(vovworld) - ຍັງມີເວລາປະມານ 1 ເດືອນອີກ ກໍ່ຈະຮອດບຸນປີໃໝ່ປະຈຳຊາດ ປີມະເມຍ 2014, ແຕ່ກ່ອນນີ້ 2 ເດືອນ, ຄະນະກຳມະການປະຊາຊົນນະຄອນຮ່າໂນ້ຍ ໄດ້ຊີ້ນຳໃຫ້ບັນດາຂະແໜງທີ່ກ່ຽວຂ້ອງກະກຽມ ສິນຄ້າປະເພດຕ່າງໆເພື່ອຮັບໃຊ້ຄວາມຕ້ອງການຂອງປະຊາຊົນ, ໃນນັ້ນການຮັກສາລາຄາສິນຄ້າເປັນເປັນປົກກະຕິໃນໂອກາດບຸນປີໃໝ່ປະຈຳຊາດຄື: ເຂົ້າໜຽວ,ຊີ້ນໝູ, ຊີ້ນໄກ່… ແມ່ນບັນຫາໄດ້ຮັບຄວາມເອົາໃຈໃສ່ເປັນພິເສດ.
(ພາບປະກອບ)
ດ້ວຍທິດນຳ, ຮັບປະກັນປະຕິມານສິນຄ້າທີ່ຈຳເປັນຢ່າງພຽງພໍ, ຕອບສະໜອງຄວາມຕ້ອງການຂອງຜູ້ບໍລິໂພກ, ອຸປະໂພກ ແລະ ຮັກສາຕະຫຼາດໃນໂອກາດບຸນປີໃໝ່ປະຈຳຊາດເປັນປົກກະຕິນັ້ນ, ຄະນະກຳມະການປະຊາຊົນນະຄອນຮ່າໂນ້ຍ ໄດ້ຊີ້ນຳໃຫ້ 13 ວິສາຫະກິດເຂົ້າຮ່ວມການຮັກສາລາຄາເປັນປົກກະຕິໃນບໍລິເວນຮ່າໂນ້ຍ, ຮັບປະກັນປະລິມານສິນຄ້າເຊິ່ງໄດ້ໝັ້ນໝາຍ, ເທົ່າກັບຈຳນວນທຶນ 318 ຕື້ດົ່ງ, ເຊິ່ງລວມມີເຂົ້າສານ 900 ໂຕນ, ຊີ້ນໝູ 900 ໂຕນ, ສິນທະເລແຊເຢັນ 300 ໂຕນ. ນອກຈາກຂາຍສິນຄ້າແບບຄົງທີ່ແລ້ວ, ບັນດາວິສາຫະກິດຍັງຂາຍສິນຄ້າແບບເຄື່ອນທີ່ຢູ່ສະຖານທີ່ຕ່າງໆໃນເຂດອຸດສາຫະກຳ, ເຂດຜະລິດປຸງແຕ່ງ ແລະ ບັນດາເມືອງຊານນະຄອນອີກດ້ວຍ. ທ່ານ ດ່າວກວາງວິງ, ຜູ້ອຳນວຍການໃຫຍ່ບໍລິສັດຫຸ້ນສ່ວນເຕັກໂນໂລຢີສະບຽງອາຫານ ວິງແອງ, ແມ່ນໜຶ່ງໃນບັນດາວິສາຫະກິດເຂົ້າຮ່ວມການຮັກສາລາຄາເປັນປົກກະຕິ, ໃຫ້ຮູ້ວ່າ:
“ທາງນະຄອນໄດ້ມອບ ໃຫ້ບໍລິສັດພວກຂ້າພະເຈົ້າໜ້າທີ່ຮັກສາລາຄາຊີ້ນໝູເປັນປົກກະຕິ ແລະ ໃຫ້ບໍລິສັດກູ້ຢືມເງິນ 25 ຕື້ດົ່ງອີກ. ພາຍຫຼັງໄດ້ຮັບທຶນເພື່ອຮັກສາລາຄາເປັນປົກກະຕິແລ້ວ, ທາງບໍລິສັດໄດ້ຜັນຂະຫຍາຍການເຊັນສັນຍາກັບບັນດາຟາມລ້ຽງໝູຂະໜາດໃຫຍ່ຢູ່ຮ່າໂນ້ຍ ກໍ່ຄືບັນດາແຂວງອ້ອມຂ້າງ ເພື່ອຮັບປະກັນສິນຄ້າ ກໍ່ຄືຄຳ້ປະກັນຫຼັກອະນາໄມສະບຽງອາຫານອີກ“.
