມງ- 18ໂມງ 30 ນາທີ ຂອງວັນທີ 14 – 15 ກັນຍາ. ຢູ່ນີ້ເດັກໄດ້ຮັບການແນະນຳເຮັດບັນດາເຄື່ອງຫຼີ້ນໃນວັນບຸນ ຄື: ໂຄມໄຟ ແລະ ແຕ່ງພາໝາກໄມ້ເຂົ້າໜົມເພື່ອໄຫວ້ພະຈັນ ແລະ ເລົ່າກ່ຽວກັບປະຫວັດສາດຂອງວັນເດັກ.. ນອກຈາກນັ້ນ ພວກນ້ອງຍັງໄດ້ເຂົ້າຮ່ວມບັນດາການລະຫຼີ້ນພື້ນເມືອງອື່ນອີກ. ຄຽງຂ້າງນັ້ນ, ຢູ່ພໍພິພິດຕະພັນ ພວກນ້ອງກໍ່ມີໂອກາດຊອກຫາກ່ຽວກັບພື້ນຖານວັດທະນະທຳຂອງບັນດາປະເທດອາຊີຕາເວັນອອກສ່ຽງໃຕ້ ຜ່ານລາຍການຟ້ອນພື້ນເມືອງ ແລະ ຮັບປະທານອາຫານ.
ໃນລະຫວ່າງວັນທີ 14 – 18 ກັນຍາ, ຢູ່ສູນວາງສະແດງ ຢາງວໍ (ບາດິ່ງ, ຮ່າໂນ້ຍ) ຈະຈັດບັນດາການເຄື່ອນໄຫວໃຫ້ເດັກຕ້ອນຮັບວັນບູນນີ້ຄື: ແຂ່ງຂັນຫຸ້ງເຂົ້າ, ເຮັດເຂົ້າໜົມ, ແຕ້ມໜ້າກາກ, ເຮັດໂຄມໄຟ... ນອກຈາກນັ້ນຍັງມີບັນດາຮ້ານຂາຍເຄື່ອງເຂົາຮ່ວມເຊິ່ງໄດ້ຂາຍບັນດາເຄື່ອງຮັບໃຊ້ວັນບຸນນີ້ ແລະ ເຄື່ອງທີ່ຂາຍຢູ່ນີ້ ລ້ວນແຕ່ຖືກຜະລິດຢູ່ພາຍໃນປະເທດ ດ້ວຍມາດຖານທີ່ວ່າ “ຍົກສູງສະຕິຊາວຫວຽດນາມ ຊົມໃຊ້ສິນຄ້າຫວຽດນາມ”.
“ບຸນໄຫວ້ພະຈັນວັນເພງເດືອນ 8” ຈັດຂຶ້ນຢູ່ຫໍວັດທະນະທຳມິດຕະພາບ ຫວຽດນາມໂຊຫວຽດ (ຖະໜົນເຈີນຮືງດ້າວ, ເມືອງ ຮ່ວານກ໋ຽມ, ຮ່າໂນ້ຍ) ແລະ ງານວາງສະແດງເວີນໂຮ່ (ຖະໜົນຮວາລື, ເມືອງຫາຍບ່າຈຶງ) ໃນວັນທີ 14 – 19 ກັນຍາອີກດ້ວຍ.
ນອກຈາກນັ້ນ, ຢູ່ຮ່າໂນ້ຍຍັງມີຫຼາຍສະຖານທີ່ຈັດຕັ້ງບຸນໄຫວ້ພະຈັນ ໃຫ້ແກ່ເດັກນ້ອຍ, ອ້າຍຕວຽນ ສາມາດພາລູກໄປຢ້ຽມຢາມ ເພື່ອຊ່ວຍໃຫ້ລູກເຂົ້າໃຈກວ່າກ່ຽວກັບວັນບູນນີ້.
ເພ່ືອນ ວຽງ ສິນທຳມະວົງ ຝາກຈົດໝາຍມາຍັງລາຍການໂດຍແບ່ງປັນວ່າ: ຂ້າພະເຂົ້າໄດ້ຮູ້ວ່າ, ປີ 2013 ມີໄວໜຸ່ມຫຼາຍຄົນເຂົ້າເປັນທະຫານ. ຂ້າພະເຈົ້າເຫັນວ່າ ນີ້ແມ່ນວຽກງານທີມີຄວາມໝາຍສຳຄັນ ເພື່ອປົກປັກຮັກສາປະເທດຊາດ. ຂໍອວຍພອນໃຫ້ພວກເພື່ອນມີສຸຂະພາບ, ປະຕິບັດໜ້າທີ່ເຊິ່ງໄດ້ຮັບມອບໝາຍເປັນຢ່າງດີ.
ເພື່ອແນໃສ່ເສີມຂະຫຍາຍມູນເຊື້ອຂອງລູງໂຮ່ ໃນບັນດາການຕໍ່ສູ້ຕ້ານສັດຕູຜູ້ຮຸກຮ້ານ. ໄວໜຸ່ມໃນທົ່ວປະເທດຄືໄດ້ຮັບກຳລັງແຮງຈາກລຸ່ນພໍ, ລຸ່ນອ້າຍ ແລະ ເຂົ້າໃຈແຈ້ງການກໍ່ສ້າງ ແລະ ປົກປັກຮັກສາ ແມ່ນວຽກງານທີ່ສູງສົ່ງຂອງຊາວຫວຽດນາມ ແຕ່ລະຄົນ ຄືດັ່ງຄຳສັ່ງສອນຂອງລຸ່ງໂຮ່. ບັນດາຜູ້ທີ່ໄດ້ຄັດເລືອກຄັ້ງນີ້ ແມ່ນບັນດາພົນລະເມືອງທີ່ດີເດັ່ນຂອງທົ່ວປະເທດເຊິ່ງໄດ້ຮັບເຂົ້າເປັນທະຫານ, ເຂົາເຈົ້າລ້ວນແຕ່ສະແດງຄວາມເບີດບານໃຈ, ອຳລາຈາກຄອບຄົວ, ໝູ່ເພື່ອນ ເພື່ອປະຕິບັດໜ້າທີ່ໃໝ່, ກາຍເປັນບັນດານັກຮົບຂອງກອງທັບປະຊາຊົນຫວຽດນາມ, ພ້ອມແລ້ວທີ່ຈະປົກປັກຮັກສາປະເທດຊາດ. ນີ້ກໍ່ແມ່ນເງື່ອນໄຂທີ່ດີເພື່ອໄວໜຸ່ມແຕ່ລະຄົນອຸທິດສ່ວນ ແລະ ຝືກຝົນຫຼໍ່ຫຼອມຕົນເອງ.
ນີ້ແມ່ນບາງຄຳຖາມເຊິ່ງທ່ານຜູ້ຟັງຝາກມາລາຍການ, ຫວັງວ່າອ້າຍຫງວຽນວັນຕວຽນ ແລະ ເພື່ອນ ວຽງ ສິນທຳມະວົງ, ເພິ່ງພໍໃຈຕໍ່ຄຳຕອບຂອງພວກຂ້າພະເຈົ້າ ແລະ ເຂົ້າໃຈກວ່າກ່ຽວກັບໄວໜຸ່ມຫວຽດນາມໃນໄລຍະໃໝ່. ຫວັງວ່າ ພວກຂ້າພະເຈົ້າຈະສືບຕໍ່ໄດ້ຮັບຄຳຖາມ, ຄຳເຫັນຈາກທ່ານຜູ້ຟັງຫຼາຍກວ່າອີກ.