ກອງປະຊຸມລັດຖະມົນຕີການຕ່າງປະເທດ ອາຊຽນ - ນິວຊີແລນ (ພາບ: TTXVN)

ທີ່ກອງປະຊຸມລັດຖະມົນຕີການຕ່າງປະເທດ ອາຊຽນ - ລັດເຊຍ, ສອງຝ່າຍໄດ້ເຫັນດີເປັນເອກະພາບຍູ້ແຮງການຮ່ວມມືຮອບດ້ານໃນບັນດາເສົາຄ້ຳການຮ່ວມມື, ສຸມໃສ່ເຂົ້າບາງຂົງເຂດບຸລິມະສິດຄືຕ້ານການກໍ່ການຮ້າຍ, ຄວາມໝັ້ນຄົງດ້ານພະລັງງານ, ຄວາມປອດໄພດ້ານອິນເຕີແນັດ, ເພີ່ມທະວີການແລກປ່ຽນດ້ານການຄ້າ, ການລົງທຶນ…

ທີ່ກອງປະຊຸມລັດຖະມົນຕີການຕ່າງປະເທດ ອາຊຽນ - ນິວຊີແລນ, ບັນດາປະເທດ ອາຊຽນ ໄດ້ຊົມເຊີຍ ນິວຊີແລນ ເມື່ອຜັນຂະຫຍາຍຍຸດທະສາດກ່ຽວກັບມະນຸດ ແລະ ຍຸດທະສາດວັດທະນາຖາວອນ ເພື່ອແນໃສ່ຊຸກຍູ້ການພົວພັນທີ່ສະໜິດແໜ້ນກັບ ອາຊຽນ. ສອງຟ່າຍໄດ້ເຫັນດີເປັນເອກະພາບຍູ້ແຮງການຮ່ວມມືໃນບາງຂົງເຂດໃໝ່ຄືພັດທະນາພະລັງງານຜະລິດຄືນໃໝ່, ພັດທະນາພື້ນຖານໂຄງລ່າງ, ເຊື່ອມຕໍ່ການຂົນສົ່ງທາງອາກາດ, ການລົງທຶນ, ເສດຖະກິດດີຈີຕອນ, ການກະເສດ, ການປະມົງ…

ກ່າວຄຳເຫັນທີ່ບັນດາກອງປະຊຸມ, ທ່ານຮອງນາຍົກລັດຖະມົນຕີ ຫວຽດນາມ ຟ້າມບິ່ງມິງໄດ້ຢັ້ງຢືນວ່າ ຫວຽດນາມ ຖືເປັນສຳຄັນ ແລະ ຈະຕັ້ງໜ້າພ້ອມກັບບັນດາປະເທດ ອາຊຽນ ເປີດ ກ້ວາງ ແລະ ເຮັດໃຫ້ການພົວພັນຮ່ວມມືໃນຫຼາຍດ້ານເລິກເຊິ່ງກ່ວາອີກ, ທີ່ຕ່າງຝ່າຍຕ່າງມີຜົນປະໂຫຍດລະຫວ່າງ ອາຊຽນ ກັບ ລັດເຊຍ ແລະ ກັບ ນິວຊີແລນ. ທ່ານຮອງນາຍົກລັດຖະມົນຕີກໍ່ແບ່ງປັນຄວາມວິຕົກກັງວົນຂອງ ຫວຽດນາມ ກ່ຽວກັບການຜັນແປຢ່າງສັບສົນໃນພື້ນທີ່ຕົວຈິງຢູ່ທະເລຕາເວັນອອກ. ບັນດາປະເທດຮັບຮູ້ຄວາມວິຕົກກັງວົນຂອງ ຫວຽດນາມ, ເຫັນດີເປັນເອກະພາບວ່າຕ້ອງຖືກົດໝາຍສາກົນ ແລະ ການປະຕິບັດຕາມເປັນສຳຄັນ, ຄວາມອົດກັ້ນ, ບໍ່ມີການກະທຳເຮັດໃຫ້ຄວາມເຄັ່ງຕຶງເພີ່ມຂຶ້ນ, ເຮັດໃຫ້ສະພາບການສັບສົນຂຶ້ນຕື່ມ, ບໍ່ມີຜົນປະໂຫຍດໃຫ້ແກ່ບັນດາຄວາມມານະພະຍາຍາມໃນການ ສົນທະນາ ແລະ ສ້າງຄວາມໄວ້ເນື້ອເຊື່ອໃຈ, ສະໜັບສະໜູນຫຼັກໝັ້ນ, ຫຼັກການ ແລະ ບົດບາດ ຂອງອາຊຽນ ໃນການປະກອບສ່ວນຮັກສາສັນຕິພາບ, ຄວາມໝັ້ນຄົງ ແລະ ສະຖຽນລະພາບຢູ່ທະເລຕາເວັນອອກ.