(ພາບປະກອບ) ຄະນະກຳມະການນະຄອນຮ່າໂນ້ຍ ກໍ່ໄດ້ຊີ້ນຳໃຫ້ບັນດາວິສາຫະກິດດຳເນີນທຸລະກິດການຄ້າ, ລະບົບຮ້ານຊັບພະສິນຄ້າ, ສູນຂາຍຍ່ອຍ ໃນບໍລິເວນ ເພີ່ມປະລິມານສິນຄ້າຮັບໃຊ້ບຸນປີໃໝ່ປະຈຳຊາດແຕ່ 10 ເຖິງ 20% ເມື່ອທຽບໃສ່ປີກາຍ (ໃນນັ້ນ 90% ແມ່ນສິນຄ້າຂອງຫວຽດນາມ). ທ່ານ ຟານໂບ້ຍງອກ, ຜູ້ອຳນວຍການລະບົບຮ້ານຊັບພະສິນຄ້າ ລານຈີ ຖືວ່າ. ດ້ວຍຄວາມເປັນເຈົ້າການໃນການກະກຽມສິນຄ້າຂອງຕົນ, ຮ່າໂນ້ຍ ຈະຕອບສະໜອງຄວາມຕ້ອງການໃຊ້ສອຍຂອງປະຊາຊົນໄດ້.
“ພວກຂ້າພະເຈົ້າສະສົມນຳ້ມັນພືດໄດ້ປະມານ 2000 ໂຕນ, ພ້ອມກັບເຂົ້າໜົມປະເພດຕ່າງໆ ເພື່ອຮັບໃຊ້ປະຊາຊົນຢູ່ທິດຕາເວັນຕົກ ແລະ ຊານນະຄອນຮ່າໂນ້ຍ. ມາຮອດປະຈຸບັນ, ທາງບໍລິສັດໄດ້ຮັບປະກັນປະລິມານສິນຄ້າສະສົມເພີ່ມຂຶ້ນ 50% ເມື່ອທຽບໃສ່ຊຸມເດືອນກ່ອນ“.
(ພາບປະກອບ) ບັນດາວິສາຫະກິດຜະລິດ ແລະ ລະບົບແຈກຢາຍສິນຄ້າຮັບໃຊ້ບຸນປີໃໝ່ປະຈຳຊາດ ພວມຜັນຂະຫຍາຍແຜນການສະສົມສິນຄ້າ ເພື່ອຮັບໃຊ້ຜູ້ບໍລິໂພກ, ອຸປະໂພກ. ທ່ານ ຫວູວິງຟູ໋, ປະທານສະຫະສະມາຄົມຮ້ານຊັບພະສິນຄ້າຮ່າໂນ້ຍ, ໃຫ້ຮູ້ວ່າ, ມາຮອດຈຸດເວລານີ້, ແຫຼ່ງສິນຄ້າຮັບໃຊ້ບຸນປີໃໝ່ ປີມະເມຍ ຢູ່ບັນດາຮ້ານຊັບພະສິນຄ້າໄດ້ຮັບການກະກຽມຢ່າງຄົບຖ້ວນ ແລະ ລອບຄອບຖີ່ຖ້ວນ.
“ມາຮອດປະຈຸບັນ, ການກະກຽມສິນຄ້າຮັບໃຊ້ບຸນປີໃໝ່ປະຈຳຊາດຂອງນະແໜງການຄ້າຮ່າໂນ້ຍ ເວົ້າລວມ ແລະ ບັນດາຮ້ານຊັບພະສິນຄ້າເວົ້າສະເພາະ ພວມສືບຕໍ່ໄດ້ຮັບການຜັນຂະຫຍາຍ. ລາຄາປີນີ້ບໍ່ເຄື່ອນເໜັງປານໃດຍ້ອນກຳລັງຊື້ຍັງຕຳ່ຢູ່.“
ມາຮອດຈຸດເວລານີ້, ປະລິມານສິນຄ້າສະສົມຂອງບັນດາວິສາຫະກິດແມ່ນຄົບຖ້ວນພໍສົມຄວນແລ້ວ… ດ້ວຍການກະກຽມຂອງບັນດາວິສາຫະກິດ, ບໍລິສັດຜະລິດທັນຍາຫານ, ສະບຽງອາຫານໃນບໍລີເວນ ກໍ່ຄືການສົມທົບຂອງອຳນາດການປົກຄອງ, ຂະແໜງການ, ອົງການຈັດຕັ້ງມະຫາຊົນທຸກຂັ້ນ, ຊາວຮ່າໂນ້ຍຈະໄດ້ຕ້ອນຮັບບຸນປີໃໝ່ປີມະເມຍ 2014 ຢ່າງມ່ວນຊື່ນ.