(vovworld) - ໂດຍເຈືອຈານໃນບັນຍາກາດອັນຟົດຟື້ນ, ເຂັ້ມຄົ້ນໄປດ້ວຍສີສັນວັດທະນະທຳຂອງງານບຸນປະເພນີຕ່າງໆ, ລາຍການສະແດງສິລະປະຕາມຖະໜົນຂອງ 40 ຄະນະສິລະປະທີ່ມາຈາກ 5 ທະວີບຢູ່ Festival ເຫ໋ວ 2012 ໄດ້ສ້າງຄວາມດຶງດູດ, ແລະ ຄວາມປະທັບໃຈໃຫ້ແກ່ຊາວນະຄອນ ເຫ໋ວ ກໍ່ຄືນັກທ່ອງທ່ຽວທີ່ມາຈາກທຸກສາລະທິດ. ບໍ່ພຽງແຕ່ສະແດງດົນຕີ, ຟ້ອນລຳທຳເພງເທົ່ານັ້ນ… ການສະແດງສິລະປະຕາມຖະໜົນຍັງແມ່ນການໂຄສະນາວັດທະນະທຳຂອງປະເທດຕ່າງໆທີ່ເຂົ້າຮ່ວມ Festival, ແລະ ປະກອບສ່ວນເຮັດໃຫ້ Festival ເຫ໋ວ ມີຄວາມໄກ້ສິດກັບທຸກຄົນກວ່າອີກດ້ວຍ.
ງານບຸນບົນຖະໜົນຖືກດຳເນີນໃນຍາມແລງແຕ່ວັນທີ 8-14/4, ໃນບໍລິເວນຕໍ່ໜ້າຫໍວັດທະນະທຳຢູ່ໃຈກາງນະຄອນ ເຫ໋ວ ແລະ ຕາມຖະໜົນ ຮຸ່ງເວືອງ, ເລເລີ້ຍ, ຫງວຽນດິ່ງຈຽວ.
ຄະນະສິລະປະພື້ນເມືອງ Raices Profun ຂອງກູບາ ໄດ້ສະແດງລາຍການສິລະປະດ້ວຍຈັ່ງຫວະດົນຕີ, ທຳນອງເພງອັນຟົດຟື້ນ, ເຂັ້ມຕົ້ນໄປດ້ວຍສີສັນວັດທະນະທຳຂອງທະວີບອາຟະລິກາ. ສ່ວນຄະນະສິລະປະອົດສະຕາລີ ໄດ້ສະແດງຟ້ອນ belydance ຕາມລີລາການສະແດງທີ່ແຕກຕ່າງກັນຄື: ລີລາການສະແດງຂອງເຕິກກີ, ອິນເດຍ, ອີຢີບ. ໂດຍມາຈາກປະເທດ Venezuela, ວົງດົນຕີພື້ນເມືອງ, ດ້ວຍສະມາຊິກ 10 ຄົນ, ເຊິ່ງແມ່ນນັກສິລະປະຕີກອງ, ນັກຮ້ອງ, ນັກຟ້ອນອາຊີບໄດ້ນຳເອົາສຽງກອງຈາກປະເທດລາຕີນທີ່ຫ່າງໄກ ພ້ອມກັບທຳນອງດົນຕີທີ່ຟົດຟື້ນ ແລະ ງາມຕາມາເຊິ່ງງານບຸນ. ອ້າຍ Herman Villanveve, ສະມາຊິໃນວົງດົນຕີດັ່ງກ່າວໃຫ້ຮູ້ວ່າ
”ເປັນເທື່ອທຳອິດມານະຄອນເຫ໋ວ, ແຕ່ຂ້າພະເຈົ້າເຫັນວ່າ, ຊາວນະຄອນນີ້ມີຈິດໃຈເບິກບານມ່ວນຊື່ນ, ແລະມີຄວາມສະໜິດສະໜົມ. ເຂົ້າເຈົ້າໄດ້ພ້ອມກັນຂັບຮ້ອງ, ເຕັ້ນລຳ ແລະເຂົ້າຮ່ວມບັນດາລາຍການສະແດງຂອງພວກຂ້າພະເຈົ້າ. ພວກຂ້າພະເຈົ້າຫວັງວ່າ, Festival ຄັ້ງຕໍ່ໆໄປຈະສືບຕໍ່ໄດ້ມາສະແດງຢູ່ນະຄອນເຫ໋ວ, ເພື່ອເຮັດໃຫ້ປະຊາຊົນສອງປະເທດ Venezuela ແລະ ຫວຽດນາມ ມີຄວາມເຂົ້າໃຈກັນກວ່າ”
