ຫວຽດນາມປະກອບສ່ວນຢ່າງຕັ້ງຫນ້າໃຫ້ແກ່ກອງປະຊຸມຄັ້ງທີ 68 ສະພາຄວາມໝັ້ນຄົງ ສປຊ
ສະພາຄວາມໝັ້ນຄົງສປຊ
ພາບ: internet
|
(vovworld)- ກອງປະຊຸມຄັ້ງທີ 68 ຂອງສະພາຄວາມໝັ້ນຄົງ ສປຊ ພາຍໃຕ້ຫົວຂໍ້ວ່າ: ໂຄງການດຳເນີນງານພັດທະນາຫລັງປີ 2015” ຖືກໄຂຂຶ້ນໃນວັນທີ 18/9 ຢູ່ ນະຄອນ ນິວຢອກ ສະຫະລັດອາເມລິກາ. ຄະນະຜູ້ແທນຂັ້ນສູງຫວຽດນາມ ໂດຍທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ ນຳຫນ້າ ເຂົ້າຮ່ວມກອງປະຊຸມຄັ້ງທີ 68 ຂອງສະມັດຊາໃຫຍ່ ສປຊ ຄັ້ງນີ້. ຕອບສຳພາດຕໍ່ນັກຂ່າວວິທະຍຸກະຈາຍສຽງຫວຽດນາມ ປະຈຳອາເມລິກາ, ທ່ານ ເລຮ່ວາຍຈູງ, ເອກອັກຄະລັດຖະທູດ ຫວຽດນາມ ປະຈຳ ສປຊ ໃຫ້ຮູ້ວ່າ: ການເຂົ້າຮ່ວມກອງປະຊຸມຄັ້ງນີ້ຂອງທ່ານນາຍົກລັດຖະມົນຕີ ຫງວຽນເຕີນຢູງ ແມ່ນໂອກາດເພື່ອໃຫ້ຫວຽດນາມ ແນະນຳ ແລະ ແລກປ່ຽນຜູ້ແທນການນຳຂັ້ນລັດກ່ຽວກັບນະໂຍບາຍ, ແນວທາງການຕ່າງປະເທດ ແລະ ແນວທາງການປ່ຽນແປງໃຫມ່ຮອບດ້ານ. ທ່ານເອກອັກຄະລັດຖະທູດ ເລຮ່ວາຍຈູງ ໃຫ້ຮູ້ວ່າ:
“ທ່ານນາຍົກລັດຖະມົນຕີ ຫງວຽນເຕີນຢູງ ມີບົດປາໄສຍົກໃຫ້ເຫັນທັດສະນະຂອງຫວຽດນາມ ກ່ຽວກັບບັນດາບັນຫາສາກົນ, ໃນນັ້ນ ມີບັນດາມາດຕະການກ່ຽວຂ້ອງເຖິງສັນຕິພາບ, ຄວາມໝັ້ນຄົງ, ໂຄງການດຳເນີນງານພັດທະນາຫລັງປີ 2015. ນອກນັ້ນ ທ່ານນາຍົກລັດຖະມົນຕີ ຫງວຽນເຕີນຢູງ ຈະມີພົບປະທ່ານເລຂາທິການໃຫຍ່ ສປຊ ແລະ ການນຳຂອງໂຄງການພັດທະນາສປຊ, ແລກປ່ຽນບົດຮຽນຂອງຫວຽດນາມໃນວິວັດການຮ່ວມມືກັບ ສປຊ.”