(vovworld) - ຕອນບ່າຍວັນທີ 24/9 ຢູ່ຮ່າໂນ້ຍ, ກ່າວຄຳເຫັນໃນການຕ້ອນຮັບທ່ານ Shin Young soo, ຜູ້ອຳນວຍການເຂດປາຊີຝີກຕາເວັນຕົກຂອງອົງການອະນາໄມໂລກ, ທ່ານຮອງນາຍົກລັດຖະມົນຕີຫວຽດນາມ Nguyen Thien Nhan ໄດ້ເນັ້ນໜັກວ່າ; ຫວຽດນາມ ຕີລາຄາສູງບົດບາດນຳພາຂອງອົງການອະນາໄມໂລກ ໃນບັນດາເວທີປາໄສການແພດທົ່ວໂລກ ແລະ ຕີລາຄາສູງການໜູນຊ່ວຍຂອງອົງການອະນາໄມໂລກ ໃຫ້ແກ່ບັນດາປະເທດໃນພາກພື້ນເວົ້າລວມ ແລະ ຫວຽດນາມ ເວົ້າສະເພາະ. ໃນໄລຍະຈະມາເຖິງ, ອົງການອະນາໄມໂລກ ຈະສືບຕໍ່ໜູນຊ່ວຍຫວຽດນາມ ແລະ ບັນດາປະເທດ, ເຂດແຄ້ວນ ຍົກສູງຄຸນນະພາບການເບິ່ງແຍງດູແລສຸຂະພາບໃຫ້ແກ່ປະຊາຊົນ.
ທ່ານ Shin Young soo, ຜູ້ອຳນວຍການເຂດປາຊີຝີກຕາເວັນຕົກ ຂອງອົງການອະນາໄມໂລກ ໄດ້ສະແດງວ່າ ຈະສຶບຕໍ່ປ່ຽນໃໝ່ວິທີການເຄື່ອນໄຫວ ເພື່ອຍົກສູງລັກສະນະປະສິດທິຜົນການເຄື່ອນໄຫວຂອງ WHO. ອົງການອະນາໄມໂລກ ຈະມີຄວາມຂະຫຍັນຂັນເຂື່ອນກວ່າ ເພື່ອປັບຕົວເຂົ້າກັບສະພາບຕົວຈິ່ງທີພວມມີການປ່ຽນແປ່ງຢ່າງວ່ອງໄວ, ບໍ່ພຽງແຕ່ໃນຂົງເຂດສາທາລະນະສຸກເທົ່ານັ້ນ ຫາກຍັງລວມທັງການເຄື່ອນໄຫວເສດຖະກິດ, ສັງຄົມທຸກດ້ານອີກດ້ວຍ.