ໃນລາຍການ “ໂອ້ລົມກັບເພື່ອນລາວ” ມື້ນີ້, ພວກເຮົາຂໍຄັດສະເໜີເນື້ອໃນຈົດໝາຍ, ອີແມວ ແລະ ຕອບຄຳຖາມເຊິ່ງທ່ານຜູ້ຟັງຝາກມາລາຍການໃນອາທິດຜ່ານມາ.
ເພື່ອເປັນການເປີດສາກລາຍການມື້ນີ້, ພວກເຮົາຂໍຝາກຄຳຂອບອົກຂອບໃຈເຖິງທ່ານ: ຫງວຽນວັນແຕ້ວ, ເພັດສະຫວັນ, ເພັດສະໝອນ, ຄຳວອນ, ວັນວິໄລ, ຄຳເຜີຍ… ທີ່ໄດ້ຝາກຄຳອວຍພອນປີໃໝ່ອັນດີງາມມາຍັງພວກເຮົາ. ເນື່ອງໃນໂອກາດນີ້, ບັນນາທິການ, ໂຄສົກຂອງພາກພາສາລາວ, ວິທະຍຸກະຈາຍສຽງ ຫວຽດນາມ ກໍ່ອວຍພອນໃຫ້ຜູ້ຝັງທຸກທ່ານຈົ່ງມີສຸຂະພາບເຂັ້ມແຂງ, ມີຄວາມຜາສຸກພ້ອມກັບຄອບຄົວ ແລະ ປະສົບຜົນສຳເລັດໃນໜ້າທີ່ວຽກງານຂອງຕົນ… ຫວັງວ່າໃນປີໃໝ່ນີ້, ທ່ານຜູ້ຟັງຈະສົ່ງຈົດໝາຍ, ອີແມວ, ໂທລະສັບມາຍັງລາຍການຫຼາຍກ່ວາອີກເພື່ອໃຫ້ລາຍການນັບມື້ນັບດູດດື່ມຕໍ່ຜູ້ຟັງ, ຜູ້ອ່ານ.
+++
ໃນອາທິດ, ພວກເຮົາກໍ່ໄດ້ຮັບອີແມວຈາກເພື່ອນ ລັດດາພອນ, ຢູ່ນະຄອນຫຼວງ ວຽງຈັນ ດ້ວຍເນື້ອໃນວ່າ: ອາທິດຜ່ານມາ, ເມື່ອອ່ານຂ່າວຕ່າງໆໃນແວບໄຊ vovworld.vn ຂ້າພະເຈົ້າໄດ້ຮູ້ຢ່າງຈະແຈ້ງບັນດາການເຄື່ອນໄຫວຕ້ອນຮັບປີໃໝ່ຢູ່ປະເທດຂອງພວກເພື່ອນ. ຈາກບັນດາ ການເຄື່ອນໄຫວຢື້ຢາມຖາມຂ່າວ, ມອບຂອງຂວັນໃຫ້ຄອບຄົນທຸກຍາກ, ຜູ້ມີຄຸນງາມຄວາມດີ ໄດ້ສະແດງໃຫ້ເຫັນຢ່າງຈະແຈ້ງໃນບັນດາຂ່າວຄາວໃນອາທິດ. ສະເພາະຂ້າພະເຈົ້າມັກອ່ານບັນດາບົດຂຽນກ່ຽວກັບຮີດຄອງປະເພນີໃນບຸນເຕັດ ຫວຽດນາມ. ພິເສດແມ່ນບົດ “ຕອນບ່າຍວັນສຸດທ້າຍຂອງປີເກົ່າ ແລະ ເລື່ອງລາວ ຕົ໋ງກື້ວເງັງເຕິນ”, ຜ່ານບົດຂຽນດັ່ງກ່າວຂ້າພະເຈົ້າເຂົ້າໃຈໄດ້ວ່າຈຸດເວລາສົ່ງທ້າຍປີເກົ່າ ຕ້ອນຮັບປີໃໝ່ແມ່ນຈຸດເວລາສຳຄັນ ແລະ ມີຄວາມໝາຍທີ່ສຸດສຳລັບປະຊາຊົນ ຫວຽດນາມ.
