(vovworld) - ກ່າວຄຳເຫັນສະຫລຸບກອງປະຊຸມ, ທ່ານ ດິງເທ໋ຮິງ, ຫົວໜ້າຄະນະໂຄສະນາສູນກາງ, ສະເໜີໃຫ້ບັນດາຜູ້ແທນກຳແໜ້ນ, ເຂົ້າໃຈແຈ້ງບັນດາໜ້າທີ່, ມາດຕະການລວມໃນທົ່ວປະເທດ, ພ້ອມທັງນຳໃຊ້ຢ່າງມີຫົວຄິດປະດິດສ້າງ, ເໝາະສົມກັບເງື່ອນໄຂລະອຽດຂອງແຕ່ລະທ້ອງຖີ່ນ, ຫົວໜ່ວຍຂອງຕົນ. ຕາມນັ້ນແລ້ວ, ໃນ 2 ປີທີ່ຍັງເຫຼືອຂອງອະຍຸການກອງປະຊຸມໃຫຍ່ຄັ້ງທີ 11 ຂອງພັກ, ຈຸດໝາຍວາງອອກແມ່ນຮັບປະກັນເສດຖະກິດມະຫາພາກ, ຄວບຄຸມໄພເງິນເຟີ້, ຟື້ນຟູການເຕີບໂຕ ແລະ ຍົກສູງຄຸນນະພາບ, ປະສິດທິຜົນ, ກຳລັງແກ່ງແຍ້ງ... ກ່ຽວກັບການປ່ຽນໃໝ່ການສຶກສາ ແລະ ບຳລຸງສ້າງໂດຍພື້ນຖານ ແລະ ຮອບດ້ານ, ທ່ານ ດິງເທ໋ຮິງ ເນັ້ນໜັກມາດຕະການສຳຄັນແມ່ນ: ປ່ຽນໃໝ່ໂດຍພື້ນຖານຮູບແບບ ແລະ ວິທີປະຕິບັດ, ກວດກາ ແລະ ຕີລາຄາໝາກຜົນການສຶກສາ, ບຳລຸງສ້າງ, ຮັບປະກັນລັກສະນະບໍລິສຸດ, ພາວະວິໄສ... ສຳລັບມະຕິກ່ຽວກັບຍຸດທະສາດປົກປັກຮັກສາປະເທດຊາດໃນໄລຍະໃໝ່, ທ່ານ ດິງເທ໋ຮິງ ຢັ້ງຢືນວ່າ: ເຖິງວ່າສະພາບການຍັງຫຍຸ້ງຍາກ, ສັບສົນຄືແນວໃດ, ຫວຽດນາມ ຕ້ອງປົກປັກຮັກສາເອກະລາດ, ປາຊາທິປະໄຕ, ຜືນແຜ່ນດິນອັນຄົບຖ້ວນຢ່າງໝັ້ນຄົງ, ປົກປ້ອງພັກ, ລັດ, ປະຊາຊົນ ແລະ ລະບອບສັງຄົມນິຍົມ... ທ່ານ ດິງເທ໋ຮິງ ຫົວໜ້າຄະນະໂຄສະນາສູນກາງເນັ້ນໜັກວ່າ:
“ພາຍຫຼັງກອງປະຊຸມນີ້, ສະເໜີໃຫ້ບັນດາການນຳ, ຊີ້ນຳວຽກງານຈັດຕັ້ງການຮຳ່ຮຽນ, ຊາບຊຶມບັນດາມະຕິ, ຂໍ້ສະຫລຸບຂອງສູນກາງໃຫ້ພະນັກງານ, ສະມາຊິກພັກຢ່າງແທດຈິງ, ມີປະສິທິຜົນ, ສົ່ງເສີມບັນດາຮູບແບບກວດກາ, ຕີລາຄາໝາກຜົນການຮຳ່ຮຽນຂອງພະນັກງານ, ສະມາຊິກພັກ. ຄະນະພັກທຸກຕ່າງໆຊີ້ນຳ ແລະ ຈັດຕັ້ງການໂຄສະນາບັນດາມະຕິ, ຂໍ້ສະຫຼຸບຂອງສູນກາງໃນໝູ່ປະຊາຊົນໃນພາຫະນະສື່ມວນຊົນ, ຜ່ານການດຳລົງຊີວິດຂອງໝູ່ຄະນະ, ອົງການ, ຫົວໜ່ວຍດ້ວຍທີ່ຫຼາຍຮູບຫຼາຍແບບ ແລະ ເໝາະສົມ...”
ໃນ 2 ວັນດຳເນີນກອງປະຊຸມ, ບັນດາຜູ້ແທນໄດ້ຮັບຟັງທ່ານປະທານປະເທດ ເຈືອງເຕີນຊາງ ແນະນຳມະຕິກ່ຽວກັບຍຸດທະສາດປົກປັກຮັກສາປະເທດຊາດໃນໄລຍະໃໝ່, ທ່ານກຳມະການກົມການເມືອງ, ປະທານຄະນະກຳມະການສູນກາງ ແນວໂຮມປະເທດຊາດ ຫວຽດນາມ ຫງວຽນທ້ຽນເຍີນ ແນະນຳມະຕິກ່ຽວກັບການປ່ຽນໃໝ່ການສຶກສາ ແລະ ບຳລຸງສ້າງໂດຍພື້ນຖານ ແລະ ຮອບດ້ານ.