ກອງປະຊຸມປະທານສະພາແຫ່ງຊາດອາຊີ-ເອີລົບຄັ້ງທີ2

(VOVWORLD) - ວັນທີ 27 ມິຖຸນາ, ກອງປະຊຸມປະທານສະພາແຫ່ງຊາດອາຊີ - ເອີລົບ (MSEAP) ຄັ້ງທີ 2 ດ້ວຍຫົວຂໍ້ວ່າ “ຊຸກຍູ້ການຮ່ວມມືລະຫວ່າງລັດຖະສະພາເພື່ອຄວາມວັດທະນາຖາວອນລວມໃນພາກພື້ນອາຊີ - ເອີລົບ” ເຊິ່ງຖືກດຳເນີນຢູ່ນະຄອນຫຼວງ ເຊີອູນ, ປະເທດສ.ເກົາຫຼີ

ກອງປະຊຸມປະທານສະພາແຫ່ງຊາດອາຊີ-ເອີລົບຄັ້ງທີ2 - ảnh 1 ຜູ້ແທນເຂົ້າຮ່ວມກອງປະຊຸມປະທານສະພາແຫ່ງຊາດອາຊີ - ເອີລົບຄັ້ງທີ 2

(ພາບ: TTXVN)

ພາຍໃຕ້ການເປັນປະທານຮ່ວມຂອງທ່ານປະທານສະພາ Duma ແຫ່ງຊາດລັດເຊຍ Vyacheslav Volodin ແລະ ທ່ານປະທານສະພາແຫ່ງຊາດສ.ເກົາຫຼີ Chung Sye-kyun. ທ່ານຮອງປະທານສະພາແຫ່ງຊາດຫວຽດນາມ ອວງຈູລິວ ໄດ້ນຳໜ້າຄະນະຜູ້ແທນສະພາແຫ່ງຊາດຫວຽດນາມ ເຂົ້າຮ່ວມ MSEAP. ໃນບົດກ່າວປາໄສທີ່ກອງປະຊຸມ, ທ່ານຮອງປະທານສະພາແຫ່ງຊາດ ອວງຈູລິວ ເນັ້ນໜັກວ່າ: ຫວຽດນາມ ພ້ອມແລ້ວທີ່ຈະຕັ້ງໜ້າເຂົ້າຮ່ວມ, ເປັນເຈົ້າການໃນບັນດາວິວັດທະນາການເຊື່ອມໂຍງເຂົ້າພາກພື້ນ ແລະ ໂລກ, ຕິດພັນກັບບັນດາພື້ນຖານເສດຖະກິດອາຊີ - ເອີລົບ. ຫວຽດນາມ ກໍ່ປາດຖະໜາຢາກຮ່ວມມືກັບບັນດາປະເທດອາຊີ - ເອີລົບ ໃນຫຼາຍຂົງເຂດຢ່າງແໜ້ນແຟ້ນ. ຫວຽດນາມ ພ້ອມແລ້ວທີ່ຈະສະໜັບສະໜູນບັນດາຂໍ້ລິເລີ່ມຮ່ວມມືລະຫວ່າງພາກພື້ນເພື່ອແນໃສ່ແບ່ງປັນບົດຮຽນ ແລະ ບັນດາແຫຼ່ງກຳລັງເພື່ອພ້ອມກັນພັດທະນາ…

        ຢູ່ນອກ MSEAP ທ່ານຮອງປະທານສະພາແຫ່ງຊາດ ອວງຈູລິວ ໄດ້ມີການພົບປະ 2 ຝ່າຍກັບຄະນະຜູ້ແທນສະພາ Duma ແຫ່ງຊາດລັດເຊຍ.

ຕອບກັບ

ຂ່າວ/ບົດ​ອື່ນ