ເພື່ອນລັດດາພອນ ທີ່ຮັກແພງ, ຈຸດເວລາສົ່ງທ້າຍປິເກົ່າຕ້ອນຮັບປີໃໝ່ແມ່ນຈຸດເວລາສັກສິດທີ່ສຸດ. ຕາມປະເພນີແລ້ວ, ຊາວຫວຽດນາມ ຈະລົບລ້າງທຸກສິ່ງທຸກຢ່າງທີ່ບໍ່ຈົບບໍ່ງາມໃນປີເກົ່າ ເພື່ອກ້າວເຂົ້າສູ່ປີໃໝ່ດ້ວຍສິ່ງທີ່ຈົບງາມ. ບັນດາປະເພນີດັ່ງກ່າວໄດ້ມີມາແຕ່ດົນນານແລ້ວ ແລະ ມັນຕິດພັນກັບການປະພຶດຕໍ່ທີ່ເຕັມໄປດ້ວຍລັກສະນະວັດທະນະທຳມະນຸດ, ເຊິ່ງພຽງແຕ່ມີໃນໂອກາດບຸນເຕັດຢູ່ຫວຽດນາມ ເທົ່ານັ້ນ. ກ່ອນບຸນເຕັດເຄິ່ງເດືອນ, ບັນດາສະມາຊິກໃນຄອບຄົວຕ່າງໆເລີ່ມເຮັດອະນາໄມທຳຄວາມສະອາດເຮືອນຊານ ບ້ານຊ່ອງ. ປະເພນີ “ຕົ໋ງກື້ວເງັງເຕິນ“, ໝາຍຄວາມວ່າປະລະອັນເກົ່າ, ລົບລ້າງຄວາມສ່ຽງຂອງປີເກົ່າເພື່ອຕ້ອນຮັບອັນໃໝ່ ແລະ ຄວາມໂຊກດີໃນປີໃໝ່.
+++
ສ່ວນທ່ານ ຄຳຫຼ້າ, ແຂວງ ຊຽງຂວາງ ໄດ້ຝາກ ອີແມວ ມາຍັງລາຍການທີ່ໄດ້ມີບັນດາການສ່ອງແສງຕັ້ງໜ້າກ່ຽວກັບບັນດາບົດຂຽນໃນໂອກາດບຸນເຕັດ. ໃນນັ້ນມີຄວາມສົນໃຈທີ່ສຸດແມ່ນບົດຂຽນ “ການຕ້ອນຮັບບຸນເຕັດຢູ່ພາກເໜືອ ແລະ ພາກໃຕ້ຫວຽດນາມ”, ທ່ານ ຄຳຫຼ້າ ໃຫ້ຮູ້ວ່າ: ຜ່ານບົດຂຽນຂ້າພະເຈົ້າຈຶ່ງຮູ້ວ່າການກະກຽມ, ຕ້ອນຮັບບຸນເຕັດຢູ່ບັນດາເຂດພາກຕ່າງໆຂອງ ຫວຽດນາມ ມີຄວາມແຕກຕ່າງກັນຫຼາຍ. ຕົວຢ່າງຄື, ຢູ່ພາກເໜືອມັກປະດັບປະດາດ້ວຍສະແດງດອກຄາຍ ແຕ່ຢູ່ພາກໃຕ້ແມ່ນດອກເໝີຍ. ນີ້ແມ່ນຍ້ອນບັນຫາດິນຟ້າອາກາດ, ອຸນຫະພຸມຢູ່ແຕ່ລະເຂດພາກ, ແຕ່ຜ່ານນີ້ກໍ່ສ້າງສີສັນຕ່າງໆໃນບຸນເຕັດ ຫວຽດນາມ.”
ຂໍຂອບໃຈຕໍ່ການປະກອບຄຳເຫັນຂອງທ່ານ ຄຳຫຼ້າ, ຜ່ານຈົດໝາຍທີ່ທ່ານຝາກມາລາຍການ ພວກເຮົາຮູ້ວ່າໄດ້ທ່ານແມ່ນຜູ້ຕິດຕາມລາຍການເປັນປະຈຳ. ຫວັງວ່າ, ຜ່ານບັນດາບົດຂຽນດັ່ງກ່າວ, ທ່ານຈະເຂົ້າໃຈຫຼາຍກ່ວາກ່ຽວກັບປະເທດຊາດ ແລະ ຊາວ ຫວຽດນາມ ກ່ວາອີກ. ຫວັງວ່າ, ໄລຍະຈະມາເຖິງ, ທ່ານຈະຂຽນຈົດໝາຍ, ອີແມວປະກອບຄຳເຫັນໃຫ້ລາຍການຫຼາຍກ່ວາອີກ. ຜູ້ຟັງທ່ານໃດມີຄວາມສົນໃຈຕໍ່ບັນດາບົດຂຽນໃນໂອກາດບຸນເຕັດຂອງພວກເຮົາສາມາດອ່ານ, ຟັງຄືນໃນແວບໄຊ: vovworld.vn.
ງານບຸນເຈົ້າແມ່
(ພາບ: dulichlehoi.com)
|
ເພື່ອນໝອນ, ຢູ່ແຂວງ ຈຳປາສັກ ໄດ້ໂທລະສັບມາຍັງລາຍການ ແລະ ຖາມວ່າ ໃນເດືອນຈຽງ ຢູ່ ຫວຽດນາມ ມີງານບຸນໃດແດ່?
