ເສີມຂະຫຍາຍຈິດໃຈໜ້າທີ່ຮັບຜິດຊອບຂອງສັງຄົມ ເພື່ອຜູ້ປະສົບເຄາະຮ້າຍຈາກທາດຜິດສີສົ້ມ
(ພາບປະກອບ)
(vovworld) - ກອງປະຊຸມຄັ້ງທີ 6 ຄະນະບໍລິຫານງານສູນກາງ, ສະມາຄົມຜູ້ປະສົບເຄາະຮ້າຍຈາກທາດຜິດສີສົ້ມດີໂອຊີນຫວຽດນາມ ຊຸດທີ 2, ຖືກໄຂຂຶ້ນໃນຕອນເຊົ້າວັນທີ 01 ຕຸລາ, ຢູ່ຮ່າໂນ້ຍ, ເພື່ອແນໃສ່ຮັບຮອງເອົາບັນດາເອກະສານຍື່ນສະເໜີຕໍ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 3, ອາຍຸການ 2013 – 2018. ກ່າວຄຳເຫັນທີ່ກອງປະຊຸມ, ທ່ານພົນໂທ ຫງວຽນວັນຣີງ, ປະທານສະມາຄົມຜູ້ປະສົບເຄາະຮ້າຍຈາກທາດຜິດສີສົ້ມດີໂອຊີນຫວຽດນາມ (VAVA) ເນັ້ນໜັກວ່າ: ສູນກາງສະມາຄົມໄດ້ຮັບຄຳເຫັນປະກອບຈາກບັນດາສະມາຊິກຄະນະບໍລິຫານງານ ແລະ ຂອງຜູ້ຕາງໜ້າສະມາຄົມຜູ້ປະສົບເຄາະຮ້າຍຈາກທາດຜິດສີສົ້ມດີໂອຊີນ ຂອງ 38 ແຂວງ, ນະຄອນ ແລະ ຈະສືບຕໍ່ຄົ້ນຄວ້າ, ສ້າງເອກະສານໃຫ້ສົມບູນແບບເພື່ອຍື່ນສະເໜີຕໍ່ກອງປະຊຸມໃຫຍ່ອາຍຸການຈະມາເຖິງ. ທີ່ກອງປະຊຸມ, ບັນດາຜູ້ແທນຖືວ່າ ສະມາຄົມຕ້ອງຕັ້ງໜ້າໃນການຍົກອອກຄຳເຫັນເພື່ອສ້າງລະບອບ, ນະໂຍບາຍສຳລັບຜູ້ປະສົບເຄາະຮ້າຍຈາກທາດຜິດສີສົ້ມດີໂອຊີນ ແລະ ພະນັກງານເຮັດວຽກໃນສະມາຄົມໃຫ້ສຳເລັດ; ສືບຕໍ່ເປັນແກ່ນສານໃນບັນດາການເຄື່ອນໄຫວສັງຄົມເບິ່ງແຍງດູແລ, ຊ່ວຍເຫຼືອຜູ້ປະສົບເຄາະຮ້າຍຈາກທາດພິດສີສົ້ມ ດີໂອຊີນ.