(vovworld) - ວັນທີ 11/6 ກ່ອນນີ້ 64 ປີ, ທ່ານປະທານໂຮ່ຈິມີນ ໄດ້ປຸກລະດົມຂະບວນການແຂ່ງຂັນຮັກຊາດເພື່ອຮຽກຮ້ອງໃຫ້ທົ່ວປວງຊົນຕໍ່ຕ້ານ, ສ້າງສາປະເທດຊາດ. ໃນໄລຍະກວ່າ 60 ປີຜ່ານມາ, ບັນດາຂະບວນການແຂ່ງຂັນຮັກຊາດ ໄດ້ກາຍເປັນກຳລັງຫນູນເລັ່ງລັດ, ລະດົມກຳລັງໃຈປະຊາຊົນ ຫວຽດນາມ ບັນລຸໄດ້ບັນດາຜົນງານສຳຄັນໃນການສ້າງສາ ແລະ ພັດທະນາປະເທດຊາດ. ເນ່ືອງໃນໂອກາດວັນມູນເຊື້ອແຂ່ງຂັນຮັກຊາດ ຄືວັນທີ 11/6.
ພາບປະກອບ:internet
|
ຈຸດພົ້ນເດັ່ນໃນແນວຄິດປະທານໂຮ່ຈິມີນ ກ່ຽວກັບການແຂ່ງຂັນຮັກຊາດ ນັ້ນແມ່ນ ເມື່ອປຸກລະດົມຂະບວນການດັ່ງກ່າວ, ປະທານໂຮ່ຈິມີນໄດ້ຊີ້ແຈງວ່າ: ການສະຫນິດຕິດພັນຢ່າງແຫນ້ນແຟ້ນລະຫວ່າງຂະບວນການແຂ່ງຂັນກັບນ້ຳໃຈຮັກຊາດຂອງຊາດຫວຽດນາມ. ເພີ່ນຢືນຢັນວ່າ: “ການແຂ່ງຂັນແມ່ນຮັກຊາດ, ຮັກຊາດແມ່ນຕ້ອງມີການແຂ່ງຂັນ ແລະ ບັນດາຜູ້ແຂ່ງຂັນແມ່ນຜູ້ມີນ້ຳໃຈຮັກຊາດກວ່າໝູ່.” ໂດຍຕອບສະຫນອງຕາມຄຳຮຽກຮ້ອງຂອງປະທານໂຮ່ຈິມີນ, ໃນ 64 ປີຜ່ານມາ, ຂະບວນການແຂ່ງຂັນຮັກຊາດໄດ້ມີການພັດທະນາຢ່າງແຂງແຮງ, ຕໍ່ເນື່ອງ ແລະ ກວ້າງຂວາງ. ເລີ່ມຈາກຂະບວນການແຂ່ງຂັນເປັນຄັ້ງໃຫຍ່ຄື: ຕ້ານໄພອຶດຫິວ, ສະພາບກືກຫນັງສື ແລະ ຕ້ານສັດຕູຕ່າງດ້າວ, ໄຫເຂົ້າເພື່ອການຕໍ່ຕ້ານ…ຕະຫລອດຮອດທຸງສາມດີ, ຂະບວນການທົ່ວປວງຊົນສາມັກຄີກັນກໍ່ສ້າງຊີວິດວັດທະນະທຳ, ຊາວຫນຸ່ມອາສາສະໝັກໃນການສ້າງສາ ແລະ ປົກປັກຮັກສາປະເທດຊາດ, “ທົ່ວປະເທດຮ່ວມແຮງຮ່ວມໃຈກໍ່ສ້າງຊົນນະບົດໃຫມ່”ໃນປະຈຸບັນ, ໄດ້ສ້າງເປັນຂະບວນການຢ່າງກວ້າງຂວາງໃນຊີວິດສັງຄົມ, ລະດົມກຳລັງໃຈປະຊາຊົນທຸກຊັ້ນວັນນະພ້ອມກັນແຂ່ງຂັນ. ຜ່ານບັນດາຂະບວນການແຂ່ງຂັນນັ້ນ ໄດ້ປະກົດມີໝູ່ຄະນະ, ສ່ວນບຸກຄົນດີເດັ່ນຕາງຫນ້າໃຫ້ເຈດຈຳນົງກ້າວຂຶ້ນ, ຈິດໃຈຜ່ານຜ່າຄວາມຫຍຸ້ງຍາກ, ກ້າຄິດ, ກ້າເຮັດ, ຕັ້ງຫນ້າ ແລະ ມີຫົວຄິດປະດິດສ້າງຂອງຊາວ ຫວຽດນາມ, ສ້າງກຳລັງຫນູນຢ່າງແຂງແຮງ, ປະກອບສ່ວນຢ່າງແທດຈິງເຂົ້າໃນການພັດທະນາເສດຖະກິດ ສັງຄົມ ແລະ ບັນດາຜົນງານສຳຄັນຂອງໄລຍະ 10 ປີແຫ່ງການປະຕິບັດຍຸດທະສາດພັດທະນາເສດຖະກິດ ສັງຄົມ ແລະ ບັນດາຜົນງານສຳຄັນຂອງໄລຍະ 5 ປີແຫ່ງການປະຕິບັດມະຕິກອງປະຊຸມໃຫຍ່ຄັ້ງທີ 10 ຂອງພັກ. ຮອງສາສະດາຈານ, ດຣ Tran Minh Truong ຫົວຫນ້າສະຖາບັນ ໂຮ່ຈິມີນ ແລະ ບັນດາຜູ້ນຳຂອງພັກ ຖືວ່າ: ບັນລຸໄດ້ຜົນງານນີ້ແມ່ນຍ້ອນບັນດາຂະບວນການໄດ້ໝູນໃຊ້ວິທີແຂ່ງຂັນຕາມແນວຄິດປະທານໂຮ່ຈິມີນ. ທ່ານກ່າວວ່າ:
“ຕາມທ່ານປະທານໂຮ່ຈິມີນ, ການແຂ່ງຂັນຕ້ອງວາງບັນດາຕົວເລກຄາດໝາຍໃຫ້ເໝາະສົມກັບແຕ່ລະຂະແຫນງ, ແຕ່ລະເປົ້າໝາຍ. ການແຂ່ງຂັນແມ່ນປະຕິບັດໃນວຽກງານແຕ່ລະວັນຂອງຕົນ. ຕາມເພີ່ນແລ້ວ, ແຕ່ລະຄົນມີຫນ້າທີ່ສະເພາະໃດຫນຶ່ງ ແລະ ເມື່ອທຸກຄົນສຳເລັດຫນ້າທີ່, ໃນຖານະວຽກງານຂອງຕົນ, ນັ້ນແມ່ນການແຂ່ງຂັນ ແລະ ປະກອບສ່ວນເຂົ້າໃນຜົນສຳເລັດຂອງພາລະກິດການປະຕິວັດ.”
ທ່ານນາງ Ma Thi Nguyet, ຮອງປະທານຄະນະກຳມະການປະຊາຊົນ ແຂວງ Thai Nguyen ຫນຶ່ງໃນບັນດາທ້ອງຖິ່ນນຳຫນ້າໃນຂະບວນການແຂ່ງຂັນ ທັງແມ່ນແຫ່ງທີ່ທ່ານປະທານໂຮ່ຈິມີນ ໄດ້ປຸກລະດົມຂະບວນການແຂ່ງຂັນຮັກຊາດກ່ອນນີ້ 64 ປີ ໃຫ້ຮູ້ວ່າ:
“ວຽກງານແຂ່ງຂັນ ບໍ່ແມ່ນວຽກງານຂອງຂັ້ນ, ຂະແຫນງການໃດຫນຶ່ງເທົ່ານັ້ນ ຫາກແມ່ນຂອງທັງລະບົບການເມືອງ, ພິເສດ ແມ່ນຕ້ອງມີການເຂົ້າຮ່ວມຂອງທົ່ວປວງຊົນ. ຄຽງຄູ່ກັນນັ້ນ ການປຸກລະດົມຂະບວນການແຂ່ງຂັນ ຕ້ອງຕິດພັນກັບຫນ້າທີ່ການເມືອງ, ຫນ້າທີ່ວິຊາສະເພາະຂອງແຕ່ລະທ້ອງຖິ່ນ, ຫົວຫນ່ວຍເພ່ືອສ້າງບັນດາມາດຕະຖານແຂ່ງຂັນໃຫ້ເໝາະສົມ. ພ້ອມກັນນັ້ນເພີ່ມທະວີການຕິດຕາມກວດກາ, ເລັ່ງລັດຂະບວນການແຂ່ງຂັນ ແລະ ເອົາໃຈໃສ່ເຖິງວຽກງານກໍ່ສ້າງ, ທະວີຄູນບັນດາແບບຢ່າງທີ່ດີເດັ່ນ.”
