ເຄື່ອງຊ່ວຍເຫຼືອຂອງສູນປະສານງານ ອາຊຽນ ກ່ຽວກັບການໜູນຊ່ວຍມະນຸດສະທຳໃນໄພພິບັດທຳມະຊາດ 3 ງວດໄດ້ຂົນສົ່ງມາຮອດ ຫວຽດນາມ
(VOVWORLD) - ເຄື່ອງຊ່ວຍເຫຼືອດັ່ງກ່າວລວມມີ: ເຄື່ອງໃຊ້ພາຍໃນເຮືອນ, ເຄື່ອງສ້ອມແປງບ່ອນອົບພະຍົບ, ເຄື່ອງອຸປະກອນເຮືອນຄົວ ແລະ ອຸປະກອນເຮັດອະນາໄມ ລວມມູນຄ່າປະມານ 250.000 USD.
 ເຄື່ອງຊ່ວຍເຫຼືອ ໄດ້ຂົນສົ່ງມາຮອດ ຮ່າໂນ້ຍ (ພາບ: VOV) |
ວັນທີ 15 ກັນຍາ, ເຄື່ອງຊ່ວຍເຫຼືອຂອງສູນປະສານງານ ອາຊຽນ ກ່ຽວກັບການຊ່ວຍເຫຼືອມະນຸດສະທຳໃນໄພພິບັດທຳມະຊາດ 3 ງວດເພື່ອແນໃສ່ຊ່ວຍ ຫວຽດນາມ ແກ້ໄຂຜົນຮ້າຍຢ້ອນຫຼັງຈາກໄພພິບັດທຳມະຊາດໄດ້ຂົນສົ່ງມາຮອດ ຮ່າໂນ້ຍ ແລ້ວ.
ເຄື່ອງຊ່ວຍເຫຼືອດັ່ງກ່າວລວມມີ: ເຄື່ອງໃຊ້ພາຍໃນເຮືອນ, ເຄື່ອງສ້ອມແປງບ່ອນອົບພະຍົບ, ເຄື່ອງອຸປະກອນເຮືອນຄົວ ແລະ ອຸປະກອນເຮັດອະນາໄມ ລວມມູນຄ່າປະມານ 250.000 USD. ນີ້ແມ່ນສ່ວນໜຶ່ງໃນແຜນການຮັບມືຂອງສູນປະສານງານ ອາຊຽນ ກ່ຽວກັບການຊ່ວຍເຫຼືອມະນຸດສະທຳໃນໄພພິບັດທຳມະຊາດ ເພື່ອແນໃສ່ຊ່ວຍ ຫວຽດນາມ ແກ້ໄຂຜົນຮ້າຍຢ້ອນຫຼັງຈາກພາຍຸ Yagi.