ເພື່ອນໝອນທີ່ຮັກແພງ, ໃນເດືອນຈຽງແຕ່ລະປີ ຢູ່ ຫວຽດນາມ, ພິເສດແມ່ນຢູ່ພາກເໜືອມີຫຼາຍງານບຸນໄດ້ຮັບການຈັດຕັ້ງຂຶ້ນ, ໃນນັ້ນມີບັນດາງານບຸນໃຫຍ່ຄື:
ງານບຸນນະວັດສະການວັດເຮືອງ: ນີ້ແມ່ນງານບຸນທີ່ດຶງດູດຄວາມສົນໃຈຂອງປະຊາຊົນໃນທົ່ວປະເທດທີ່ສຸດ. ຕາມທຳນຽມແລ້ວ, ວັນໄຂງານບຸນແມ່ນວັນທີ 6 ເດືອນ ຈຽງ ແລະ ແກ່ຍາວຮອດເດືອນ 3 ໄລ່ຕາມຈັນທະປະຕິທິນ. ຕາມຄະນະຈັດຕັ້ງງານບຸນແລ້ວ, ປີນີ້ຈະມີບັນດາຈຸດໃໝ່ເພື່ອສ້າງຄວາມສະດວກໃຫ້ແກ່ແຂກເຂົ້າຮ່ວມ.
ງານບຸນ ອຽນຕື໋: ງານບຸນ ອຽນຕື໋ ໄດ້ຮັບການຈັດຕັ້ງຢູ່ຕາແສງ ເທື້ອງອຽນກົງ, ເມືອງ ອວງບີ໋, ແຂວງ ກວາງນິງ. ໄດ້ຮັບການໄຂຂຶ້ນໃນວັນທີ 10 ເດືອນຈຽງ. ດ້ວຍບັນດາພິທີທີ່ເປັນປະເພນີຄື: ພິທີຖະຫວາຍທູບທຽນ, ພິທີພາວະນາຂໍໃຫ້ປະຊາຊົນມີຄວາມສະຫງົບສຸກ, ການສະແດງບັນດາລາຍການສິລະປະທີ່ເປັນມູນເຊື້ອ, ພິທີຕັ້ງທັບສັກສິດ ອຽນຕື໋…
ງານບຸນ ເຈົ້າແມ່: ນີ້ແມ່ນງານບຸນໃຫຍ່ຢູ່ພາກເໜືອ, ພິເສດແມ່ນສຳລັບວົງການນັກທຸລະກິດ, ຄ້າຂາຍ. ທ້າຍປີໄປຊຳລະໜີ້, ຕົ້ນປີໄປກູ້ຢືມເງິນຈາກ ເຈົ້າແມ່ ໄດ້ກາຍເປັນປະເພນີທີ່ມີມາແຕ່ດົນນານຢູ່ ຫວຽດນາມ. ວິຫານຂອງເຈົ້າແມ່ຕັ້ງຢູ່ ບ້ານ ໂກ໋ເໝ, ເມືອງ ຫວູນິງ, ແຂວງ ບັກນິງ. ງານບຸນນີ້ໄດ້ຖືກໄຂຂຶ້ນໃນວັນທີ 14 ເດືອນຈຽງ.
ງານບຸນ ລີມ (ບັກນິງ): ງານບຸນ ລີມ ແມ່ນງານບຸນໃຫຍ່ຢູ່ແຂວງ ບັກນິງ, ງານບຸນໄດ້ຮັບການຈັດຕັ້ງໃນວັນທີ 13 ເດືອນຈຽງ ປະຈຳປີ, ໃນເມືອງ ຕຽນຢູ. ງານບຸນນີ້ແມ່ນການດຳລົງຊີວິດວັດທະນະທຳທີ່ເປັນເອກະລັກສະເພາະຂອງປະຊາຊົນຂັບ ກວານຫໍ້.
ນອກຈາກນັ້ນຍັງມີນັບສິບໆງານບຸນໄດ້ຮັບການຈັດຕັ້ງຢູ່ແຂວງຕ່າງໆໃນທົ່ວປະເທດ. ຖ້າມີໂອກາດເຊີນທ່ານຜູ້ຟັງມາເຂົ້າຮ່ວມບັນດາງານບຸນປະເພນີຢູ່ຫວຽດນາມ.
ລາຍການໂອ້ລົມກັບເພື່ອນລາວຂອງພວກເຮົາຂໍ້ສິ້ນສຸດລົງພຽງເທົ່ານີ້. ຖ້າຫາກຜູ້ໃດມີຄວາມສົນໃຈ ແລະ ຢາກປະກອບຄຳເຫັນໃຫ້ລາຍການກະລຸນາສົ່ງຈົດໝາຍມາຍັງລາຍການໂດຍຈ່າໜ້າຊອງວ່າ: ວິທະຍຸກະຈາຍສຽງຫວຽດນາມ-ພາກພາສາລາວ-ເຮືອນເລກທີ 45 ຖະໜົມບາຈ້ຽວ-ຮ່າໂນ້ຍ ຫຼືໂທລະສັບມາໂດຍກົງຕາມເບີໂທ: 0084.43.8256631, ອີແມວ: Laovov@yahoo.com ຫຼື laovov5@gmail.com. ພວກເຮົາຍິນດີຕ້ອນຮັບ ແລະ ພ້ອມແລ້ວຈະຕອບຄຳຖາມຂອງທ່ານທຸກປະການ. ຂໍຂອບໃຈທ່ານທີ່ໄດ້ຕິດຕາມຮັບຟັງ ແລະ ຊົມລາຍການຂອງພວກເຮົາ.