ປະທານໂຮ່ຈິມີນ ກັແບບຢ່າງດີເດັ່ນໃນຂະບວນການແຂ່ງຂັນຮັກຊາດ
ພາບປະກອບ:kontum.gov.vn
|
ການໝູນໃຊ້ແນວຄິດປະທານໂຮ່ຈິມີນ ເຂົ້າໃນການແຂ່ງຂັນຮັກຊາດໃນໄລຍະປະຈຸບັນ, ສາສະດາຈານ ດຣ Nguyen The Thang ຫົວຫນ້າພະແນກແນວຄິດປະທານໂຮ່ຈິມີນ, ສັງກັດສະຖາບັນການເມືອງການປົກຄອງແຫ່ງຊາດ ໂຮ່ຈິມີນ ເຂດ 1 ຖືວ່າ: ຕ້ອງເອົາໃຈໃສ່ເຖິງວຽກງານຍ້ອງຍໍ ແລະ ພ້ອມກັນນັ້ນ ແມ່ນການປັບໄຫມຢ່າງເຂັ້ມງວດ. ກາຍຍ້ອງຍໍຖືກກັບວຽກງານ, ຖືກກັບເປົ້າໝາຍ ຈະປະກອບສ່ວນສ້າງບັນຍາການແຂ່ງຂັນປອດໄສ. ທ່ານ Thang ກ່າວວ່າ:
“ການຕິດພັນຢ່າງທັນການລະຫວ່າງການຍ້ອງຍໍ ກັບການແຂ່ງຂັນກໍແມ່ນປັດໄຈຫນຶ່ງຊ່ວຍໃຫ້ຂະບວນການແຂ່ງຂັນພັດທະນາຢ່າງແຂງແຮງ. ໃນການພິຈາລະນາ, ຍ້ອງຍໍ ຖ້າຫາກບໍ່ປະຕິບັດຢ່າງສະເໝີພາບ, ບໍ່ມີປະຊາທິປະໄຕ, ເປີດເຜີຍ ຈະເຮັດໃຫ້ຂະບວນການແຂ່ງຂັນບໍ່ໄດ້ຮັບຜົນ ເຮັດໃຫ້ທຸກຄົນເບື່ອຫນ່າຍບໍ່ຢາກແຂ່ງຂັນອີກ. ທ່ານປະທານໂຮ່ຈິມີນ ເວົ້າວ່າ: ການປະຕິວັດແມ່ນພາລະກິດຂອງໝູ່ມະຫາຊົນ ສະນັ້ນ ໃນຂະບວນການແຂ່ງຂັນຕ້ອງມີຄວາມເອົາໃຈໃສ່ເຖິງຜູ້ຜະລິດອອກແຮງງານໂດຍກົງ. ເຮັດຄືແນວນັ້ນ ຂະບວນການແຂ່ງຂັນໃຫມ່ຈຶ່ງສາມາດຟົດຟື້ນ ແລະ ມີລັກສະນະທົ່ວປວງຊົນຢ່າງກວ້າງຂວາງ.”
ຈາກປະສິດທິຜົນຂອງຫລາຍຂະບວນການແຂ່ງຂັນຮັກຊາດ 64 ປີຜ່ານມາ ໄດ້ພິສູດໃຫ້ເຫັນວ່າບັນດາແນວຄິດຂອງປະທານໂຮ່ຈິມີນກ່ຽວກັບການແຂ່ງຂັນ ມາຮອດປະຈຸບັນ ຍັງຄົງມີຄຸນຄ່າພຶດຕິກຳຢ່າງເລິກເຊິ່ງ.
ການປະຕິວັດນັບມື້ນັບຫຍຸ້ງຍາກຕ້ອງຈັດຕັ້ງບັນດາຂະບວນການແຂ່ງຂັນ, ເພື່ອສຸມກຳລັງແຮງຂອງປະຊາຊົນທຸກຊັ້ນວັນນະ, ນັ້ນແມ່ນແນວຄິດໂຮ່ຈິມີນ. ໃນພາລະກິດສ້າງສາ ແລະ ປົກປັກຮັກສາປະເທດຊາດປະຈຸບັນ, ເມື່ອຊາວ ຫວຽດນາມ ພວມສືບຕໍ່ຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມີນ ການແຂ່ງຂັນຮັກຊາດບໍ່ພຽງແຕ່ສະແດງໃຫ້ເຫັນນ້ຳໃຈຮັກຊາດເທົ່ານັ້ນ ຫາກຍັງແມ່ນວິທີການຮຳ່ຮຽນ ແລະ ປະຕິບັດຕາມແບບຢ່າງປະທານໂຮ່ຈິມີນຢ່າງແທດຈິງທີ່ສຸດອີກດ້ວຍ.