ກອງປະຊຸມ AWGCW-8 ຈະດຳເນີນໃນວັນທີ 5 – 7 ກໍລະກົດ 2023 ຢູ່ທີ່ຮ່າໂນ້ຍ (ພາບ: TTXVN)

ກອງປະຊຸມດັ່ງກ່າວ ໂດຍກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຫວຽດນາມ ສົມທົບກັບ ຄະນະເລຂາທິການອາຊຽນ ຈັດຕັ້ງ.

ບັນດາຜູ້ແທນເຂົ້າຮ່ວມກອງປະຊຸມດັ່ງກ່າວ ຈະປຶກສາຫາລືກ່ຽວກັບ 4 ເນື້ອໃນ ເຊິ່ງລວມມີ: ການເພີ່ມທະວີກຳລັງຄວາມສາມາດ ແລະ ແລກປ່ຽນຂໍ້ມູນຂ່າວສານກ່ຽວກັບເຕັກໂນໂລຢີ, ການປະຕິບັດທີ່ດີທີ່ສຸດ; ຜັນຂະຫຍາຍບັນດາເນື້ອໃນຂອງຖະແຫຼງການຮ່ວມຂອງ ອາຊຽນ ກ່ຽວກັບທາດເຄມີ ແລະ ສິ່ງເສດເຫຼືອ; ຟື້ນຟູບັນດາເຂດຖືກມົນລະພິດຍ້ອນທາດເຄມີ ແລະ ສິ່ງເສດເຫຼືອທີ່ເປັນອັນຕະລາຍ; ອັບເດດໝາກຜົນທີ່ກ່ຽວຂ້ອງເຖິງ ສົນທິສັນຍາ Stockholm ກ່ຽວກັບບັນດາທາດກໍ່ມົນລະພິດອົງຄະທາດ ທີ່ລະລາຍຍາກ (POPs) ຢູ່ກອງປະຊຸມບັນດາຝ່າຍເຂົ້າຮ່ວມ ບັນດາສົນທິສັນຍາ Basel, Rotterdam ແລະ Stockholm ປີ 2022, 2023.

ໝາກຜົນຂອງກອງປະຊຸມດັ່ງກ່າວ ຈະປະກອບສ່ວນເຂົ້າໃນການສ້າງພາກພື້ນ ອາຊຽນ ສີຂຽວ ແລະ ຍືນຍົງກວ່າ.