ໝົດກຳນົດເວລານຳອາວຸດເຄມີອອກຈາກຊີຣີ
(ພາບປະກອບຈາກ East News)
(vovworld) – ວັນທີ 27/4 ແມ່ນກຳນົດເວລາສຸດທ້າຍ ເຊິ່ງອຳນາດການປົກຄອງ ຊີຣີ ໃຫ້ຄຳໝັ້ນສັນຍານຳອາວຸດເຄມີຂອງເຂົາເຈົ້າອອກຈາກປະເທດ. ຕາມຂໍ້ມູນຂ່າວຫຼ້າສຸດໂດຍອົງການຫ້າມອາວຸດເຄມີ (OPCW) ປະກາດແລ້ວ, ດາມາກຸດ ໄດ້ຂົນສົ່ງອາວຸດອອກຈາກເຂດດິນແດນ ຊີຣີ ແລະ ທຳລາຍກ່ວາ 92% ບັນດາວຸດຖຸອຸປະກອນເພື່ອຜະລິດອາວຸດເຄມີ, ສ່ວນຍັງເຫຼືອແມ່ນ 7,8% ຍັງຖືກຮັກສາໄວ້ຢູ່ສະຖານທີ່ແຫ່ງໜຶ່ງ. ທ່ານນາງ Sigrid Kaag, ຜູ້ປະສານງານຕົ້ນຕໍ່ຂອງຄະນະກຳມະການປະສົມລະຫວ່າງ ສະຫະປະຊາຊາດ ແລະ OPCW, ໃຫ້ຮູ້ວ່າເກືອບ 6,5% ຈຳນວນວັດຖຸອຸປະກອນເພື່ອຜະລິດອາວຸດເຄມີທີ່ຍັງເຫຼືອຕ້ອງໄດ້ຮັບການຍົກຍ້າຍອອກຈາກ ຊີຣີ, ນອກນັ້ນມີວັດຖຸຈຳນວນໜ້ອຍຈະຕ້ອງທຳລາຍພາຍໃນປະເທດນີ້. ທ່ານນາງກໍ່ຕີລາຄາສູງ: ການຮ່ວມມືມີລັກສະນະສ້າງສັນຂອງລັດຖະບານ ຊີຣີ ໃນການຂົນສົ່ງ, ມອບໂອນ ແລະ ທຳລາຍສາງອາວຸດເຄມີຂອງປະເທດນີ້.