ໃນໂອກາດນີ້, ຄະນະສິລະປະຊົນເຜົ່າມົງໂກນ, ລວມມີບັນດານັກສິລະປະພື້ນເມືອງກໍ່ນຳເອົາລາຍການສະແດງທີ່ເປັນເອກະລັກສະເພາະ ແລະ ເຕັມໄປດ້ວຍຄວາມປະທັບໃຈເຖິງງານບຸນຕາມຖະໜົນ. ທ່ານ Stanley Fernandez, ຫົວໜ້າຄະນະສິລະປະພື້ນເມືອງ Liceo, ແຫ່ງຟິລິບປິນ, ໃຫ້ຮູ້ວ່າ:
”ພວກຂ້າພະເຈົ້າຮູ້ສຶກດີໃຈ ແລະ ມີຄວາມສຸກຫຼາຍເມື່ອໄດ້ເຂົ້າຮ່ວມງານບຸນນີ້.. ພວກຂ້າພະເຈົ້າໄດ້ນຳເອົາບັນດາລາຍການດົນຕີ, ຟ້ອນລຳ, ລະຄອນທີ່ຍ້ອງຍໍສັນລະເສີນມະນຸດ ແລະ ທຳມະຊາດຢູ່ເຂດເກາະ Mindanao, ທາງທິດໃຕ້ຂອງປະເທດຟິລິນປິນ ມາໃຫ້ Festival ເຫ໋ວ. ຂ້າພະເຈົ້າເຫັນວ່າຊາວຫວຽດນາມ ມີຄວາມໄກ້ສິດ, ສະໜິດສະໜົມ ແລະ ອາຫານຢູ່ເຫ໋ວກໍ່ແຊບຫຼາຍ… ຂ້າພະເຈົ້າຮັກແພງຫວຽດນາມ”.
ທ່ານ Daniel Cole, ນັກທ່ອງທ່ຽວທີ່ມາຈາກ ນິວຊີແລນ, ໃຫ້ຮູ້ວ່າ, ທ່ານໄດ້ເຫັນປະຈັກຕາການເຄື່ອນໄຫວຕ່າງໆຂອງ Festival ເຫ໋ວ, ແລະທ່ານຢາກຖ່າຍທຳຮູບພາບກ່ຽວກັບເຫ໋ວ, ແລະ ຈະພາຄອບຄົວຂອງຕົນມາຢ້ຽມຢາມ ເຫ໋ວ ຢ່າງແນ່ນອນ.
”ຊາວເຫ໋ວ ມີຄວາມສຸດຈິດສຸດໃຈ, ແລະ ສະໜິດສະໜົມ, ຢູ່ຕາມຖະໜົນສາຍຕ່າງໆກໍ່ໄດ້ຮັບການປະດັບປະດາຢ່າງສວຍງາມ. ຂ້າພະເຈົ້າພາກພູມໃຈ ແລະ ມີຄວາມສຸກເມື່ອໄດ້ເຂົ້າຮ່ວມງານບຸນທີ່ຟົດຟື້ນຄືແນວນີ້.”
ງານບຸນຕາມຖະໜົນແມ່ນໜຶ່ງໃນບັນດາການເຄື່ອນໄຫວວັດທະນະ ທຳທີ່ເປັນເອກະລັກສະເພາະ, ເຊິ່ງໄດ້ປະກອບສ່ວນເຂົ້າໃນຜົນສຳເລັດຂອງ Festival. ການມີໜ້າຂອງບັນດາຄະນະສິລະປະ, ຂອງບັນດາພື້ນຖານວັດທະນະທຳ ໄດ້ນຳເອົາພະລັງຊີວິດໃໝ່ມາໃຫ້ນະຄອນ ມໍລະດົກ ເຫ໋ວ, ປະກອບສ່ວນເຂົ້າໃນຜົນສຳເລັດຂອງ Festival ເຫ໋ວ 2012.