ຮອງນາຍົກລັດຖະມົນຕີຫງວຽນຊວນຟຸກເຂົ້າຮ່ວມພິທີສະເຫຼີມສະຫຼອງ50ປີແຫ່ງໄຊຊະນະນູ໋ຍແທ່ງ
ຮ່ວາຍນາມ, ນັກຂ່າວVOVພາກກາງ -  
ທ່ານຮອງນາຍົກລັດຖະມົນຕີ ຫງວຽນຊວນຟຸກ ກ່າວຄຳເຫັນທີ່ພິທີ
(ພາບ: Hoài Nam)
|
(vovworld) – ຕອນຄ່ຳວັນທີ 25/5, ແຂວງ ກວາງນາມ ໄດ້ຈັດຕັ້ງພິທີສະເຫຼີມສະຫຼອງ 50 ປີແຫ່ງໄຊຊະນະ ນູ໋ຍແທ່ງ (26/5/1965 – 26/5/2015). ບັ້ນຮົບ ນູ໋ຍແທ່ງ ແມ່ນບັ້ນຮົບທຳອິດເຊິ່ງກອງທັບປະຊາຊົນ ຫວຽດນາມ ໄດ້ຕີ ແລະ ເອົາໄຊຊະນະ ອາເມລິກາ ໃນສະໜາມຮົບພາກໃຕ້, ເປີດສາກໃຫ້ແກ່ວິວັດທະນາການເຮັດໃຫ້ຍຸດທະສາດ “ສົງຄາມຮອບດ້ານ” ຂອງ ອາເມລິກາ ຖືກປະລາໄຊ. 50 ປີໄດ້ຜ່ານພົ້ນໄປ, ໄຊຊະນະ ນູ໋ຍແທ່ງ ເປັນຂີດໝາຍໃນປະຫວັດສາດໃຫ້ການຕໍ່ສູ້ຕ້ານສັດຕູຜູ້ຮຸກຮານຂອງຊາດ, ຂອງບ້ານເກີດເມືອງນອນ ກວາງນາມ ວິລະຊົນ. ມາຮອດປະຈຸບັນ, ເຂດເສດຖະກິດເປີດ ຈູລາຍ, ເມືອງ ນູ໋ຍແທ່ງ, ໄດ້ກາຍເປັນຈຸດນັດພົບທີ່ດຶງດູດບັນດານັກລົງທຶນ. ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ຢັ້ງຢືນວ່າ:
“ສະເຫຼີມສະຫຼອງ 50 ປີແຫ່ງໄຊຊະນະ ນູ໋ຍແທ່ງ, ພວກເຮົາຮູ້ສຶກເອກອ້າງທະນົງໃຈເມື່ອທົບທວນຄືນມູນເຊື້ອທີ່ສະຫງ່າລາສີຂອງກອງທັບ ແລະ ປະຊາຊົນ, ພ້ອມກັນຕັດສິນໃຈຜ່ານຜ່າທຸກໆຄວາມຫຍຸ້ງຍາກ, ລຳບາກ, ປະຕິບັດໜ້າທີ່ໃນໄລຍະໃໝ່ຢ່າງມີໄຊ. ເພື່ອສືບທອດມູນເຊື້ອຂອງລຸ່ນພໍ່ລຸ່ນອ້າຍ, ຂ້າພະເຈົ້າສະເໜີໃຫ້ອົງຄະນະພັກ, ອຳນາດການປົກຄອງ ແລະ ປະຊາຊົນແຂວງ ກວາງນາມ ມານະພະຍາຍາມສູ້ຊົນເພື່ອປະຕິບັດບັນດາຈຸດໝາຍ, ໜ້າທີ່ພັດທະນາເສດຖະກິດ - ສັງຄົມປີ 2015 ແລະ 5 ປີ (2010 – 2015) ຕາມມະຕິຂອງກອງປະຊຸມໃຫຍ່ຄະນະພັກແຂວງ ໄດ້ວາງອອກຢ່າງມີໄຊ.”
ຮ່ວາຍນາມ, ນັກຂ່າວVOVພາກກາງ